Thailand · 10 Days · 27 Moments · June 2015

Jasi Pedrini

Jasi's Reise nach Thailand


2 July 2015

Au die schönste täg im jahr gend mal z end :(....nach dem mir gester na es feins bbq am strand gnosse hend, hemmer hüt na die letschte stunde am pool verbracht, bis mir vom taxi abghollt worde sind. Etz gits e sehr langi heireis. Mir hocked grad na in koh samui am flughafe womer inere halb stund abflüged (16:35 eusi zit). Am 19:30 chememer den in singapur a womer nacher 6 stund ufenthalt hend 😫😫 am halbi 2 gahts witer und mir chemed am morge am 8i (schwizer zit) am flughafe a. Mol hett mi gfreut🌅 freu mi aber uf mini family und mini brödis ❤️

1 July 2015

Gester wieder mal feins thai zum znacht gesse, de blueme richi gsi und hüt am strand de letschti ganz tag gnüsse 😭😭

30 June 2015

Gester simmer mitem speedbot uf koh phangan gfahre will det vollmond party gsi isch. Es isch recht spannend gsi wills so viel kapputti lüt gha hett. Eigentlich chan mers mitere streetparade vergliche ussert das es am strand isch. Will mer hüt morge aber scho früeh hend müesse ufstah für euse usflug, simmer den au am 1 scho wieder zrugg gange. De usflug hett gstartet mit elefante rite wo mega schön gsi isch. Nacher hends eus zeigt wie mer currypaste macht. Witer isches zum mr coolman gange aka de mumifizierti mönch mit de sunnebrülle😂. Den simmer witer anen wasserfall gange wo mer au hett chene bade 🏊🏻🎏nacheme feine thai zmittag wo aber null scharf gsi sind simmer wieder um die ganz insle zrugg düset zum hotel! Etz wird pfuset, gsünelet, bädelet 🍸🐟🌅

29 June 2015

Lecker schmecket znacht mit de feine drinks und den na es bad i de fischli😁🐟 isch recht es komischs gfühl gsi... Morn chille und am abig vollmond party uf koh pangan 👌🏻
Gester simmer im hotel restaurant go esse.. Es isch okey gsi aber hett mi ned vom hocker ghaue! Mir hend na feschtgstellt das zwei schwizer da schaffed, de eint isch aber en welsche und de ander hani nani gfregt. Nacheme feine zmorge mitere super ussicht und blauem himmel simmer an strand abe gange und go entspanne. Spôter hani eich welle es bild mit de gopro mache und han feschtgstellt dasi kei akku han... Guet gemmer is zimmer go uflade. Aaa wunderbar keis ladekabel debi😂👍 janu am nami hemmer eus namal massiere la und während dem e schôni ussicht gnosse. Etz gemmet den namal ad chaweng go luege obs es kabel hend und go znacht esse im resti mit de feine drinks 👌🏻

28 June 2015

Nach dem mir de morge am meer verbracht hend simmer am eis ad chaweng gfahre. Det simmer chli dur d strass gloffe und hend chli pôstelet. Wills aber so viel habasche gha hett wo eus öppis hend welle adreieh simmer den irgendwenn in "the coffe club" det hetts brutal feini getränk geh. Etz simmer zrugg im hotel und hend eich na en schwumm welle neh, es duet aber mega winde drum simmer etz nachli im hotel zimmer und warted ab.

27 June 2015

Nach dem mir gester am halbi 10ni na es chlises hüngerli verspührt hend simmer im hotel na is thai resti gange. Vo dem hemmer en guetschi becho und eus isch es rise menü uftischet worde 👍 hüt morge simmer am 9ni ufgstande und go zmörgele.. Woni miteme teller voll frücht zrugg cho bin hett mi de marco agluegt und gseit: die frucht derfsch ned esse (und ufd drachefrucht zeigt) ich han grad denkt oh neei chumi echt de schisser über?!? Den seit er: suscht wirsch zum drachekrieher!! Phuuu wenns nur das isch 😅😅😂
Hüt wird am pool und meer entspannt und gesse 😍😍

26 June 2015

Nach dem mir gester acho sind und chli am meer gsi sind, hemmer eus nacher mit de stego und ihrne 3 kollegine zum znacht esse troffe. Nach dem simmer zu ihne is bungalow go vorglühen. So am halbi 1 simmer den i die ersti bar go chüble trinke und e shisha rauche. Witer isches den i sone club/bar gange womer all guet steil sind und au völlig abracht tanzt hend. 🎉🎉
Total entspannt 👌🏻👌🏻
Acho im fucking paradis😍😍 nach dem mir am 11 im hotel abghollt worde sind, simmer an flughafe gfahre und den nach koh samui gfloge. Det abghollt worde und den zu eusem hotel gfahre. Zum ichecke hemmer chene absitze und s eus miteme welcome drink gmüetlich mache 👍 d jimba hett eus nacher is zimmer gfüehrt womer zerscht eifach mal überwältiged gsi sind.. Soo gross und übertriebe schön. Etz simmer d hotel alag go aluege und sind immer nani usem stuune cho. Will ned würkli saison isch hetts mega wenig lüt, under dene es paar schwizer.. mal kei schlitzäugli👍 seht und staunt!!

25 June 2015

Gester simmer den entlich de azug go abholle und den ines resti grad nebe dra. Det hemmer so guet gesse wie na nie in bangkok👍 eigentlich hemmer nacher churz welle hei go umzieh und den wieder id skybar, will ich aber so am arsch gsi sind simmer doch ned gange. Hüt gahts witer uf koh samui 🎉🎉👏🏻
Schön hemmer euse namittag im hotel am pool verbracht. Im glaube das ich mich underem sunne schirm sicher ned verbrenne isches den doch passiert. Mir beidi gsehnd us wie zwei brötleti schnitzeli. De marci hetti na fascht en inder vorem versufe müesse rette 😂😂 (im wasser wod chasch stah) sie hend ihm den aber en ring zuegrüert und alles isch wieder guet gsi. Das ganze hett zimlich nacheme baywatch film usgseh 👌🏻😂
Gester simmer am 5i richtig skyline gfahre mitem tuktuk. Den zu de nana station am marco sin azug go aprobiere. Det acho hetter den schnell müesse dri schlüfe und den hemmer scho wieder chene ga. Nacher simmer is cabbages&condoms restaurant wo all puppe so kleider us kondom agha hend.👌🏻hüt morge simmer am halbi 8i abghollt worde, den zum königstempel gfahre, bim neue königshus verbi gfahre und am schluss inere diamante fabrik glandet. Det hemmer chene lougen und hend zwei chlini elefäntli ahänger kauft 😍👍etz chillemers am pool und essed nacher

24 June 2015

Will mir eich kein plan gha hend was mache, hemmer usgschlafe. Den eus mal parat gmacht und sind i so es chlises ikaufszenter gange, 5 min vo eus entfernt.. Eigentlich nume will ich abschminktüechli brucht han. Es isch alles sooo günstig gsi und glaub au eher en ort wo die iheimische go poste gend. Nacher simmer im hotel an pool gläge und hend esse bstellt. Den en churze schwumm go neh und nacher 1 stund thai massage 😍😍👌🏻 etz wie neugebore gemmer ad rezeption und wend für morn en tour bueche.. Mal luege obs klapped.✌️

23 June 2015

Öppe am 9ni isch de lars bi eusem hotel acho. Mir sind den vo eusem hotel bis zum hotel gfahre wo d skylounge isch det mitem lift in 64igste stock und hend d ussicht gnosse bimene drink👌🏻sie sind mega lieb gsi det, sind eim immer nahgloffe zum druf hiwise das es det e stäge hett und mer ned drübergheit 😂 nach es paar selfies simmer den witer ad cowboy strass aka langstrass. Det simmer den wieder chli go füdis aluege und hend 2-3 drunke, bis wieder am 12i polizei stund gsi isch und all hend müesse ga. Witer simmer denn id v8 bar hend det e shisha gha und namal eis drunke. So am 3 simmer den miteme liechte rüschli heicho und is bett gheit.
Nachem zmittag esse simmer den go shoppe. Das ikaufs zenter isch aber so risig gsi das mer ned i so viel läde gange sind. Nacher simmer wieder mit de skyline richtig eusem hotel gfahre, ufem weg hani na en mc flury für ned mal 1 stutz ghollt. Womer bi eusere haltestell acho sind, simmer bimene fitness park glandet. Sie hend en boxring, es fuessballfeld etc gha. Mer hett au chene rundume jogge und es hett sogar group fitness gha, das alles underere brugg.
Nach zwei täg bangkok es zwüsche fazit: Es hett viel z viel autos und andauernd stau. Bangkok isch interessant zum mal gse ha wills würkli wie im film isch aber es hett so viel abgas und abzocker wo kei englisch verstönd. Us hotel ibis wird ibit 👊🏻 ibis verstönds ned mal😂
Der weg zum ziel!
Es isch glückt, mir hend tatsächlich de schnider gfunde und chend morn de azug abholle 👍 de schnider isch en guete typ gsi und de einzig womer hend chene vertraue. Er hett eus en plan zeichnet für d skyline und gseit mir selled die neh. Etz wird geshoppt 👌🏻 at central world
Nach dem mir am morge chum hend möge ufstah hemmers doch na gschafft.. Eigentlich suechemer en schnider wo mega guet isch aber meinsch irgend en pinsel taxi fahrer kennt die adresse? Simmer namal zrugg is hotel und hend gseit er sell eim alüte wod adresse kennt. Etz wartemer ufs taxi, not sure ob de die adresse würkli kennt 👍

22 June 2015

Hemmer doch welle id skybar wo de hangiver dreiht worde isch. Will aber die zwei jungs nur kurzi hose agha hend hemmer ned derfe ufe und sind den ine bar au im gliche huus eifach ned so boss like. Hend eis trunke isch viel z tür gsi und sind nacher ad "langstrass" vo bangkok gange! Det hemmer chli de hoes zuegluegt und zwei trunke. Nach dem uf eimal alli hoes verschwunde sind und d musig abgange isch plus s liecht a hemmer gfregt was lauft.. Hett sie gfunde ja d polizei. Simmer use überall bulle haha wunderbar 👍 den simmer heigfahre mitem taxi und de wixxer hett eus e fucking gfälschti 500 note zrugg ge.. Welcome to bangkok
Acho nacheme abartig lange flug und den zerst grad mal is bett gheit. Nach dem mir eus chli erhollt hend simmer nacher an pool gange öppe 2 stund. Nacher go esse und is zimmer go prat mache! Witer gahts mit de skybar 👌🏻