Italy · 7 Days · 33 Moments · July 2017

Off to Sicily!


30 July 2017

Anstatt an überfüllte Sandstrand z'hocke hemmer eus hüt für d'Felsklippe entschiede. Womer det acho sind hets eus richtig greut, dass mer da nid scho vorher gmacht hend, wells efach supr schön gsi isch det und das da Sizilie gsi isch, wiemers eus vorgstell hend! Aber wiemer so schön seit:"Better late, than never" D'Fisch odr es suchtigs Fich hett mich ziemli gern gha det und mer stendig is Bei bissä wa ziemli zwackt het 🙈 Am früehne Abig het sich d'Vale denn bereits uf de Weg an Flughafe gmacht, well sie am gliche Abig na de Flug zrug gha het. I bin bis zum Sunneuntergang uf dere Felsklippe verwilet und han namal so richtig energie tankt. D'Klippe für mich ellai gha, äs Bötli mit gueter Musig ufem Wasser, Sunne und äs kristallklars Meer 😌 Zrug im Appartment han ich mich denn au parat gmacht für min morgige Flug und bin na churz bide Rita verbi zum mi bi ihre z'bedankä und mich vo ihre und em Publito und de Marlen, wo sich so richtig a mich anedruckt hend (so härzig😍) z'verabschiedä.
Oisä letshti gmeinsam Tag isch abbroche. Und hüt isch s'allererst mal de Bus nid cho und drum hemmer afange Autostöpplä. Dume ussä und s'ersh Aufo het aghalte 😂 E netti, gspröchigi Dame het eus zwei + e wiiteri Dame uf Mondello gfahre. Die zwei Fraue hends so guet gha mitenand, dass grad na zemme sind ga käffele, bi dem Agebot hemmer eus denn abr usklinkt 😄 De Song vom Drake het eus absolut überall here mit verfolgt, sodass d'Vale igendswenn mitem Remix:"Shimmy shimmy yay, shimmy yay, shimmy ya, jetzt lauft mer de Scheiss na!" deher cho isch 😂 Äs letshts Glacé hemmer eus auna welle gönne und da han ich de Vale na ä Glacéweisheit chöne mit uf de Weg geh nachdem sie mi gfragt het was alles zu Schoggi passt. Und ich dadezue nur gmeint han: "Ja alles Schoggi isch wie Schwarz, passt alles dezue" 😁
Während dere Wuch han ich au es bizz italienisch glernt nachdem i es paar Crashkurs becho han vode Vale. Het na Spass gmacht de Lüt en Satz anezhaue, woni e Minute vorane grad glernt ha und denn amel ufe Reaktion gwartet han mit dem woni aneplappere. Und es het funktioniert 😂 Het Spass gmacht. Nur wenn denn e Gegegfrag deher cho isch, ischs schwieriger wordä haha. Ich han aber scho ziemli viel zemmehäng ime Gspröch chöne usefiltere und eme Gspröch teilwis chöne folge 😁 Meh chunnt schona erstunlich schnell ine Sprach dri, wemmer sie jede Tag ghört und sich i dem Umfeld ufhaltet.

29 July 2017

Am spötere Namittag hemmer eus denn wiedr uf de Zug gschwunge und sind zrug uf Mondello gfahre. Euse letshti Znacht idr Stadt isch leidr chli en Fehlgriff gsi und drum hemmeren na mit es paar guete Drinks inre Bar müsse kompensiere. S'ish e Outdoor Bar nebed em Strand gsi, d'Lüt ziemli uftacklet, sodass mer eus es bizzli underdressed vorcho sind, aber da het eus nid gstört sondern hend na eis obedruf ghe und hends eus am Rand am Bode gmüetlich gmacht, wells kei Sitzplätz meh gha het 😄 s'Lushtige isch denn gsi, dass plötzli zwei Manne sich zu eus an bode gsellt hend hahah (funktioniert am beste wemmer sich efach null müeh git 😜) Mit dene zwei simmr denn is Gspröch cho (also ich eher mit hend und füess, well mer mit englisch nid wiit chunnt) und sind na an Strand ghockt mitne und hend Sternschnuppe bime Bierli beobachtet 💫
D'Fahrt über d'Insle het sich aber nur scho glohnt zum Catania na z'gseh. Sehr e hübschi Stadt mitem rauchende Etna im Hintergrund. Vonre Kupplä us, womer duruf gstige sind, hemmer na en geniale Blick uf de Vulkan und über di ganz Stadt gha. Sehr en lutä Märt hemmer na atroffe, womer s'Temperament vode Sizilianer so richtig kenneglernt hend.

28 July 2017

Naja eus isch nix andrs übrigbliebe als dere da Geld geh, abr eich hetted mer nid müsse... Nur weiss mer ja nie zu was für Mittel die uf dere Insle grifed, wenn mer nid s'gwünschte Geld bechunnt... Drum hemmer gfunde wemmer dä Seich efach abschlüsse. D'Receptionistin, d'Ema, isch denn abr so supr gsi und het eus na ganz viel über d'Insle verzellt und eus es Bier spendiert. Sie wer zehmal besser gmacht zum sone Tour leite. Woni ihre verzellt han dassi die Guidin gfragt han: "ob mer denn öppis unbedingt mu gseh ha in Catania?" und sie nur miteme belanglose "nei..." reagiert het ischere zum zigste mal d'Kinnalde abe 😂 Ä grossi Chartä het sie denn füregholt und alles wichtige für eus na akrüzt 😄
Bim Hostel acho hemmer eus welle verabschiede und denn verlangt sie vo eus na 80€! Denn hani d'Nase voll gha, well mer immr gfunde hend: "Ja wenigstens kosht de Gspass nur 30€ 😅" Denn hani sie mitgnah zur Reception und dene mal klargmacht was da eich grad ablauft... Mir hend e Tour mit englischsprachigem Guide buecht und sie git zue, dass sie die Sprach nid wüki chan. Sie het nemli uf mini Frage praktisch kei Antwort chöne geh sondern hett aml nur verlege glachet... Dezue ane chunnt na, dass mer de Sunneuntergang nid mal gseh hend! Und für da fahred mer 3h über die Inslä und zahled so viel?! Und denn ischs nid mal die Tour wo ich eich gern buecht het und mer per Mail gschickt worde isch... D'Receptionistin het euse Ärger verstande und dere Organisation aglüte undene versproche, dass sie nie meh wird über sie bueche, well da e Frechheit seg. Sie het eus sowiso uf di andr Tour gsteckt, well vo ihre han ich de Link per Mail becho, abr de komisch kauz vom morge het eus da umbuechet!
Nachem Essä simmr denn uf Catania zruggfahre und hend uf de Autobahn fascht en Unfall gha! Da Auto vor eus het ufem Beschlünigungsstreife uf dr Autobahn komplett abbremst, mir wiched us und hindr eus chunnt en Lastwage... Haarscharf ischr ah ois verbi! Det isch mer s'zweit mal s'Herz id Hosä gheit die Ferie nach dr Hundeflucht 😂 Italiener und Auto fahre isch sowiso e Gschicht für sich! 🙈
Me sind denn also tatsächlich ines Resti ghockt mitere und hend irgendwie versuecht mitere z'rede 🙈 D'Vale chan zwar scho italienisch, abr sie het vo sich us immer wiedr uf ihres englisch gswitched. Meh hend denn usegfunde, dass sie e studium i geologie macht und eigentli viel sött wüsse über d'Insle. So schad, dass sie eus da nid wiitergeh het, also geschweige denn dass da überhaupt stimmt 🤔 Nachdem mer bstellt hend isch sie füres längers Wili ufs Klo verschwunde und het grad e Telefonat abgschlosse, wo sie zu euesem Tisch zrugcho isch. D'Stimmig isch sone Mischig us verchlemmt, "was mached mir da eich?!" und fremdscheme gsi 😂 S'Guete: Meh hend äs typischs sizilianischs Essä kenneglernt. So Risbälle gfüllt mit verschiedne Zuetate. Ich han eine mit Schinke und Chäs gha. Da isch wüki sehr fein gsi (:
Zu eim Ussichtspunkt, wo usgseh het wienen riesä Wasserfall, aber us härtem Lavagestei bestaht, simmr na gfahre bevors wiedr de berg durab ines chlises, schöns Stedtli gange isch. Denn meint eusi Guidin: "So, we are going to have some dinner now." I dem Moment hemmr eus uf de Hindrsitz extrem müsse zemmerisse nid efach lut loszlache 😂 Me hend echt denkt oke jetzt hemmers gschafft und komischer chan d'Stimmig ja nüm werde, aber nei me münd mit dere na ga esse! Igendswenn hani si mal aghaue und gfragt vo wellere Organisation sie eich seg. Und es het sich denn usegstellt, dass sie gar nid vo dem Unternehme chunnt, wo mir am Tag vorane de Link zugschickt worde isch vom Hostel... Und ich het eich sehr gern bi dene was buecht wells guet tönt het. Es het nemli sehr vieli schlechti Abüter drunder und me hocked da grad bi eim im Auto! Ba nid um suscht d'Agebot vergliche... Allgemein simmer eus eich meh wie ufere Kidnapptour vorcho als ufere Etnaexplorer Tour 🤔
Mini Härzig! ❤️😂 Uf Höhläerforschigstour ischs gange wo d'Lavaström hinderlah hend.
Ufem Ätna obe acho hemmer e wahnsinns ussicht über di ganz Kraterlandschaft bis abe uf Catania gha 😃 Nur schad isch gsi, dass mer eusere Guidin i eim Eiltempo hend müsse hinedriwatschlä...Sie hets efach welle hindr sich bringe, da het mer ganz extrem gmerkt. Und well mer so schnell undrwegs gsi sind, hemmer de Sunneuntergang vo dere Sunneuntergangstour gar nid ersh gseh 😑😂
Nachere Wili simmer denn ime Bergdörfli acho, wo sie probiert het hinderschi anre steile Strass ine winzigi Luggä inezdruckä. Öppe 4 mal ischere de Motor abgsackt und am Schluss het sie de Lastwage hindr sich grammt! 😂 Empörig bi allne wo duss ghockt sind 🙈 De ganz Ufwand het sie uf sich gna, dass mer schnell ufs Klo chönd, bevors de Etna duruf gaht. Ich ha mich ja bizz gfragt wie mir mit some Charre en Vulkan duruf chömed, abr d'Strasse sind bis wiit ue teret. Ufem Weg duruf hemmer ame Ort halt gmacht, wo e früeneri Eruption es ganzes Dörfli bedeckt het. Ein überrest vome Hus isch da na sichtbar.
Am halbi vieri hemmer vorem Hostel uf eusi Sunneuntergangstour uf de Etna gwartet und eus riesig druf gfreut! Nachere Wili taucht chli e verstreuti, unsicheri, unmotivierti, jungi Frau uf, wo eus fragt, ob mir a dere Tour teilnehmed. Sie het eus denn zum Auto gführt, wo wies usgseht het ihres eigne viersitzige gfährt gsi isch. Ich ha si denn gfragt, ob na anderi Lüt teilnehmed und denn het sie gfunde: "nei mir zwei seged die einzige." D'Vale und ich hocked ufem Rücksitz und hend eus de erscht vo vielne komische Blick zuegworfe 😂 Da sie chum het englisch chöne, het sie denn efach de Radio igschalte im Auto anstatt eus chli was über d'Insle und de Etna z'verzelle... Zum Bild: Da isch d'Geburtsstett vom Etna. Us dem chline Chegel im Meer uss isch die erst Eruption usecho. S'Magmazentrum hets sich über d'Jahr denn aber verschobe und isch jetzt det, womer de gross rüchend Berg gseht.
Meh hend den d'Koste vom Zimmer und eusere Tour grad begliche. D'Tour isch vom Hostel buecht worde. Han sie agfragt, obs was gshids heged, well anderi Abüter a dem Tag nix im Agebot gha hend. Sie hend mer denn en Tag vorane en Link gshickt mit de Tourdetails und da het alles guet usgseh. Hets denn eich grad selber buecht, abr sie hends für eus übernah. 30 Euro hettr für d'Tour verlangt, me heged e Vergünstigung. Normalerwis kosht da um di 55€ pro Person. Abr da seged mer natürli nüt und hend eus gfreut.
Hüt hets mal gheisse früeh ufstah, sodass mer euse Zug in Palermo uf Catania verwütsched. D'Verbindige sind gloffe wie am schnürli und so hemmers ziemli pünktlich uf de Zug gshafft. Dä isch sogar au pünktlich abgfahre 😮S'isch schön gsi s'Inneland vom Zug au na z'gseh. Womer eus Catania gnöcheret hend, hemmer de Etna sho vom zug us gseh vor sich hi rauche 😃 Ufem weg zum Hostel hemmr na de eint odr andr Stopp zum was esse gmacht, bevors denn de Vulkan duruf gaht. Im Hostel acho, sitzt ganz en komische Kautz ade Reception, wo eus zersh mal vo Chopf bis Fuess gmusteret het e Wili bisr überhaupt es Hallo übr d'Lippe bracht het. Es het komisch agfange und isch denn au seeeeeehr komisch witergange mit eusere Etnatour.

27 July 2017

Hüt Abig hemmer de unmotiviertisti Service ever erlebt 😂 Da hesch scho fash angst gha, wenn nid fertig issisch 🙈
Hüt isch brötle am Strand vo Mondello agseit gsi 😎 Dä Strand isch zwar nid so de Hit... Sish e ziemlichi abzocke, well de strand komplett izünt ish, sodass mush Itritt zahle, dass überhaupt ame gshide Ort chash aneliggä... Wenn da nid bereit dezue bisch, hesh efach öppe en meter vorem Hag bis zum wasser... und er isch pumpevoll! Ganz viel lässigi verchäufer woder d'Ohre vollschreied mit "COCO" sind au ume 🙈
Hüt hets di erst pizza geh ime schöne, windigä openairresti undeme glas desertwii zum hauptgang (servicedüse het glaub gmeint me heged gar kei ahnig 😂) Mit es paar supr drinks ischs inre bar undeme guete dj wiitergange. Nachdem er abr fertig ufgleit het, ischs denn au verbii in Mondello, lauft nid so de hufe da undr de Wuch. Ufem heiweg hemmer namal rash idie badi, womer am morge gsi sind welle verbiigha zum eus mitm wlan verbinde, well mer ufes bestätigungsmail vo oisere buechte sunneuntergangstour uf de etna wartet. Det acho laufed mer di dunkel strass durab bis mer dures kläffe wahnsinnig verschrocke sind und zwei riesigi köter im schatte vor ois stönd. Denn hend die sich scho inre schnelle Bewegig i eusi Richtig gmacht & mir hend glichzitig d'Flucht ergriffe! Ersh während em renne isch mer igfalle, dass mer ja eich gar nid sött renne! Probier da mal wenn en Köter im Nackä häsh... Han gmeint jetzt het euses letshte stündli gschlage, abr sie hend denn zum glück s'interesse verlore😅

26 July 2017

Än herrlich windigä Tag isch da gsi hüt! 🙈 Sturmböene sind über d'Inslä gfegt! D'Vale het scho schiss gha dass de Kaktus nebed oisem sünneliplatz" sini chline stachlige Bölle verlührt und als schlüdere deher zflüge chömed! 😂 Nachdem mer vom felsige Strandabschnitt gnueg gha hend simmr na uf Modello gfahre füren feine Zmittag und es Glacé vonre wahnsinns Theke 😍 Nachher hemmer eus denn doch na an sandstrand gwagt und sind trotz regä und sandböene knallhert ligge blibe, bis mer denn d'Ohre und Nase wortwörtlich voll gha hend mit Sand.

25 July 2017

Während eusere Etna-Planig isch eus igfalle, dass vilich d'Büs nid allzu lang am abig na uf Mondello zrugfahred, also hemmer eus uf de Weg nacheme passende bus gmacht. De letsht isch eus denn natürli schön vor de Nase ab und so hemmr ois uf d'Schnitzeljagd nacheme Nachtbus gmacht. Gar nid so eifach da, well si null wert uf Infografik leged! 🙈 Me hend di richtig Station denn aber gfunde und sind miteme Rallyfahrer als Buschauffeur ime ischalte Bus i euses käfli zruggrast 😂
Wo au immer mis einte Bei hi isch uf dem Foti 😄
Ernährt hani mi hüt nur vo gelati 😏und drum hanis chum chöne abwarte bises e feins Znacht geh het ufere Terasse zwüsche de schmale charmante gasse vo Palermo. Nachm Znacht hemmr na en gmüetliche Drink gna und hend e spontani Idee für di wiitere Teg da ufdr insle gha. Und zwar hemmr vor uf di andr Siite vodr Inslä uf catalan z'fahre, det e nacht z'blibe und de Etna z'bestige.
Bim Piaza Pretoria hemmer en grosse Brunne gfunde, wo eus di verschiedne Skulpture zu eis, zwei lushtige Inszenierige verlockt hend.
D'Vale get d'Stadtfüehrig übernah und so simmr de ganz Tag dur d'Strasse und Gasse vo Palermo gschlenderet.
Nacheme lange usschlafe undeme chline Zmorge simmr uf guet Glück mal ad Bushaltistell abegloffe zum uf Palermo chöne fahre. De Fahrplan seit, dass efach all halbstund mal en bus "sött" verbii cho. Ab dem Ziitpunkt hemmer immer en Freudesprung gmacht wenn mer de Bus (603) gseh hend um d'Kurve cho. Han de Gedanke denn lushtig gfunde wemmer sich idr Schwiiz au so wür freue, wenn jedes mal de ÖV ifahrt 😄 Hüt hets so starch gwindet, sodass eus während em Warte ganzi Sandböene um d'Ohre gfegt worde sind 🙈 De Bus isch denn zum Glück tatsächlich bald cho und so hemmer liecht parniert chöne uf Palermo iedüse. 🚌

24 July 2017

S'erste Gelato hets hüt natürli au scho geh und isch efach es Träumli 😍
Schnell s'nötigst uspackt und parat gmacht für de Strand ☀️🌴Di ganz Strass uf Mondello wiedr füregloffe (isgsamt vier mal a dem Tag bis mer usegfunde hend dasses Büs git) Leidr isch de Strand z'Mondello ighaggt ine Zone, womer muss itritt zahle nur dass mer cha detligge. Wenn nid bereit bisch zum da zahle, hesh grad mal na en halbe Meter vorem Hag bis zum Wasser. S'isch alles sehr eng und het efach z'viel Lüt. Aber s'Meer isch so klar und warm gsi, dass da chli devo abglenkt het. De Sand het so hartnäckig a eim klebt, dass mer au dihei e wili brucht hend zum alles wegzbecho. Bsunders well d'Duschi nid wükli Pfupf het und mer zu allem here ischalt münd dusche! Erfrischig und Überwindig pur! Zum Glück hets di nechste Tage abr warms Wasser gha 😅
S'appartment an sich isch ziemli gross und hett e schöni Terasse isch aber stellewis chli grüslig. S'innere vom Chüelschrank gseht chli fragwürdig us und di sanitäre Alage chönted aumal e Restaurierig verträge.
Euses grösste Bedürfniss im Moment isch e Fläsche Wasser, well mer nach dere Wanderig fash am verdurste sind. D'Rita het eus denn ä küehlti Flesche bracht nur het sis mit dä chüehli grad chli guet gmeint und sie im gfrorne zuestand bracht 😂 Tropfe für Tropfe hemmer us dere Flesche druckt (odr gmelcht, so hetts nemli öppe usgseh haha) Paar Minute spötr hets namal adr Türe klopft und denn staht sie mit selbergmachti Fruchtspiess vor de Tür. Ganz e herzigi Ufmerksamkeit und genau richtig cho! 😌
In Mondello acho hemmer denn mal afange umenandfrage wo die Strass vo eusem Appartment z'finde isch. Het sich denn usegstellt, dass da völlig im Gaggo uss isch. Schlussendli simmr bi 39 Grad anre Hauptstrass (ja mer ziend die Strasse igendswie bi extrem Zuestend ah) nagloffe bis mer denn nachere gfühlte Ewigkeit inre idyllische Wohnsidlig direkt anre massive Klippe acho sind. Bim Ziel acho simmer vome super herzige Hund "Publito" begrüesst worde ☺️ undere sehr gspröchige, nette Vermieterin, wo bizzeli en Ähnlichkeit zum Gollum het 😄
Extrem früeh ischs hüt losgange. Abflug 6:40 am Morge richtig Süde. Vom Ziitpunkt womer eus agschnallt hend im Flugzüg bis mer eus in Palermo vom Gurt wiedr glöst hend, hemmer Babygschrei ide Ohre gha... Abr wenigstens isch di ganz Reis sus iwandfrei und agnehm abgloffe nid wie det womer zemme uf Lanzarote sind 🙈 Nechsti Challenge: E Busverbindig uf Mondello finde. Het ganz guet klappt miteme Shared Taxi uf Palermo ine und vo det us en Bus z'neh.