Vietnam · 17 Days · 20 Moments · April 2017

Vietnam


30 April 2017

Cat Ba

29 April 2017

Phong Nha

28 April 2017

Vinh

27 April 2017

Caves Phong Nha

25 April 2017

Motorrad phong nha

24 April 2017

Hué

23 April 2017

Hoi an

22 April 2017

Roller Hoi An, Da Nang

21 April 2017

Nachtbus Hoi An
Nha Trang Diving

20 April 2017

In nha trang mol wieder chöne chli chille. Hend eigentlech wele go tauche aber es het kai platz me ka. Sind denn kli umegloffe und hend e tauchschuel gsuecht für de negst tag. Nha trang isch e riesigi küstestadt überfüllt mit russe und chinese (beidi nie lache und kei english). Am nomi no en tempel ahglueged und an strand chillt.

19 April 2017

Hend d easy riders tour rund um Da Lat buecht. Am 8i simmer vu 3 locals uf de bikes abgholt worde. Den hemer üfs uf de weg richtig berge und countryside um da lat gmacht. Es isch e wunderschöni region mit villne terassene wo pfeffer, kafi, riis, blueme und sus allerlei apflanzt wird. 1. Stopp bim "beschte kafi uf de welt", d bohne werded a wisel verfüettered und den noch dems usegschisse werded gwäsche + gröschtet. De kafi isch biz speziell aber guet gsi. 2. Stopp binre seidefarm und herstellig vu stoff. Usm material wo d raupe de cocon mached wird mit paarne schritt seide produziert. Au da isch sehr interessant gsi. 3. Stopp bi locals wo bambusteili fürd seideproduktion fertiged. De job ved streng usgseh und au die kline kinder hend mitgholfe. 4. Stopp bim "happy water", d asiate fanged schlange und sustigi viecher und leggets i wasser i. Wenns da trinked segs guet für gsundheit, potenz etc. (strange asian things). Het auno e riiswii produktion ka isch aber ned mis.

18 April 2017

Am obed hemer üs mot de gruppe vum canyoning troffe zum an nightmarket ide altstadt und nocher in usgang zgoh. Willmer no e tour für de negst tag hend müse bueche und s hostel uf maps me komplett falsch gsi isch, hend die andere 45min uf üs gwarted. Isch en gmüetliche obed gsi und de market mit de bunte ständ und am esse isch cool gsi zum durelaufe. Den simmer no ine bar bism 12i, was go esse und zrugg in homestay
Abgholt worde bim Homestay und zunre canyoningtour ide berge und flüss rund um da lat ufbroche. Hend e cooli truppe ka, dütsche australierin paar engländer und mer. Zerschd paar instruktione und denn simmer losgloffe zum fluss. Bim erste wasserfall ca. 10m ischs no kli komisch gsi aber scho bim 2te und grösste ca. 20m hoche wasserfall isch kei problem me gsi. Mega geils gfühl zum sich quer abe seile mit wasser, wo di ganz zit uf di abedruckt.

17 April 2017

Damol kli früehner use und an strand gfahre. Kli witter weg isch de strand e biz schönner gsi und hend den det chillt bism mittag. Am 12i de bus richtig Da Lat (e bergstadt ca. 5h weg) und am 5i dobe acho

16 April 2017

Mitm beat kli durd stadt und mis handy gsuech😅 gloffe will de eric no im delirium gsi isch. Denn en roller gmieted de eric ufgabled und zude düne gfahre. Det kli chillt bis zum sunneuntergang und zrugg was go esse. Mui Ne selber isch nix speziells, viel russe kli strand und düne. Am obed id die mexikanisch bar was go esse und trinke und gegs di 12i go penne.

15 April 2017

In mui ne acho und zerschd mol müese 2 lästigi mofafahrer abwimmle wo üs hend wele gras und bumbum verkaufe. Denn simmer 2km richtig backpacker resort gloffe. Isch leider scho volle gsi drum hemer im guesthouse nebedra e zimmer gno. Dennoch in usgang, zerdchd go esse und denn in beachclub, ganz geili atmosphäre gsi. Paar bier gno uf ganbei und den mit locals no was go esse und trinke. Sie hend üs alles zahlt, glaub will de eric kli viel fürs gras zahlt het.. i ha kli weniger übercho und 1/3 zahlt. Denn no mit dene eis graucht mit de pfiffe und bim sunneufgang am 6i ine anderi bar. Det ischmer s handy klaut worde. Kp wia und wer.. ischmer aber zimlech glich gsi.. am 7ni denn hai
Am morge kli durd stadt und d märkt gloffe & streetfood go esse. Mega gmüetleche markt gsi mit spezialitäte vu ganz asie. Nochm mittag simmer is Kriegsopfermuseum vum vietnamkrieg. D gschicht isch mega spannend aber s museum isch mega überfüllt gsi und für mis empfinde sehr uninteressant dargstellt. Unübersichtlech und viel zviel text zum lese. D bilder sind defür mega idrücklech gsi. Denn am spötere nomi hemer de bus uf Mui Ne ade Küste gno und sind 5h abegfahre

14 April 2017

Broliday! Nochm usgang bism 12i pennt und faschd usegworfe worde. Am beat sind no ca. 250 USD klaut worde im hostel.. denn im hotel wo de eric buecht het icheckt und kli d stadt + de central market go aluege. D stadt isch no schö gmacht mit pärkli überall verteilt aber mer het hanoi besser gfalle, muess villichd wie in PP e 2. Mol go. Bim zrugglaufe vu paar studente agsproche worde obmer mit ihne chönnd english rede und kli zu ihne hocke. Willi da vu hanoi scho kennt ha isches nüme komisch gsi und sind den e stündli zude locals ghocked und hend gredet. Am obed isch denn de eric cho und denn simmer id skybar vum hotel was go esse und trinke

13 April 2017

Am mittag bide grenze acho und durd passkontrolle gange. Uf de vietnamesische sitte scho vumne rollerfahrer zueglabered worde uf vietnamesisch und mit wilde geste. Knapp verstande daser üs will ine dorf fahre dassmer denn det chönd de bus uf Ho Chi Minh neh. Er het extra no sim kolleg aglüted wo aber au nix cheggt het uf english. Denn hemmer en kambodschaner troffe wo e privattaxi bstellt het und sind mit dem 4h uf hcmc gfahre. D rollerfahrer hend üs no wele bekehre aber het nix gnützd. Denn acho, was go esse und e hostel gsuecht. Im hostel hemer d miss australia (schwule Australier) kenneglernt und sind mit ihm und sine kollege uf die gross barstreet. Tschütte obed gsi, viel geili lüt kenneglernt (Ladyboyjesus etc) denn zrugg am 5i am morge is hostel.