Europe, Africa, Asia · 20 Days · 123 Moments · October 2017

SafariAbenteuer Tanzania & Zanzibar Dream


31 October 2017

Im Zug 🚂 hoeckle richtig Baern. Es faut grad extrem uf wie gsittet u korrekt dases hie ablouft. Innert 10 min simer duer d‘Passkontroue duere gsi u dr Koffer ou scho ufem Band gha 😜 ok... dasch scho grad chli Zuefau... aber haut nix me Africa ... pole pole... kuna matat
Back @switzerland...u bereits im grosse "M" gsi u Typeschi Schwyzerprodukt gkouft 😏
E soooo nes boarding heimr iz auso ou no nie erlaebt. Schlimmer aus bi easyjet. Die meischte hie hei meh aus 1 Handgepaeck bisech. Da sie mir so richtig d‘Loelis mit uesne Ruckseck wo nidemau Handgepaeck Groessi hei.
Warten auf boarding 😳
Tuerkisch Essen jetzt... voll krass
Happy landing Istanbul 😜
Airport Kilimanjaro.... iz heimr ne doch no doerfe gseh, dr Baerg vo de Baerge u sie chliner Nachbar 😜
Time to say goodbye Ichecket u duer d‘Passkontroue simer afang cho. Iz isch warte agseit ufe Flueger wo ues zersch uf Kilimanjaro bringt u naer ueber z‘Wasser uf Istanbul. Mau gspannt druf oeb mr aech Huet doch no dr Kilimanjaro live gseh 😆
Ueberpuenktlech het Ues uese Driver im Hotel abghout u sicher a Flughafe gfahre. Es isch ume dr glichlig gsi wo Ues scho im Golden Beach Hotel isch cho abhole.
WackeUpTime 01.40h Nach es paar Stung im Hulli liege geits iz uf fuer d‘Heireis aztraete. Only z‘Wichtigschte no verrumt u ready fuer PickUp

30 October 2017

Die letschte paar Stung gniesse mr no ufem rooftop vo uesem Hotel ir Summernacht, bevor mr am Morge am 2 abghout waerde 😂
Shopping darf ja nid faehle am Schluss 🤣
Sightsinnig .. a tolle Tuere manglets hie nid 🤣
Spaziergang nid nume duer d‘Stadt, nei, ou d‘Promenade am Meer heimr nomau wöue go gniesse bevor mir iz „LUKMANN“ oepis go go aesse.
Die tolle Malereie entdeckt bim Bierli gniesse uf dr Terasse vom Floating Restaurant 😜

29 October 2017

Mir bechoeme no e Fuehrig ueber d‘Spicefarm wo mr dr Chochkurs hei. Zwe juengeri Manne erklaere Ues was welles Gwuerz isch u wies wachst. Ou e Butterflyman doerfe mr no erlaebe. Dasch dae wo ohni grossi Hiuf u ussert es Seili um d‘Fuess uf d‘Palme chlaetteret u so d‘Kokosnuess abehout. De hei d‘Froue ou no es Armband us Paumeblaetter becho miteme Bluemli us Broescheli. 😜
Bim Butterflyman waerde mr no chroent u bechoeme e Kokossnuss zum trinke.
TucTuc fahre isch aecht es Erlaebnis fuer sich. Eigeti Kategorie so z‘saege 😜 Ungloublech wieviu Luet uf die chlini Flaechi moege. Haebe muesch di nume wöus scheicket u jumpet 😜 haerefluege chasch niene 😜
Am 14.30h isch Traeffpunkt bim Markt. Hei online e Shuailli Kochkurs buechet. Mit dr Choechin u Ihrer Chefin simer Du ueber Maerit gloffe u hei aus igkouft womr zum choche bruche. Ueber Fleisch, Riz, Gmues u Gwuerzt. Hei ou grad bemerckt das es garnid soooo biuig isch. Z‘Huehn u z‘Beef si hie am tuerschte. Das e Kokussauce git het ues dr Haendler die zwe wimr gkouft hei ou grad uftah damit mr no chöi trinke drvo u mr das nid ou no miesse mache. Het nid grad easy usgesh zum uftue 😜 Ichouflischte: -Huhn -Auberchine -Ingwer -Zybele -Knoblouch -Tomate -grueni Peperoni -Basmati Riz -Kokosnuss -Gwuerz -Tomatemark U no Banane zum Dessert
Da mr abem spetere Nami bereits verplanet si heimr ues ume Mittag ume ufe Waeg gmacht nochli die angere Hotel go z‘luege u oepis go trinke am Meer vorne. Dr Chönig het Sie Thron Huet ou scho gfunge.
Breakfastsurpries fuers Geburiching 😝🎂😝 Super fein lecker gsi das Birthday Cake
Huet isch Birthday 🎂 Tag Happy Geburitag mi Schatz. Freue mi druf Huet mit Dir di Tag z‘verbringe bimene Suhaellische Chochkurs 😜 Sofern oeper a veribart Traeffpunkt chunnt 🤣 Iz goemer aber zersch mau go zmoergele 😘 Happy Birthday Schmatzer 💋

28 October 2017

Auf besichtigungs Tour in Stone Town inklusiv kleiner Imbiss 👍🏼 Hei ues z‘Museum vo dr SKLAVEREI u d‘Chieuche vorgnoh gha. U de simer aschliessend no oepis chlises go frame... bzw. Dr Daenu het gaesse... i eher nid... ha mr es chlises Chaeferli igfange u ha grad chli mueh gha mit aesse. Has de bi Tee u Banane belah. 😜 Bim nochli umhaergwatschle duer Stonetown simer per Gluecksfau ane Hochzyt haereglueffe u hei daem tribe nochli choene zueluege u vorauem ZUELOSE. z‘Brutpaar isch grad us dr Chile cho u isch umzinglet gsi vo singende u tanzend froehleche Afrikaner. Einzig d‘Brut haett doerfe happyger usgseh 😳 Viellech isch sie aber eifach ou nume ueberwaeutiget gsi 😜
so cool, in fredy's geburtsstadt in der "mercury" suite zu wohnen😀 tribute to fredy!
Ueses neue Deheime. Nach em Strand chli ir Stadt abhange. D‘Autstadt vo Stone Town isch Weltkulturerbe. Uesi Ungerkunft: Jafferji House & Spa
Um die haubi 11fi simer im Hotel Golden am Strand abghout worde u d‘fahrt ueber die afrikanische Strasse kann beginnen... Jumping and schaecking 😜 witer simer nach ca 1 1/4 Stung in StoeneTwon acho ....dr Fahrer het sini Buetz guet gmacht. Het Ues sogar bis zum Hotel begleitet (Fuessgaengerzone) u gwartet bis ok isch gsi dases im Hotel klappet. Ou bim haere fahre get Er ues no gseit u zeigt wo was isch 👍🏼 Hektisch warm u turbulaent isches ir Stadt 😜

27 October 2017

Nacheme intensive Schnoerchu- u BBQ Tag no chli chillend am Beach e Cocktail gniesse😝 Darf doch ou nid faehle😝
Sunset @beach
Bim zwoeite Platzli acho het z‘Roesslischpiu ume vo vore agfange. Mir hei immer binenang muesse bliebe. Weme nid ufgschlosse het sie si eim cho hole 😜 Es het sehr viu schoens gaeh z‘gseh unger Wasser. Ganz vieli bunti Fischli chli u gross 😜 Isch immer schoen die Ungerwasserweut z‘beobachte u doerfe z‘erlaebe. Schweug Nach dere Schnorchrundi simer de az Feschtland chauffiert worde wo ues es BBQ erwartet het. Ungloublech was Sie da aus hei ufgschteit u wie mr si verchoeschtiget worde. Isch lecker fein gsi wie geng hie in Tanzania ✅ Bim z‘Mittag heimr du gueti Ungerhautig gha mit eme junge Paar vo Waldshuet. (Deutscheland) U scho gli hets ume gheisse das mr zruegg iz Boat muesse zum zrueggfahre a usgangspunkt. So isch e erlaebnisriche Tag verbigange. Schoen isches gsi 😜
z‘friede simer dr Kueschte entlang duer z‘Wasser kutterlet u hei die einti Schiudchroete u dr eint Delphin bereits gsichtet gha. Nach ca 1 1/2 Stung simer bi dere Insle acho... u wie fasch vermuetet simer nid die EINZIGE gsi 😜 De chum gankeret simer ou grad iz nasse Wasser ghuepft u die erschti Schnoerchurundi igluete. Hei aber grad sofort gmerckt das es a daem Platz e raecht starchi Stroemig het. U da mir ou nid soooo guebti Schwuemmer unger ues hei gha het uesi Crew beschlosse das mr zruegg go zum Boat u mr e angere Platz due awisiere.
Los geits zur SEAFARI zur Insle „Mnemba Atoll“ Wie scho vorhaer erwaehnt het dr Bill Gates die Insle plus Meerumschwung pachtet. (Hie chame nued choufe, only Pachte) Hei am 8.30h muesse bim Stang am Beach si zum uebere z‘loufe iz angere Hotel wo d‘Diving Bude isch stationiert. De het du z‘warte agfange bis de ou die hingerletschte ihri Flosse u Schnoerchle hei gha. Nach gfueht ere Stung isches Du losgange uf d‘Wassersafari.
Hooopppllaaa, simer doch z‘frueh gsi zum z‘moergele Huet. D‘Abschrankig isch no gschpannt gsi 😝 de heimr haut hurti muesse warte. Aber uesi Uhr isch gloub richtig gange... aber wie scho meh erwaehnt... hie z‘Africa goe d‘Uhre chli angers 😂 Hei oemu de glich es feins z‘Morge u Teeli choene gniesse u si de raechtzytig ready gsi fuer uese Tagesusflug 🤣 Sie scho gnz gschpannt was mr so a Fischli waerde gseh 😍

26 October 2017

Nam z‘Naechtli mi go probiere ir Staernehimmu photoraphie. Da isch no Luft gaege obe 😳
Zruegg vom plegere am Plaja u bereits dr Sunneungergang gphoetelet sowie fruesch dueschelet. Dr Nami hets no guet gmeint mit ues. D‘Sunne het no fueremoege u im Momaent gsehts fasch drna us aus oebs e Staernehimmu choent gaeh. Dr Mond heimr oemu scho frueh gsichtet gha 😂
Das iz nuem raegnet isch iz dochno Zyt cho fuer a Beach 🏖
z‘Trinkgeud im vorus zaut sech us 😝
Huet Morge ume haub soooo schlimm die rote Steue am Koerper. Brun si sie nonid grad, aber ou scho nuem so rot 😂 Bis iz hets only graegnet... mau chli meh u mau chli weniger. Es isch aber trotzdaem agnaehm warm. Mir hoffe das es Morn nid raegnet. Drum darfs Huet schono e biz duurraegne 🤣 Morn ische SEAFARI ZANZIBAR agseit inklusiv BBQ 🍖 Rund um d‘Insle „Mnemba Atoll“ wöu druf, darf me nid da sie am Bill Gates ghoert 😝

25 October 2017

Hinech bim dusche hei mr du gseh dases nid sooo cool isch gsi NID IZCREME 😂 daenu het rote Buch u i ha roti Chnöi 🤣🤣🤣
Sunset isch mega schoen gsi... het richtig gluechtet trotz Wouche 😝
Beachtime ohni gross Sunne ...
Neuer Tag am Beach 🏖... bis iz only z‘Moergelet u uf dr Lounge umeghoecklet mit chli laese. Hie hets am Morge graegnet... es si aber natuerli agnaehmi bzw scho fasch ume tuepegi Temperature hie. So isch dr Raege nid wuercklech schlimm 🤣

24 October 2017

Ume vougaesse retorno vom z‘Nachtbuffet u mued vom nued mache u musig lose 😂
Heiss isches gsi am Strand entlang ufwaerts z‘loufe. Eigetlech waer ja z‘Ziel dr Luechtturm gsi.... hei ne aber nid gseh. D‘Gfahr das Fluet ender zrueggchunt isch ues doch chli z’gross gsi. De heimer haut vohaer umdreiht u sie chli go schnorchle. Aber wemr ehrlech si heimr nued gseh ussert „Seeigle“. 😂 Aber mir hei scho e Usflug planet mit Schiff uf die angeri Siete vo Zanzibar zure Insle wo ni dr Name aber nonid weiss. 🤣 De heimr huet no Botscha gschpiut. Leidr het dr Maennlech teu gwunne 😔 ja nu, es angersmau ha i evt meh glueck. Ah ja, u umeglaege u baedelet heimr natuerli ouno. Photos heimr aber nid wuercklech.
Nachem fulaenze am Mittag bi ues uf uesere PrivatLoung goemer iz chli am Strand nah u hoffe das mr es bitzli choei schnorchle 😝
Hei no hurti es Traeffe mitem Agent vom Reisebuero vor Ort gha. Hei PickUp Zyte abgmacht. Fuere Raeschte a Uslueg u so heimr z‘gfueh gha sie sige grad chli ueberuese mit de Prise. Drum heimrs la si u luege seueber. 🤣
Relaxen ...relaxen ynd nomau relaxen
Wie bereits vermuetet, es Buffet „Was das Herz begehrt“ Fein isches gsi, u natuerli viu isches gsi. Aber bis zum z‘Nacht, wo hie ersch am 8ti am Abe isch geits ja no laaaang. Hei auso gnue Zyt zum verdoue. 😂 Es haett sogar e Fitnessrum.... hmmmm... heimr aech ou Holiday vor em Sport? Choent me no drueber diskutiere. Deheime uf dr Waag gseh mrs de 😳
Iz wöimr aber go z‘moergele u si scho ganz gspannt druf was es aus git. Nachem geschtrige z‘Nacht Buffet heimr gueti Ussichte uf viiiuuuu Verschiednigs.
Lounge-Sicht am Morge nach dr erschte Nacht hie im Golden Beach. Guet heimr pfuset, obschon mr we mr ehrlech si d‘Stimme vo de Gnu‘s, Loeie & Hyaene scho vermisst hei. Isch ume es voellig angers Africa hie.

23 October 2017

Ungloublech was die hie eim a z‘Nacht Buffet biete. Isch grad echli verruckt weme bedaenkt das d‘Luet usserhaub vom Hoteltor nid e bruchteu vo daem hei a Aesse. 😔 Es het du no e Akrobate Ilag gaeh. Die Afrikaner si umeguemperlet u hei Sache zeigt wie wes nued waer. „Hakuna Matat“ (kein Problem) wie Sie seuber geng saege. 😝 Nachem z‘Nacht isch de no e Verdouigsspaziergang noetig gsi. Chli ueber d‘Alage glueffe u d‘Stimmig gnosse.
Iz simer zersch mau acho uf Zanzibar im Hotel u de machemr doch grad afang mau e Spaziergang uebers Glaend und am Strand entalng
Im Hotel acho fuehsch di grad wie ihre voellig angere Weut. Dr Ungerschied isch hie iz grad extrem spuerbar. Ueses Hotel heisst „Golden Beach“ u isch wuercklech krass schoen. Scho dr Empfang hout eim us de Socke. Nachem Wiukommensdrink simer de ou grad iz Zimmer bracht worde. Beach Site mit eigeter Loung veruse. Es Haammmmer Zimmer . Chame nid angers saege. Eifach mau uf eim la wuercke 🤣
Ungerwaegs isch ues grad sofort ufgfaue dases seeeehr viu Ching het hie... isch grad Schueuwaechsu gsi. Dr Driver het ues erklaert das Sie zweni Schuele hei fuer soviu Ching, drum heisi i zwe Schichte Schuel. Die einte hei vom 6i am Morge bis am Mittag u die angere vom Mittag bis am abe am 6i. 90% hie si Moslems ... d‘Manne doerfe auso bis zu 4 Froue ha. Daementspraechend sis ou viu Ching. Uese Driver het 3 1/2 Ching... u Er hoert ersch drmit uf we Er e Bueb het. Er bruchi e Steuvertraeter Deheime. Mir hei du de nochli d‘Fahrt gnosse bis zum Hotel.
Dr Driver het scho uf Ues gwartet u mir si redy fuer abfahrt. D‘Klimaalag louft afang u dr Driver muess no go Parplatz zahle... only 1 Minute het Er gseit. Aaaaber mir si hie ja z‘Africa... geit aus chli lenger 😂 Iz aber los.... 1 Std u OEPIS het dr Driver gseit. 🤣 bis mr bim Hotel si. Es sige africaneschi Strasse...Massage auso inklusiv.
Sicher in Zanzibar gelandet 😜 Isch aecht e tolle Flug gsi vor Serengeti uf Zanzibar. Am Airport hei sie hurti wöue Pass gseh u de heimr ou scho grad choene ufs Gepaeck go warte. Eigetlech haette mrs ja locker choene elleini uebere röuele... aber das waer ja nid Africa we das nid eine fuer di miech wo naer natuerli gaern no es Tip haett gha drfuer 😂
Isch supercool i dere Pilatus z‘fluege 😜 Mir si ufere Hoechi vo ueber 7‘500 m.ü.m.
Isch das cool oder isch das cool, mir fluege mitere „PILATUS“ vo Seronera Airstrip to Zanzibar 😜 U es isch gottlob e nonstop flyt. Premiere fuer beidi mitere Pilatus fluege... si gschpannt druf 😜
Ufem Waeg zum airstrip no es paar chlini Tierli gseh 😝
Schad heimr nid meh Zyt hie gha zum z‘Morgeaesse. Isch lecker gsi u d‘Staff hie mache ihre Job hie super guet. Sie wuesse wie me viu Trinkgeud bechunnt 🤣 Mir hei ume mit de Ami‘s gaesse u nochli smaltalk betriebe. Phone heimr ou usstuschet... viellech verschlahts ues ja doch nomau uebere Teich. Iz Zaehn putzt u packt isch scho. Cha auso losgah richtig Airstrip mitere chline Gamedrive bis derthaere

22 October 2017

Iz isch zyt fuer Guet Nacht z’saege u duer die letschti Safarinight z‘tröimere vo au dene Millione vo Gnus , Zebras, Impalas, Bueffle...Hyenae...usw... und natuerli d‘Hippos nid vergaesse. Am Kelvin sis AbschiedsGschaenkli isch ou redy.... Chöi auso getroscht ungereschluefe 😴😴😴
Iz nam Aesse loemr dr Tag no la usklinge u gniesse no dr Staernehimmu ir Serengeti. Isch hie ungloublech schoen zum luege. Waer weiss wemr das z‘naechschtemau ume so doerfe erlaebe.
Ume hei mr fein gaesse u die gliche zwöi Tischnachbare gha wie Geschter. 2 Ami‘s vo Utha. Isch intreassants Dinner gsi u het spass gmacht. Sie goe Morn ou witer aber i Norde vor Serengeti u de naeher no uf Ruanda go Gorillas gschoue.
Zruegg im Camp vore eher stiuere Gamedrive Rundi. Bevor mr ume retour goe iz Zeut zum dueschele gniesse mr no e sundowner ir Lounge vore. Gintonic & CamparyOrange 😜
Am Daenu si lieblingstree
Tiermaessig isch Huet Abe nuem soooo viu gsi, defuer Waettermaessig schoeni Stimmige gseh.
U nomau geits uf die letschti Abe Pirschfahrt
Raechtzytig zum Lunch simer ume retour... so dases no zumene Bierli laengt vorem aesse. So wies usgseht simer ellei Huet Mittag... niemer schuesch ume. Die einte womr geschter Abe hei kenneglert (Amis vo Utha) sie Huet no fruecher uf aus mir fuer go ne Ballonfahrt go z‘erlaebe. U wie vermuetet isches so. Sie hei grad nume fuer ues gkochet Huet Mittag. Es het Salat gaeh mit Lamm Koefta u Pita Brot. Hmmm lecker gsi ....wie wuercklech jedes einzelne Aesse hie in Tanzania.
z‘frueh ufstah het sech Huet ume glohnt 😜 heimr doch ume die mega grossi Löie Famely gseh mit eue fasch zaeh oder nomeh chline Löie 🤣 Ou es Loeie Paar heimr doerfe erlaebe bim paare u fulaenze 👍🏼 U iz vori no grad mau 1 Loei mit Frau u& 1 Loei mit 2 Froue gseh bim fulaenze ungerem Boum. Uuuungloublech viu Loeie hets hie. Fasch echli gfuerchig. Vorauem weme bedaenkt das Me se chum gseht i dere Steppe vor Serengeti. We sie im Grad liege u nid per zuegau ufluege wuerde me se nid gseh. 🤣

21 October 2017

passt doch zum gin tonic (anti malaria) 😀
Nach em erhole im Camp starte mr iz ume ufene Pirschfahrt i Abe inne.. hoffe uf vieli Tier 😍
Bereits simer nachere churze Fahrt mit Tiergschouige ou scho i uesem neue Camp acho womr die zwe Letschte Naecht uf Safari waerde erlaebe. Isch super hie... mega tolls Camp... so laest sichs leben 👍🏼 U wie me bemerckt... mir si ume online nach zwe Tag 😂
Chlini verschnufspouse u Pipi Stop bime great place
Dae mit de LoeweBaby het nid klappet da Sie sech scho verduenisiert hei womr si acho. Aber drfuer heimr e Gephart Mueter mit ihrne 3 Ching doerfe erlaebe. Isch wunderschoen gsi zum gseh. De heimr no Ihres opfer gseh wosi gaesse hei gha, es Baby Gnus 😔 Ah, u vo witem gsehts de so us we d‘Guide ungerenang Funke damit aui oepis drvo hei. Ei Safarichare nam angere 😆
d‘Gamedrive startet scho guet, vorem Camp wo sech i Hyene ire Pfuetze sullet u iz grad duere Funk vernoh das LoeweBabys umesiege 😍
E erhousiam Nacht liegt hinger Ues... mir hei z‘friede choene pfuesele ohni grossi LaermTier Belaeschtigunge 😂 ab und zue het me e Hyene ghoert u am Morge het ues e Vogu gweckt wo gaern uf usem Zeut isch umegumpet 😝😝😝 Fein heimr iz ou z‘moergelet u naer geits az zaemepacke fuer zum letschte SafariCamp... si gspannt was ues dert erwartet. Bild: Vogelbeobachtung

20 October 2017

Abe Game Drive het super guet gstartet.... heimr doch grad am Afang dr 3.ti Leopard i Serie gseh Huet 😝 Leidr heimrne nid lang choene gniesse wöus extrem het afa Raegne. De heimr witergsuecht u si no fuendig worde. Hei ume es Hippo bim spaziere erlaebt u ne Löi wo chli umegstrieneret isch 🤣 De simer z‘friede u freudig iz Camp zruegg cho u dr Löi het ues bereits ume erwartet. Er isch no geng ir noechi sowie oepe 2 Hiäne wo ums Camp ume striele. Wird ume e intressanti Nacht Huet 😜 Morn choeimr aber ume biz lenger bliebe liege da mr only verschiebe ines angers bzw iz bereits letschte Camp fuer uese Safaitrip 😔 ....soooo schneu chas ga. z‘Biudli isch after the rain
Retorno vor laenge Morgesafari wo mr extrem viu Tier gseh hei. Isch es guets game gsi. Naebe Giraffe , Affe u loufende Hippo‘s heimr no Lions und me gloubts chum... 2 x e leopard gseh ufem Boum. Dr eint het sogar e Impala ufem Boum obe gha. Sis Meal gniesst er eue unger paarmau 🤣 Iz womr zruegg si heimr e spaete Lunch becho, u mir hei uesne Ouge chunt trout, aber vom Camp us gseh mr tatsaechlech e Lion 🦁 (Luftlinie oepe 300 Meter)... u nid nume gseh, mir ghoerene ....no geng. So wuessemr das Er immer no ume isch 😳😆😳
Iz heimr Zyt zum z‘moergele damit mr naer ume gstercht chöi go Tierli gschoue.
Hippo‘s in the morning... dasch cool gsi.. d‘Hippo‘s wo am Morge due grase. Tolli Biuder
Early wack up for game drave. Isch zwar grad chli heavy nach dere lute Nacht. D‘Gnus hei ues raecht lang wach ghaute u ou immer widr gweckt ir Nacht. Oepe am morge am 3 heimr iz Gnus um ueses Zeut gha wo graset hei. Auso isch z‘schmatze ou no drzuecho 😂

19 October 2017

Guet simer acho chli verspaetet zur Lunchtime im Kati Kati Camp.... Uesi Ungerkunft fuer die naechschte 2 Naecht. Da mr ungerwaegs no sehr viu Tier gseh hei simer e biz schpeter itroffe. Nachem Lunch choeimr no chli relaexe bevors ufene Pierschfahrt geit. Die Ungerkunft isch z‘mitts ir Serengeti. Nice View u Grueschkulise....mir si umzinglet vo aber 1000 sige Gnus
Lunchtime im Kati Kati Camp.... Da mr ungerwaegs no sehr viu Tier gseh hei simer chli schpaet zum Lunch cho. Nachem Lunch choeimr no chli relaexe bevors ufene Pierschfahrt geit.
Serengeti Tor... bzw. Das isch z‘Vortor... ersch speter chunt z‘geat wo me muess e Bewiuigung ha.
Der Weg ist das Ziel 😆 Es paar impressione vom huetige astraengende Waeg vom Ngorongoro Crater zur Serengeti. Strasse si angers 😳 Mir hei muesse ueses Ersatzrad i Kofferrum schmeisse da d‘Ufhaenkig kabutt isch gange.
Dasch d‘Grabstette vo me Vater & Sohn wo ihres Laebe mit Wiudtierforschig verbracht hei
Vorhaer gniesse mr aber no es Morgeaesse mit Stil
Nachere tolle TierstimmNacht braeche mr uf id Serengeti. Gueti 4 Std Outofahrt liegt vor ues. Mit hoffetlech no diverse Tiersichtige. Mir verabschiede ues fuer zwe Tag offline. Uese Guide het gseit es gaeb kei Wifi im naechschte Camp... Byebye
morgenerwachtee vor dem zelt😀

18 October 2017

Dr Abe la usklinge mit Rotwy & Amarula
lovely ... eifach schoen... e super tolle Ort zum verwiele u gniesse. D‘Luet si extrem naett u gaebesech extrem viu mueh. Het grad nume 8 Gaescht Huet. Dr Hammer isch z‘dusche gsi. Da isch tatsaechlech eine hingerem Zeut gstange u het gluegt fuer warms Wasser. z‘Aesse isch fein u lecker gsi ... iz gniessemrs no e biz ellei ir Bar... git oepe de no e Absacker AMARULA 😂
Hippo Pool im Ngorongoro Crater. Irgendwie hets da meh Hippo‘d aus Wasser 🤣 ca 100 Stueck a eim Platz 😂 Dr Wind hey leider gaegae ues blaset u de heimer ou dr Gruch vobde Hippo‘s muesse ertrage 😱 Aber Sie si haut glich eifach dr Hammer weme se so live cha erlaebe 😝
Inmitte vo 100 te vo Gnus ghoersch kei Ton. Ungloublech
Picknick Place... bi daem Platz muesse mr im Outo aesse. Ke Tisch u kenni Stueh vorhande. D‘Voegu sige z‘Problem... die stipitse eim schins z‘Aesse 🤣 Dae Bueffu Chopf isch dert glaege damit me mitem Outo nid witerfahrt.
@safari Pirschfahrt im Ngorongoro Crater
Auf gehts auf die Pirschfahrt...
Scho ganz gspannt uf e Ngorongoro Krater Bode.... i daem Krater söue 1000 segi vo Tier drine laebe wo nid usechoei. Dr Krater Bode isch nid groesser aus 20 uf 20 Kilometer. LunchBox ready u iz no go packe 😜
Dr Morge im FarmHaus no gniesse da mr ersch ab de 11fi i Ngorongo Krater abefahre. Die hei hie so 24Std Permis u so choeimr Morn ou nomau duerefahre richtig Serengeti. d‘Nacht isch ruhig gsi bis ufenes Getier wo irgendwo im Dach obe am Houz gnaget het 😂 Isch wuercklech e tolli Alage hie ... no chli verwiele 😜

17 October 2017

Dr Abe miteme Coktail am Lagerfuer la usklingee
Sie guet no duere raeschte vom Nami cho, aber leidr ohni Sichtig vo Löie ufem Boum. 😔 Iz simer ire Gaegend acho wo ume ganz angers isch aus vorhaer. Mir si iz oepe uf ca 1600 m.u.m u es isch agnaeh chueu u viu gruener aus vorhaer. Nachdaem mir uesi neui Ungerkunft fuer die Nacht bezoge hei simer grad e schwumm go naeh u gniesse es Teeli u e Kaffi. Dr Kaffi isch vor eigete Plantage vom Farm Haus. U er isch auso guet... we nid sogar sehr guet 😋
Ufem Waeg zur Ungerkunft no bimene ViewPoint aghaute wo me uebere Lake Manyara gseht
Iz heimr grad no e Lagebespraechig gha wie weiter nachem Lunch. Drbi usecho isch die tolli Skizze vom Kelvin 👍🏼😜
Nach es paar Monkis u Zebra‘s no es paar Hipo‘s gfunge... das si eifach scho die coolschte Tierli Kolosse 🤣 Dr NationalPark hie isch viu gruener u het viu meh Gebuesch u Böim u vorauem het er ging Wasser. Iz grad d‘LunchBox gopferet u naer daenk oepe ume e Rundi fahre duere NationalPark bises de naer witer geit zu uesere naechschte Ungerkunft Scho gspannt druf
On the road again.... 🚗
Nachere erhousame Nacht umene feine z’morge heimr uesi LunchBox packt u si ready fuer e erneute Safaritag. Huet geits a Lake Manyara

16 October 2017

Super lecker fein heimr Hinech gaesse u due iz no dr Abe la usklinge bis mr am Masai Krieger ruefe fuer das Er ues ume heil i uesi Ungerkunft cha bringe. Freue ues scho uf die morgegi Safari wos de ou scho ume witergeit zum naechschte Nationalpark 😍
Dr Safaritag miteme schwumm u me feine Aperobier gniesse u de witere Tierli zueluege wo bim Wasserloch vor Lodge choeme cho trinke 👍🏼
Ume e witere schoene Tag uf dr Safari erlaebt. Ueber Zebra, Gnus, Bueffuherde u Löie aues gseh. Schoeni Idrueck u viu tolls erlaebt.
Neue Tag neui Safari... am warte uf d’Bewilligung fuer i Nationalpark Tarangire zume neue SafariAbentuer... dr Lunch heimr Hiet mitgnoh u werde ungerwaegs es Picknick gniesse. Mir si gspannt druf was fuer Tier mir Huet waerde doerfe bestuune 😁

15 October 2017

Great place
I uesere erschte Ungerkunft acho miteme coole Begruessigskomitte 😍 Tansania zeigt sech scho vor beschte Siete.
Sicher gelandet 😜 u iz astah fuer d’Passkontrolle...
Uese Ufenthautstop uf Zanzibar choent sech chli verlengere.... zwei Personnen waerde vermisst 😱 Die si oepe zfrueh usgstiege 😝
Zwueschestop in Zanzibar fuer gueti 55 min bevor mr witer fluege nach Tansania... isch ae laengi Nacht im Flueger.
Flugzueg Impressione

14 October 2017

Im Schneugang duere Flughafe in Istanbul da uese Flueger vor Schwiz us verspaetig het gha. Es laengt grad zum raechtzytige boarding
Nacheme super schoene 1. Safari Tag in Tansania gniesse mir iz uese Abe ir tolle Lodge. Klare Staernehimmu wiemene bi ues i de Baerge obe grad nume gseht. z’Land u d’Luet 👍🏼 & 😍 Ds macht luscht uf meh
Am warte ufs boarding ....
Es churzes plöderli mit dr Famely wo ou grad am Flughafe isch mit Zielort Bratislava 😝 Haebet es gueti Reis
Da mr bereits online ichecket hei choeimr iz nochli d’Sunne uf dr Zueschouerterasse gniesse 🤣
Aendlech simer ungerwaegs mitem 🚂 richtig Zueri Flughafe. ✈️ Das Bouschteue het verlaengeret sech uesi Fahrt da mr Umwaeg muesse fahre 😜 aber dasch nid schlimm, da mr das scho im vorus gwuesst hei 🤣

13 October 2017

Es isch gschafft... der Bärg a Chleidr isch gschrumpft u d‘Vorfreud wird stuendlech groesser. Jetzt no gps Charte von Tansania runterlade 👍🏼

12 October 2017

Dr letscht Arbitstag vor de Ferie het sech nomau i sim beschte Liecht zeigt. Die Farbe waerde mr eue in Tansania nid so intensiv erlaebe. Drum gniesse mr se doch nomau 👍🏼 Bevor mr aber i Flueger stiege Morn wird vorhaer no packt. Dr Baerg a Chleidr muess aber uuunbedingt no chliner waerde. Geit ja schuesch gaaarnid 😜