Switzerland, Australia · 25 Days · 19 Moments · November 2017

11 December 2017

So, wohrschinlich mi letschti Iitrag.... mir hei in de letschte Täg Sydney erkundet. Mir Si schön go ässe, ins Casino, go shoppe, go bädele und, und, und... Uf jede Fall hei mr wunderbaari Flitterwuuche gha!

7 December 2017

Wiä d‘Zyt vergoht... Am 2. Tag im Lamington NP simmer go Segway fahre, dass isch no lustig gsi, ussert dass d‘Reiseleitig sGfühl gha het, dass es eus nit längt zum Wasserfall und mir dorum früener widr umkehrt sind :( will mr kei zmorge gha hei, het euses Apéroblättli umso besser gschmöckt! Denn simmer witr noch Byron Bay, ä schöns Küstestädtli mit härzige Läde und Restis und ä wunderschöne Strand. Hüt simmer denn in Coffs Harbour acho, wos ä beeindruckende Haafe und ä Buucht het. Morn gohts denn witr zum 2.-letschte Halt vor Sydney...

5 December 2017

Gester hei mir diä Wanderig gmacht :) Hüt simmer denn ins dreamland, än art europapark, wo mr aber au nomol kängus gseh hei, dr Michi het sä sogar gstriichelet ;) Jetzt simmer gmüetlich am wyyli drinke und Stärnebilder beobachte... dr grossi Waage gits do nit:), drfür dr Indianer :)))

3 December 2017

Gester hei mir tatsächlich dörfe Delfinfüettere... fötelä hei mir das leider nit chönne :( Hüt hets denn leidr dr ganzi Nomitag uf dere Insle grägnet, aber am morge hei mir no e schöne spaziergang am Strand chönne mache zumene schiffswrack. Z‘Brisbane hei mr denn s‘Auto übernoh und sind in Glasshouse Mountains gfahre, wo für zwei Nächt ä Iisebahnwage euses dähei isch. Morn möche mr denn ä Wanderig ufe “Berg“. Er isch 253m hoch :))

2 December 2017

Gester isch ä Reisedaag gsi. Es het eus denn aber glich no glängt zobe dr World Cup Final im Rugby in Brisbane go luege. Für öpper wo nit drus chunnt isch es eher äs unspektakulärs Spiel gsi... Jetzt simmer scho widr ufem Wäg uf d‘Fähre, mir gönge diä Nacht uf e Insle, wo mr hoffentlich zobe Delfin gsehnd :)

30 November 2017

Happy Friday :) Gester simmer vo Glen Helen nach Alice Springs gfahre und hei ufem Wäg diversi Schluuchte und Wasserlöcher bsuecht. Neume simmer sogar go baade. Hüt simmer denn in Alice Springs chli go shoppe und imene Park go Tierli luege, bevor mr denn morn scho witer nach Brisbane fliege.

29 November 2017

Was für ä Daag. Eigentlich hätte mir nur vom Kings Canyion mach Glen Helen müesse, aber mir hei dänkt, mache mr doch ä Abstecher nach Palm Valley. Äs Tal im Outback wos Palme sötti ha. Diä hets au gha, aber uf em 4WD only Wäg hei mir doch ächli gschwitzt!! Aber ufem Wäg hei sogar no Dromedar euse Wäg krüzt! :-))

28 November 2017

Hüt simmer vom Ayers Rock nach Kings Canyon ufbroche. Es isch sehr heiss gsi. Nachdäm mir dr Fuess vom Canyon gseh hei, simmer eus an Pool go entspanne 😃

26 November 2017

Zwei wunderschöni Täg bim Ayers Rock gönge zänd... morn gohts denn witer mit eusem super Auto ins Outback!

25 November 2017

Hüt simmer uf Melbourne gfahre und hei dr Nomitag in dr Stadt vrbrocht. Ä Bsuech bim Rod Laver het notürli nit dörfe fehle. Usserdäm het do au no grad ä Cheerleader Event und äs Ruederboot renne statt gfunde. Morn fliege mir denn scho witter zum Heilige Berg...

24 November 2017

Hüt gits nit so vill zverzelle :) Mir hei ä Abstecher zum Cape Otway gmacht. Dört hets ä uralte Lüchtturm. Ufem wäg dörthii hei mr sogar no koalas gseh :)) Denn simmer nochli am meer entlang gfahre und hei nochli euses superschöne dähei gnosse. Morn gohts denn früh los richtig Melbourne.

23 November 2017

Hüt simmer vom Grampians Nationalpark zu dä 12 Apostel gfahre. Sehr beiidruckend! Aschliessend hei mr eusi Lodge bezoge, wo mä tatsächlich usem schlofzimmerfänster Zobe Kängurus gseht! Do simmer jetzt zwoi Nächt, bevor mir denn nach Melbourne gönge und vo dört zum Uluru fliege.

22 November 2017

Grampians National Park - Mir si also sogar anere Schlange und änere „Riiise-Eidechse“ begegnet. Morn gohts widr zrug an Küste, Great Ocean Road und diä 12 Apostel

21 November 2017

Yeeeah! Diä erste Känguruuuuus!! Mir sind im Meringa Spring National Park imene super Hotel, betribe vo Schwizer 🙈

20 November 2017

Hüt simmer vo Stonewell (Wyyregion) nach Robe gfahre. Vo Wyyrebe über Lagune, Lüüchtürn und Meer hei mr alles gseh :) Mir wünsche Euch ä guetä Wuchestart 😘

18 November 2017

Adelaide - Barossa Valley In Adelaide het hüt ä riise Weihnachtsumzug stattgfunde. Nachere kurze Stadtbesichtigung simmer no sMeer go beguetachte, bevor mr eus denn ufe Wäg ins Barossa Valley gmacht händ (Wyyregion) PS: ans linksfahre hei mr eus au langsam gwöhnt 😂

17 November 2017

Welcome to Australia! 🇦🇺🇦🇺🇦🇺

16 November 2017

1. Flugteil guet überstande... jetzt in Dubai. In däm Flugzüg het mä sogar live dr Federer chönne luege. Und si hei eus no miteme chueche überrascht 😆
Emirates Lounge - ready for take off Abflug 14:35. Mir mälde eus widr us Dubai 😘