Ecuador · 28 Days · 23 Moments · October 2016

Corinne Truyol

Pink und Blau in Ecuador


2 November 2016

Gezwungene Ufenthalt in Loja erwiesst sich mit me lustige Parkbsuech und me Dessert-Café-Crawl als üsserst erfolgriich 😋

31 October 2016

Chordeleg Bergdorf go bsueche und es bizeli Schmuck go poste^^

30 October 2016

Nationalpark Cajas atemberaubend! 3h dur die schönsti Hügellandschaft uf 3800m gwanderet umgeh vo vielne farbige Lagunene😍

29 October 2016

City Tour dur Cuenca, de schönste Stadt vo Ecuador hemme entschiede! Viel Chilene hets da wie meh gseht, ingsesamt wäreds 52. Zudem hemme Colado Morado probiert wos 1 mal im Jahr zumene Fest git, doch nach 2 Schlück hemme en denn leider wiiterverschenkt xD
Endlich weg vom eher langwielige und ussgstorbene Strand und zrugg id Stadt! Cuenca isch wiederma chli süberer, netter und voller :)

26 October 2016

Montañita isch ebefalls chli usgstorbe und mit drü stund Sunne am Tag au nöd wüki warm. So wird halt nachere Yogastund am Morge ide Hängematte chillt und plappert^^

25 October 2016

Isla del Plata oder me seit au Galapagos für Arme xD Mit Sicht uf Delfin bide Hiifahrt, Schildkrötene, Vögel, Fisch bim Schnorchle und viel Wal ufem Retourweg!! leider kei gueti Fotis vo dene, doch sie sind super nöch gsi :)

24 October 2016

Spaziergang im Nationalpark nebd Puerto Lopez, leider ohni Sunne, defür mit Schnecke, Krabbe, Vögel und ere tote Schildkrot vo dere ich sFoti mal uslahn xD

23 October 2016

Noii liebi für Smarties entdeckt, de einzig guete Schoggi wos da git xD Süst simmer wiiter an nögste ussgstorbene Strand in Puerto Lopez am Hündli striichle und Drinks am schlürfe^^

22 October 2016

Whale Watching vo Salinas us en Monat nach de eigentliche Saison und trotzdem hemme no es Wal-päärli gseh! Fotis sind scheisse, doch in echt hemme en recht guete Blick druff kha 😁 Abig schöne Sunneuntergang bim Chocolatera Lüchtturm, am fast westlichste Punkt vo Südamerika :P

21 October 2016

Devils Nose Train Fahrt: rieses tralala um das debi ischs eifach e schöni Ussicht^^ Denach wiederma 7h Bus fahre 😑

20 October 2016

Am gireitzle über baños uf de "end of the world" Schaukle.

19 October 2016

Mit em Velo 16km Wasserfälltour mit Zwüschestopp bim Ziplining. Letste und grösste Wasserfall: el Pailón del Diablo😎

18 October 2016

Müehsami Wanderig 2h de Berg durab...aua üsi Knü 😭 defür zwei Gireitzli unterwegs entdeckt, sowie en verlassnige Basketballplatz, Hundewelpe 😍 und natürli e tolli Ussicht über Baños. Am Namittag denn total kaputt no kurz in Mini-Zoo 😋

17 October 2016

Cotopaxi Vulkan hike ufe uf 4800m😅 mit super viel Glück hemme sogar en Tag verwütscht wo kei Wulke de Vulkan verdecket :) Private Guide vom Hostel total nett gsi und dUssicht vo dobe eifach nur hammer!

16 October 2016

Nachme kurze zwüschehalt im Krankehuus, wegme iklemte Nerv vode Martina, simmer etz im chline Lasso acho. De Besitzer het üs au promt i sis Schrebergärtli gfahre für en seltene Usblick uf de Wulchefreie Cotopaxi Vulkan^^

15 October 2016

Touriste Tour durch Quito. Erste zwüschehalt bide schöne Basilica Del Voto National und denach wieder ma chli id Höhi uf 4050m zum TeleferiQo, wo serste mal sit ere Wuche ma nöd Bewölkt gsi isch, für e wunderbari Ussicht über Quito.

13 October 2016

Tier im Amazonas ! für mini Kamera leider nöd so schön ifangbar und natürli au nöd immer zur Stell, doch das hemme so öppe alles gseh ide letste Täg: Viel Vögel, Raupene, einigi Spinne ( die grösst i üsere Duschi xD und die zweit grösst i de Nachbarshütte🙈 ) 3 Schlange, verschiedeni Affe, Caymane, Frösch, riese und chlini Grille. Nöd uf Föteli hemme no eimal die pinke Delfin erblickt, es Fuultier vo wiitem und no ganz viel anderi Krabbelfiicher.
Amazonas überlebt! Trotz giftigi Spinne ide Hütte 4 Täg lang🙈heieiei da war was los! Süst heme ufem Tagesplan viel Bootsfahrte kha, Badespass inere Lagune mit Sunneuntergang im Hintergrund, Brot backe usere Wurzle, Schamane bsuech, Grösste Baum vom Wald ahluege, spontani Gsichtabemalige und Tarzan spielerei xD Dezwüsche viel Gekicher, viel Luftfüechtigkeit und natürli viel Tierufspürerei!

9 October 2016

Quilotoa lake i eim vode 24 Vulkän vo Ecuador wo immerno aktiv sind. (Insgesamt hends 84 Vulkän😱) Markt für paar Frücht und am Schluss no en kurze Bsuech ines Huus vo Lüt wo det obe bi 3900m höhi und mit 150 Meerschweinli (demit dHütte wärmer isch) wohned.

8 October 2016

Otovalo Martk Tour und zuewachs im Grüppli, Christine us Dütschland. Me hend gmacht; Krater Bsuech vomene stillgleite Vulkan, komisches Esse und shopping im Markt mit de Panama Hüet (sind vo Ecuador nämli) und sind noma zum Mittelpunkt vode Erde xD dassma de wüki wüki richtige... militärisch abgstempelt.

7 October 2016

Free Walking Tour durch Quito, start bi Hotpants Wetter und 2h spöter i strömendem Rege XD Namittag eimal zum Mittelpunkt der Erde 😜 Zerst an geografisch korrekte Ort und denach no an touristische Punkt wo vo paar Jahr berechnet worde isch 😂

6 October 2016

Spahte start in Tag und viel planig für di nögste Täg darum nur e chlini Tour dur Quito und Föteli vo de Ussicht vom Hostel.