Chile, Argentina · 26 Days · 19 Moments · November 2016

Schlussliechtli Chile


24 December 2016

Gmüetlichi Festtäg mit guetem Esse, viel Schlaf, super Sunne Wetter^^, Starbucks (wills seinzig kaffi gsi isch wo offe kha het in ganz Santiago xD) und ere lustige UNO Rundi im Hostel :P

23 December 2016

Zweite Versuech in Pucon mit em erklimme vom Villarica-Vulkan und dassmal hets klappt!! 5h ufe gloffe und 1000 Höhemeter überwunde zum i die spuckendi Lava vom Krater innezluege 😬 Durab isches mit em Tellerschlitte denn chli schneller gange 😋

21 December 2016

Chline abstecher nach Argentinie mit ere 12 stündigi Busfahrt zum wieder in Norde ufecho. In Bariloche de 'Schwiiz vo Argentinie' chmne sich am Schoggiagebot nöd sattgseh (so guet wied Schwiizerschoggi isches natürli trotzdem nöd ;P). Aber die Heiss Schoggi vo da isch nöd zum trinke sondern eher en Schoggipudding zum löffle 😎

19 December 2016

DStrass Carretera Austral um de Cerrera See isch eifach nur unglaublich! Me erblickt, Schaf, Häsli und Pferd inmitte vo de Wildnis, umgeh vo bezaubernde violette Blueme, atemberaubende Berge mit Schnee bedeckt oder eifach nur faszinierende Steiformatione, gschmückt mit vielne Regeböge uf em Weg und i de Mitti vo all dem de unglaublich türkisblaue See!!😍 Allei scho weg dere magische Strass lohnt sich de Weg sowiet abe in Süde! (Ps: sind alles nur hastigi Handyfotis, in Wahrheit isches tuusigmal schöner :P)

18 December 2016

Abe bis is verschlafene Dorf Puerto Tranquilo, für die coole Marble Caves und emene extreeem blaue/türkise See!

16 December 2016

Jahh mit 8h Verspötig hets agfange und schlussendli sind 33 Fahrsstunde drus worde! 😅 Jeeei fun 😂 immerhin hends üs no 4 wiiteri Stunde ide Fähre zum schlafe geh, demit me nöd am 3am Morge uf de kalte Strass ohni Bus dahstönd. Uf de Fähre selber chame nöd meh mache als viel esse, Musik losse und unfreiwillig Ballerfilm uf spanisch luege bis am 1am Morge...lediglich dUssicht bi jedem möglichem Wetter isch zum schwärme gsi.

14 December 2016

Vo Dalcaue über Achao und Castro as Endi vode Insle Quellon zum theoretisch uf dFähre zgah, doch die laht chli uf sich warte -.-

12 December 2016

Achoh uf Chiloe, de grösste Insle in Chile, im chline, aber sehr herzige und ruhige Dörfli Qemchi^^

11 December 2016

Laufe im sandige und regnerische Nationalpark Vicente Rosales und natürli die dezuekhörige Wasserfäll bsuecht :)

8 December 2016

Reisestart am Meer bi Valparaiso, 13h wiiter zum See vo Pucon (leider sind Vulkan und Park gsperrt gsi det, weg em schlechte Wetter☹️) Darum simmer zum nögste See (6h) nach Puerta Varas. Noii Kollege hemme uf dere lange Reis auno gfunde, ganz eifach mit Alkohol im Bus :P

7 December 2016

xD nomeh Grafittis! Shett eifach zviel da und hüt simmer no ufere Tour defür gsi. Sogar sBild wo de eint gester agfange het hemme hüt i de fertige Form gseh :)

6 December 2016

Santiago isch sehr schön gsi, weiss gar nöd was alli immer degege hend! Doch Valparaiso isch bis etz mit em Meer, vielne herzige Kaffis und de super Grafittis wo me überall entdecke cha au meega cool!

4 December 2016

Santiago de Chile, wiederma e 8Millione Stadt doch um einiges ruhiger als die letste! San Cristobal go bsueche bi schöne 30Grad und mit de Free Walking Tour dur dStadt und zum Friedhof.

3 December 2016

Mit em Velo vo Dorf zu Dorf im Valle del Elqui i de nöchi vo la Serena. Mit Stopp bide Pisco Destillerie.

1 December 2016

Tierwelt isch au sehr cool ide Wüesti :) Me hend vieli Flamingos und Vögel gseh, wildi bockigi Esel, Lamas und Alpakas selbstverständlich, dFuchsart Zorro (meega Glück kha de zEntdecke), vieli Vikunjas (ähnlich wie Alpakas) und zum Schluss mit nome Glück knd Zuefall sogar e spezielli Strausseart! 😬Mini-Safari mit Erfolg!
No meh Lagunene ide Atacamawüesti xD obwohls ja die trockensti Wüesti vode Welt sie sött🤔 Dasma aber als Highlight mit Rote Vulkanstei :P

30 November 2016

Geysirtag vo San Pedro us. Wiederma mit 4h schlaf klarcho zum am 4 loszfahre 😅 scheisskalt gsi! Defür super schön^^

29 November 2016

Tagesusflug nach Salar de Tara i de nöchi vode Bolivianische und Argentinische Grenze. Unglaublichi Wiitene wome ufem Foti gar nöd richtig wahrnimmt!

28 November 2016

Valle de la Luna i letster Sekunde buecht^^ Nachdem me am Morge fürd Geysir am 4 ufgstande sind und en 5 stündige Usflug gmacht hend, hemme no de super sichtbare Sternehimmel bis am 1 am Morge beobachtet und sind denach platt is Bett gfalle!