Australia, Singapore · 77 Days · 41 Moments · March 2018

Pady Down Under


24 May 2018

Singapore, next stop switzerland

22 May 2018

Nachdem mr z Port douglas übernachtet hei, simer hüt az Cape Tribulation, mitte im Daintree Rainforest, em ältisti Regewald uf dr welt (150mio. Jahr). Ufem Daintree River heimer no e Croccruise gmacht u hei Salzwasserkrokodil beobachtet. Sehr beeidruckendi tier

21 May 2018

Als krönende Abschluss vo üsem Reisli simer iz Great Barrier Reef go touche. Gseh heimer Haie, Roche, Moräne, die ganzi Findet Nemo Palette u no hufe meh. Und d Koralle si i echt vil farbiger als uf mine fotos

19 May 2018

Sit 2 Täg simer z Cairns, gester simer mit dr Skyrail Gondle übere u i Regewald gfahre u hüt Morge simer no go Fallschirmspringe. Good fun

18 May 2018

Uf dr fahrt vo Townsville uf Cairns heimer no e chline Umweg via Wallaman Falls, em höcjste Wasserfall vo OZ, gmacht

16 May 2018

Gester Abe simer mit dr Fähre uf Magnetic Island übere u hei d Nacht imne Bungalo mit Meerblick verbracht. Hüt heimer Dirt Bikes gmietet u si mit dene d Insle go uskundschafte. Z Wetter isch mässig guet u z Wasser ztrüeb zum schnorchle gsi, drfür heimer e Babykoala u Wallabies gseh

15 May 2018

Vo Airlie Beach us heimer miteme ehemalige Rennboot e 3 tägige Segelturn gmacht. Unterwegs heimer ghaltet für z schnorchle u für a Whitehaven Beach. Zrugg ufem Boot heimer ghulfe Segel hisse u süsch eifach d Landschaft u z Sunne gnosse. Gseh heimer Bullsharks, Schildchrot, schöni Koralleriff u hufe meh.

11 May 2018

Zwüschehalt uf dr 1000km fahrt vo Rainbow Beach uf Airlie Beach u dr lest Ort womer iz Wasser cha ohni Angst vor Qualle müesse zha

10 May 2018

Di leste 3 Täg heimer e 4x4 tour uf Fraser Island gmacht. Zäme mit ca. 20 andere Backpacker simer i 4 Autos über d Insle de Sehenswürdigkeite nache gfahre. Am abe heimer ufem Camping zäme gässe u vor allem trunke. Happy Days

6 May 2018

Ufem Weg gäg Noosa heimer no e churze halt z Brisbane gmacht
Sitem Donsti simer bi Luke, woni z Neuseeland ha kenneglehrt. Am friti morge hed er üs mitgno zum Sunrise surfe, 2min vo sim hus furt. Düre Tag si Dänel u i Surfees Paradise go aluege u am abe simer mit Luke u paar vo sine Kollege i Usgang u schlussendlich o widr in Surfers glandet. Samsti bini mit Dänel ine Vergnüegigspark u am Abe simer mit Luke a z Meer füri ga Pizza esse. Hüt morge noeis Sunrise surfe u när witer gäg Brisbane u Noosa

4 May 2018

Surfers Paradise

2 May 2018

Gester u hüt simer i Springbrook NP und ufe Mt.Warning dr Sunneufgang ga luege. Leider heds üs ignäblet u mir hei nid vil gseh. Drfür heimer no öpis wildlife gseh u si drna uf Coolangatta ga surfe

1 May 2018

Z Byron Bay heimer wäg üsem 5 tägige surfkurs dr längst ufenthalt bis ez gha. Obwohl z wätter mehrheitlich scheisse isch gsi, heimer all tag chönne go surfe u fine chli fortschritt gmacht. Süsch isch z meiste geld für glace u bier drufgange. Am leste tag bini no go touche u am nami simer ga kayake, o das isch widr super gsi.

24 April 2018

Di leste zwei Täg hez üs zimli verschiffet. Das hed zcampiere eher unagnähm gmacht, obwohl üses Kmart zelt besser isch als erwartet. Usserdäm hed so dr REGEwald vil authentischer gwürkt

21 April 2018

Hüt heimer gfunde wär wider eis zit für e chli action. Glücklicherwiis heimer es passends Spilzüg drzue gfunde #jetski

20 April 2018

Zmörgele nachem Morgeschwumm mit ussicht ufe Bondi Beach vor Dachterrasse

18 April 2018

Hüt simer vo Bondi us mitem ÖV id Stadt u dert natürli z Opera house ud Harbour bridge ga aluege. Später simer ufe Sydney tower u am abe no e churzi Liechtshow am chlinste Teil vom Operahouse go luege. U drna hez sogar no fürnes Bierli glängt😁

16 April 2018

Nachem Schnee simer widr ad Sunne cho. Gester u hüt heimer ide Blue Mountains ir nächi vo Sydney verbracht. Dert giz super ussichtspünkt u cooli walking trails. Zudem simer no ufd Gondelbahn überd Schlucht. Di nägste 2-3 Täg simer z Sydney, d Unterkunft heimer direkt am Bondi Beach

15 April 2018

Zwüsch Melbourne u Sydney heimer no zwei Täg ufenthalt in Thredbo im Kosciuzko Nationalpark iplanet. Dert heimer ufe höchst "Berg" vo Australie welle wandere u am zweite Tag di etliche flowtrails mitem Mountainbike welle teste. Abr womer hüt hei probiert ufe Mt.Kosciuzko (2228m.ü.M) zgah heimer es paar Sache müesse erfahre. Erstens, z Australie gits Skigebiet. Zweitens, z Australie gits Schnee!!! U drittens, z Austramie cha z Wetter recht unagnähm wärde. Windchill -10°C u böe bis 90km/h hez ar Infotafle agäh. Nid ganz was mr sich under Ferie Down Under vorstellt. Mir si nid bis zum Gipfel cho, drfür schetze mr dr Strand vo jez ah no chli meh.

13 April 2018

Hüt simer z Melbourne gsi, und obwohl i scho mehreri Täg hie ha verbracht hanis doch ganz anders erläbt. Hie heimers üs la guet gah, mitme Zimmer für üs und uswärts esse. Di nächste paar Täg simer de widr am campiere

11 April 2018

Das isch Herbert, üses Campingmaskottchen vo lescht Nacht. Herbert isch e Huntsman Spinne u relativ harmlos. Das hed Dänel halt nid gwüsst u gad eis e gump gno woner ne he entdeckt. Hüt simer z Torquay ga surfe u si drna z National Surfing Museum go aluege. Di nägste zwei Nächt simer z Melbourne imne BnB.

10 April 2018

Great Ocean Road

8 April 2018

Nach Kangaroo Island simer 5 Stund gfahre für i Grampians Nationalpark. Dert heimer Ussichte mit Bewertig "eifach geil" chönne gniesse. Nachere witere Nacht im Zelt simer hüt ga hike. Ez simer z Warrnambool imne Backpackers u more nämemr d Great Ocean Road i agriff.

6 April 2018

Zwei super Täg uf Kangaroo Island. Am erste Tag simer uf Sanddüne gchlätteret, si i Tropfsteihöhli gange, hei Kangurus, Wallabies, Koalas und Echidnas gseh u hei zum erste Mal üses Campingequipment testet. Hüt simer i Flinders Chase NP zum Admirals Arch, womer no Sealions u Furseals gseh hei, und zu de Remarkable Rocks.

5 April 2018

Welcome down under dude Hüt hani Dänel vom Flughafe abgholt, drna simer üses Mietauto go hole u hei no paar Sache z erledige gha. Nachdem i gester u hüt i 3ne Kmart bi gsi heimer alles zäme u si parat für morn loszlege mit üsem Roadtrip. First stop Kangaroo Island

4 April 2018

"As the sun goes down", chunnt mi lescht Tag allei zumne End "in style"

1 April 2018

Nacheme agnähme Flug mit extra legroom bini gued z Adelaide acho u ha afe e chlini Erkundigstour dürd Stadt gmacht

31 March 2018

Mandurah isch z wiitiste vo Perth womer no gäbig mitem ÖV cha härefahre, also bini eis go luege. Si säge o Venedig vo Australie, wells hufe Wasserstrasse hed. Und no es paar wahrschinlich nid ganz billige hüttene. Ar foreshore isch no e charity event gsi mit live musig und me "duckrace"

28 March 2018

Yanchep National Park, mit hufe frei läbende Western Grey Kangaroos und de einzige Koalas ar Westküste

27 March 2018

Gester bini nördlich gfahre, bis az Sandy Cape bi Jurien Bay. Drzwüsche hani halt gmacht bir Pinnacles Desert. Dert hani sogar no e Emu gseh. Mis erste Känguru hani o scho fasch überfahre. Süsch besteit dä Teil vor Westküste vor allem us vil Busch und es paar Sanddüne.

26 March 2018

Surfday

25 March 2018

Öpe chli luege wo härestah...

24 March 2018

Mietauto gholt und afe eis südwärts gfahre. Z Busselton hez e Steg wo knapp 2km iz Meer use füehrt. Leider isch z Wetter nüme so gued

23 March 2018

Golfe mit Meerblick und Papageie wo ufem Platz umeflüge und drna 50m näbedrah a Cottesloe Beach ga bade. Nid ganz schlächt. Vo morn ah hani fürnes paar Täg es Auto gmietet u ga d Gegend nördlich und südlich ar Küste nah go erkunde.

19 March 2018

Another day in paradise. Wells so schön isch gsi no es paar fotos meh vo Rottnest Island

18 March 2018

Nachdem i z Fremantle mi me hufe Brite St.Patrick's day ha gfiiret bini am morge früeh uf (vil zfrüeh für nach däm Usgang), für uf di ersti Fähre uf Rottnest Island. Es ischs aber definitiv wärt wert gsi. Mitme Mietvelo bini um di ganz Insle gfahre, wo ei Strand schöner isch als dr ander. O zum Schnorchle ischs super und es schisst mi chli a hani d Gopro vergässe mitznä. Uf dr Insle läbe hufe Quokkas, chlini neugierigi Beuteltier. Dr Sunneundergang hani vom "Privatstrand" us gnosse, zäme mitme Pelikan. Und z beste isch, i ha no e zweite tag hie;)

15 March 2018

Sitem zisti bini z Perth, ar Westküste vo Australie. Cooli entspannti Stadt, schön warm u nid zvil lüt. Obwohls di sunnigsti Stadt vo Australie söll si hez gester morge grägnet, am Namittag bini mit Harry, ämne englische Rugbyspieler, a Scarborough beach go bade. Hüt bini zfuess d Stadt go erkunde u ha es paar gueti Ussichtspünkt gfunde. Im Kings Park flüge Papageie ume und iz Hafebecki vom Elizabeth Quay hed sich e Delfin verirrt.

13 March 2018

Ha hüt e erste iidruck vo Perth übercho. Es isch chliner und hed dütlich weniger lüt als Melbourne. Gfallt mr besser. Es git hufe sache zmache hie ir umgäbig, also hani hüt afe chli planet, organisiert und buechet, mi übere ÖV informiert und öpis zesse hani ono brucht. Es herrsche "agnähmi" 37°C.

12 March 2018

Im moment isch z Melbourne z Moomba festival. Hüt isch mit Kulturumzug und Wasseski-final dr abschluss gsi. Z Schlussfürwärk hani mr vom Eureka Tower us agluegt.

10 March 2018

Isch gad e chli e underschied gägenüber Neuseeland. Dhüser und Stadt si riesig u es hed extrem vil lüt hie. D Aussies hei aber dermasse freud über mini akunft gha dassi gad es Fürwerk hei abgla