United States of America · 16 Days · 16 Moments · October 2017

Tatjana‘s Journi in USA (Chicago&West Coast)


21 October 2017

Las Vegas 🎉🍻🍔☀️💸

18 October 2017

Gester simmer na chli go „wandere“. Mer sind zum Will Rogers Park und det zu somne Ussichtspunkt gloffe (18 km hi und zrug). Dä Weg isch dur es Villeviertel gamge und mer händ es paar ziemlich grossi und cool Hüser gseh. Und au d‘Ussicht uf Santa Monica, LA und s‘Meer isch mega schön gsi!

17 October 2017

Gester und hüt hämmer LA erkundet - die Stadt isch riiesig! Ich muess aber ehrlich säge, dass mir persönlich Santa Monica viel besser gfallt als LA sälber. LA Downtown hät mir überhaupt nöd gfalle und ich müesst nöd namal gah. Morn gnüssemer dänn no euse letschti Tag in Santa Monica, bevors am Dunstig dänn uf Las Vegas wiiter gaht.

14 October 2017

Mir sind guet in Los Angeles, resp. Santa Monica acho und sind gäg dä Abig mal chli am Strand entlang gloffe und händ d‘Gägend erkundet. 😊
Gester hämmer no Sightseeing-Toure dur San Francisco gmacht und am Namittag simmer uf Alcatraz. Das isch recht iidrücklich, wemmer sich vorstellt, dass d‘Häftling det über Jahre iigsperrt gsi sind und die ganz Ziit d‘Skyline vo San Francisco händ müese ahluege.

12 October 2017

Hüt hämmer es Velo gmieted und sind über d‘Golden Gate Bridge gfahre. 🚴🏻‍♀️🚴🏻 Dänn hämmer in Sausalito e churzi Pause gmacht und öpis trunke und öpis chliises gässe und dänn simmer meh oder weniger dä Küste nah bis uf Tiburon gfahre. Unterwägs hämmer meega viel schöni Hüser und Villene gseh. Vo Tiburon us simmer dänn mit dä Fähre wieder zrug uf San Francisco. Det hämmer dänn no es paar mega schöni Föteli vo dä Golden Gate Bridge chöne mache. 😊

11 October 2017

Hüt simmer vom Hotel zum Pier gloffe und händ dänn det chli d‘Gägend erkundet. D‘Strasse in San Francisco gönd ufe und abe und sind meistens viel steiler als bi eus. Am Namittag simmer dänn au no mit em bekannte Cable Car d‘Strass uf und ab gfahre. 😊 Am Pier entlang häts eus mega guet gfalle - aber sobald mer wieder chli weg gaht vo det hätts extrem viel Penner überall. Morn gats dänn mit em Velo über d‘Golden Gate Bridge! 🚴🏻‍♀️🚴🏻😁

10 October 2017

Gester simmer vo Chicago uf San Francisco gfloge. Am Abig hämmer dänn no churz chli welle go umelaufe, das hämmer dänn aber relativ schnell wieder abbroche und sind zrug is Hotwl, wills jede Meter wieder irgend en Penner oder Drögeler gha het und mir eus nöd so wohl gfühlt händ.. Jetzt machemer eus dänn aber grad uf dä Weg zum d‘Stadt erkunde und hoffed mal, dass sie haltet was eus alli versproche händ. 😉
Jetzt gahts wiiter uf San Francisco! 🎉🍻
Hüt Morge am halbi 7i hämmer nüme chöne schlafe und dänn hämmer na e chlini Sightseeing-Joggingtour gmacht. Mer sind namal zu „The bean“ chli go föteli mache - ohni hundert anderi Touriste. Es lohnt sich also zum früeh ufstah. 😉

9 October 2017

Hüt Abig simmer s‘Football-Spiel vo dä Chicago Bears go luege (zumindest di 1. Hälfti). S‘Stadion hät für 61‘500 Lüt Platz und es isch ziemlich volle gsi - so Dimensione känned mir bi eus gar nöd. 😳 Aber s‘Spiel hämmer dänn irgendwie doch nöd ganz gschnallt und es hät sich eeewigs id Längi zoge, will Ziit immer wieder aghalte wird unds extrem langi Unterbrüch git. Drum - und wills au meeega fescht gwi det hät und chalt gsi isch - simmer dänn i dä Pause gange. Aber es isch trotzdem cool gsi!
Hüt Morge simmer als ersts zum Skydeck im Willistower. Mir händ gschlagni 1.5 Stund müese astah bis mer mit em Lift bis in 103. Stock - uf über 400 Meter - händ chöne fahre. Aber es hät sich glohnt! D‘Ussicht vo det über di ganz Stadt isch unglaublich und mal uf sonen Balkon mit Glasbode z‘stah isch es unbeschrieblichs Gfühl.
Gester Morge isch no dä Msrathon gsi. 🏃 Nach 2h 53 isch dä Daen is Ziel cho und mir händ eus dänn zum z‘Mittag en Burger 🍔 & es 🍻 gönnt (ich bin schliesslich au über 10 Kilometer dur d‘Stadt gloffe zumen 3 mal gseh a mir verbii ränne😉). Am Namittag hämmer dänn no e Sightseeing-Tour dur d‘Stadt gmacht - natürlich mit em Bus. 😊 Und am Abig simmer dänn beidi so müed gsi vo däm lange Tag, dasmer scho meega früe iigschlafe sind. 😴 Drum simmer jetzt (am 7i am Morge) au scho wieder wach und schmiedet Plän für dä hütig Tag. ☀️

7 October 2017

So, euse 5 Kilomterlauf hämmer au überstande. 🏃🏻‍♀️🏃😊 Es isch fascht scho chli warm gsi zum ränne - und das am Morge am halbi 8i (und im Oktober)☀️ Leider hämmers nöd ganz i 25 Minute gschafft - mir händ 25.31 gha.. Aaber ich bin insgesamt 490. worde vo 5042 (und bi dä Fraue 114. vo 2786). Aso vo demher gar nöd so schlecht. 😉 Und s’wichtigste - es hät Spass gmacht 😉😊

6 October 2017

Nachme lange Flug simmer guet in Chicago acho. D‘Startnummere für euse 5-Kilometerlauf 🏃🏻‍♀️🏃morn hämmer au no grad schnell gholt und jetzt machemer eus dänn uf dä Weg is Hotel.
Uf em Weg zum Flughafe - baaald gaht loos! 🎉🎊