United States of America · 85 Days · 27 Moments · September 2017

Patrizia's und Nicolas' Abenteuer in den USA


8 December 2017

Donnschtag, 7. Dezember Am Donnschtag heiwer bevor daswer uf vegas sie nu zortji "oatman" wello gseh. Das isch en ehemaligi goldgräberstadt aner route 66 wo aber nu immer ca. 130 mänsche wohnund wa da der tourismus am löifo haltont :) zcoola isch das uberall eschla sind wa frii chennont manand löifo 😄 Am Namittag siwer de in vegas acho, sie afomal ins hotel ga relaxe und nisch ga vorbireito fer emabo ine 108 stock im stratosphere tower im restaurant "top of the world" ga znacht zässo :) Isch enz krass gsie vor allom willschi zrestaurant nu dräht 😄 Nam ässo siwer nu ebiz der strip abgluffo und bim hotel bellagio die brunnoshow ga lüego 😄👍🏻 Nacher siwer ins casino bi ischom hotel ga zocko 😄 leider nix gibrungo 😄

6 December 2017

Mittwoch, 6. Dezember Am Mittwoch siwer wider zum grand canyon gfahro und hei der South-Rimtrail gmacht midera super üssicht 👌🏻 und krasse abhäng 😳😄 Am namittag ze 3e siwer afo e stuck richtig las vegas gfahro und hei bim ort "kingman" imo motel ubernachtot.

5 December 2017

Zistag, 5. Dezember Vo page üs gstartot siwer am morgo zum „horseshoe bend“, en teil wo der colorado river en kurva wie es hufiiso macht. Sehr beidruckend aber en churze astrengonde wäg durch halb sand halb stei fiert derzüe. 😅 Später heiwer vo page üs en gfierti tour zum antelope canyon gmacht. Sehr en unbequemi fahrt diräkt durch de wiestisand woschi aber definitiv het glohnt! Mega schön was d natur da erschaffo het aber öi gfährlich wägo sturzflüete was öi der grund isch dasmo nur uber en gebüechti tour cha durchlöifo. Emabo siwer nu zum grand canyon gfahro und hei da gat der sunset gignosso :)

4 December 2017

Mäntag, 4. Dezember 2017 Am mäntag siwer ine "zion nationalpark" gango. Dstrass durch de park isch mega schön gsie und vor allom hets enz wenig liit kä - wisse eu wieso, isch extrem chalt gsie in der region 😖😄 Eigentli heiwer wello witerfahro aber hei de nu en wanderwäg entdeckt und sie e stuck gluffo wawer de steibeck hei gseh 😊😄 Emabo siwer im ort "page" in es "comfort inn & suites" ga ubernachto.

3 December 2017

Sunntag, 3. Dezember Am sunntag siwer witer gfahro richtig zion nationalpark hei aber nid berächnot dass da -1 stund im verglich zu las vegas isch. Drum siwer de im dunklo im verschlafono springdale vor dum igang vom nationalpark acho hei schutzi es restaurant gsüecht, epis chleis gässo und nur nu ga liggo. 😄

2 December 2017

Samstag, 2. Dezember Roadtrip #2 het gstartot! 😄👍🏼 Durch das daswer es auto gmietot hei und das scho am 10ni hei abgholt siwer flexibel gsi. Der abschied vo ische kollego wower hei gfundo ischnisch sehr schwär gfallo und de siwer de am namittag eswe gstartot. D fahrt uf las vegas hetschi zwar in d längi gezogo aber iisch isch eigentli glich gsi daswer schlussändli ersch so ze 10ne si acho. Ubernachtot heiwer im circus circus hotel z aller oberst vom las vegas strip. Durch das daswer am negsto tag scho witer hei wello siwer de glich nu zimlich der ganz strip abgluffo was ca. 4 stunde het gedürot willmo durch fasch jedes hotel löift. Aber es isch uf jedofall uberwältigond z gse 👌🏼😁🤩

1 December 2017

Wucha 27. November - 1. Dezember Am mäntag heiwer beidi der "speaking-tescht" kä. Chenne nit sägo wies isch gango 🙈 Am zistag het z'nici vam 9i emorgo bis am halbi 2 "reading", "listening", "writing" und "grammar" tescht kä. Und z'pati zglicha am mittwoch. Herti täg gsie 😳😄 darum siwer de am mittwoch emabo wider ins "in cahoots" gango wa fasch die ganz schüel isch da gsie 😂 Am fritag isch der letscht tag in san diego gsie und willwer nu paar plätz hei wello gseh heiwer en ford mustang gmieto 😊 isch genial gsie - american feeling 😆😄 Emorgo siwer ane "pacific beach" ins restaurant "konos" ga früehstucke :) wider mal mega gsie :) Am namittag siwer de nu 2 kollego ga abholo und mit ine zum lüchturm in "point loma" gfahro wawer en super üssicht uf d'stadt hei kä. De siwer nu zum brüehtmo "greetings from san diego" graffiti gfahro fer es paar foto zschmeisso 😄 Emabo siwer wider emal bim "ocean beach" gsie 😄 zersch heiwer der sunset gignosso und nacher en burger im "hodads" 😄

25 November 2017

Wucha 20. - 26. November Am zistag siwer zer "Gun Range San Diego" gango wawer midera pistola und dumo halbautomatik maschinogwehr hei chenno schiesso - isch enz krass gsie 😳😄 Am mittwoch heiwer der letscht schüeltag kä wawer minand sie der ort ga alüego wo die prüfige sind und nu minand in es restaurant sie ga ässo. Emabo siwer zirka 20 liit vaner schüel im "in cahoots" gsie und hei es super fäscht kä 😄 Am donnschtag isch thanksgiving gsie und da wier nit binera gaschtfamili sie, siwer mit 4 andre in es restaurant ga turkey ässo 😄👌🏻 Am fritag siwer mit 2 kollego ane "ocean beach" in es restaurant ga ässo (mal wider eppis gsunds 😄) und emabo der sunset gignosso 😉😊 Am samstag siwer midemo kolleg ins restaurant "breakfast republic" ga bruncho. Isch meeeega fein gsie 😄👍🏻 Also dischi wucha nur gschosso, gässo und gitrücho 😜😂😂

18 November 2017

Wucha 13. - 19. November Am zistag heiwer z letschd mal der taco tuesday im fred‘s in old town zelebriert 😄Trotz meistens churzer wartezit is immer super gsi 👌🏼 Am donnstag siwer zämo mit andre schieler ins mcfaddens ine üsgang, was bi de meisto zume wöchentlicho ritual isch wordo will: $10 itritt, 1 bier = $1. Aber an dem abo heiwer fasch nid chänno glöibo wer wier per züefall hei getroffo: der dario kostic vo natersch!! So en lustige züefall gsi. 😄👍🏼 Am fritag siwer scho am namittag zum football stadion gstartot will immer vor de college football matches alli ufem parkplatz party mächond!! Das isch unglöoblich gsi wie summi üsgrüstot sind gsi sprich mit grill und campingstiel etc. Nacher siwer alli zämo der match ga lüego was zwar zitowiis interessant isch gsi aber alls in allum eifach vil z lang isch gango mit vil z vil unnerbrächige. Am sunntag heiwers gmietlich la aga aber hei trotzdem epis neus wello gse und si de mit zwei kollego in d altitude skylounge rooftop bar g

12 November 2017

Wucha 6. November - 12. November Am Mäntag siwer zune Klippe "La Jolla Cove" gango willwer hei mitbercho dass da Robbe und Seelöwe het. Und äs het hunderti kä 😂 Später heiwer der schönscht Sunnounergang gseh wawer hie in San Diego hei erläbt. Am Mittwoch siwer zämo mit andre vaner Schüel im "USS Midway Museum" gsie wa sehr idrücklich und uberwältigend gross isch 😳😄 Emabo siwer mit es paar Kollego ini Bar "in Cahoots" gango wa fascht nummo Amerikaner sind gsie. Isch nit nur en Bar sondern eu en Dance Hall & Saloon. Isch mega luschtig gsie 😄 Am Fritag heiwer durch en Kolleg vanera andro Schüel billiger ine Zoo chenno wa mit ischer Schüel und das heiwer natirli üsgnutzt 😄 also mit Sicherheit der gregscht Zoo wawer beidi hei gseh 😄 Am Samstag isch in ischer Strass en "Farmers Market" gsie und de siwer da ebiz ga chrämro 😄

5 November 2017

Wucha 30. Oktober - 5. November Am zistag wo de wirkli halloween isch gsi heiwer iner schüel numal en chürbis-schnitz-wettbewerb & kostümwettbewerb kä wower hei mitgmacht und fascht der Paarli-Gwinn hei abgrümt 😄 Zum z nacht siwer wider ins fred‘s in old town ga tacos ässo. Am donnstag, 2. november heiwer „dia de las muertas“ in old town wello mitverfolgo. Wier heinisch allerdings vorgstellt, dass di parada di höiptattraktion wird will sehr vil gschminkt sind gsi wie „la catrina“. Schlussändli is leider biz entüschend gsi und typisch amerika nur en gäldmacherii in ische öigo. Am fritag na der schüel siwer spontan mit paar andre schieler ga rips ässo. 🍖😋 Emabo bi ischer unnerkunft isch wider es mega fäst gsi will en brasilianer kolleg vo iisch isch 18 cho. Isch super lustig gsi 😄 Am samstag heiwer de scho es abschieds-ässo im „buca di peppo“ vo der klass vom nici kä will ei schieleri scho ehner isch gango. Z restaurant het es cools ambiente kä und nur mit portione zum teilo 👌🏼

29 October 2017

Wucha 23. - 29. Oktober Am tacotuesday siwer uf empfählig vo eme lehrer vonera andro schüel ins „taco del gordo“ aner mexikanisch gränza ga ässo. Leider is ver isch alli sehr entüschend gsi und hei diräkt gseit daswer da niemeh gä! Am mittwuch siwer der negst empfählig gfolgt und si ins „hodad‘s“ am ocean beach ga burger ässo. Da widerum het niemerd ubertribo dermit dases der best burgerlado iner stadt isch 🍔👌🏼 Derna heiwer wider der sunnounnergang am ocean beach gegnosso. Di gross vorfreid vo de amerikaner uf halloween heiwer scho di ganz wucha bemerkt. 👻🎃Und da das diz jahr am mäntag isch gsi, hez bi ischer unnerkunft scho am fritag en rieso halloweenparty gegä mit snacks & getränki, karaoke & kostümwettbewärb. Alli bewohner vom vantaggio in little italy, gaslamp und hillcrest sind iglado gsi und hend nu ei person chänno mitbringo. Das isch es super fäscht gsi und fasch alli sind verchleidot gsi wases nu lustiger het gmacht! 😂👍🏼 Z wuchenänd heiwer wider gmietli am OB la üs

22 October 2017

Wucha 16. - 22. Oktober Di wucha isch dank dum immernu grandioso wätter ganz unner dum motto beach gstando: Am mäntag siwer wider zum ocean beach mit emo brasilianer kolleg gango. Am mittwuch heiwer zer abwägslig versüecht z mittag epis „gsunders“ z ässo was aber leider diräkt immer tiir isch. Am namittag siwer z erst mal bim mission beach gsi wower di gsundo vorsätz wider uber de hüüfo hei gschmisso und en super burger hei gässo. Das chännonsch halt scho d amerikaner. 😉🍔 Am samstag siwer numal zu ischum mittlerwilo lieblingsplatz bim ocean beach gango. 😄 Und am sunntag heiwer zämo mit basler kollego z erst mal probiert z surfo 😄🏄🏻‍♀️🏄🏻‍♂️ beidi heiwers churz gschafft üfzstah 👌🏼 Aber leider heiwer vergässo foto z macho... 😅

15 October 2017

Wucha 9. - 15. Oktober Am zistag siwer mit kollege zum pacific beach gango ver wider en geniali üssicht ufe ocean z gse. Am fritag heiwer numal en andere schöne üssichtspunkt bsüecht - d sunset cliffs. 🌅😍 Und passend zum fritag, 13. isch „happy death day“ im kino cho wower de mit emo kolleg vo genf si ga lüego. Will fasch niemerd isch da gsi heiwer fasch en privatvorstellig kä. 👍🏼 Z wuchenänd vom 14./15. Oktober heiwer ver z fiiro vo ischum 5. jahrestag in los angeles verbrungo. Am samstag siwer ine universal studios gsi und emabo zum abschluss im ältesto restaurant vo hollywood „musso & frank grill“ mit charme und stil aber weniger stilvolle tischnachbare... 🍻🍸🍹🍷🥃🍾 Am sunntag siwer de nu der walk of fame abgluffo und heinisch scho bald wider miesso ufe wäg macho ver ufe zug richtig san diego, richtig deheimo. 😜😁

8 October 2017

Wucha 2. - 8. Oktober Am zistag siwer ins fashion valley iner meinig es si es richtigs outlet aber schlussändli heiwer nid soo vil gfundo wo extrem billig isch gsi. Am donnstag namittag heiwer vom aktivitätoprogramm vo der schüel profitiert und si ga lasertag spilo was mega lustig und astrengond z glichum isch gsi. Dische monat is zwar nimme im programm aber eventuell gäwer mit kollego numal😉 Am samstag siwer zämo mit era gruppa brasilianer numal ane ocean beach will „oktoberfäst“ isch gsi. Zu der zit isch z wätter immernu genial gsi und gnüeg warm ver ga z schwimmo. Abschliessend heiwer wider der sunnounergang glüegt.

1 October 2017

Da wier mim journi "ebiz" in verzug si tiewer jetzt di zit in san diego wuchowiis zämofasso. 😅 Am mäntag heiwer d schüel agfango wos leider bi der klassoiteilig en fähler het gegä und di Pati inera First klass anstatt inera Advanced klass het agfango. Vo zistag bis donnstag hendnisch z Chrigi & d Antonia gibsüecht, will san diego uf der strecki vo ihrem road trip isch gsi. Am ersto abo siwer am hafo ga spaziero und hei der sunset bewundrot. Am negsto tag heiwer mim old town trolley en tour durch d stadt gmacht. Diräkt na der tour, wo bi old town het gstartot und öi het üfghert, heiwer der old town market aglüegt und der abund am ocean beach la üsklingo mit entertainment durch de "zirkus" wiemo summi iheimischo sägund. Am donnstag heiwer en schiffrundfahrt durch de hafo gmacht mit mega schöner üssicht uf d skyline und zum abschluss heiwer en cocktail ufer rooftop-bar vom Hardrock-Hotel gitrücho. Am wuchenänd siwer ins westfield horton plaza ichöfszenter ga shoppo und ane ocean beac

24 September 2017

Am samstag und sunntag heiwer vorallum ischers zimmer igrichtot und ändli mal alls chänno wäscho und di goffra komplett üspacko 😅👌🏼 Z füess heiwer afa ischers quartier (little italy), der hafo mit dum maritime und uss midway museum und en teil vom gaslamp quarier gse. 👣😅 Hito siwer z erst mal iner schüel gsi. Nach era churzo ifierig und emo test isch de öi scho bald wider fertig gsi. 😉 Wier freuenisch uf di zit wo nu chunnt und san diego gfalltnisch scho jetzt mega güet 👍🏼

23 September 2017

Geschter het der Morgo super gstartot 😄 zchrigi und dantonia heint eu z'Visalia ubernachtot und heintnisch emorgo es feins Kaffee vam Starbucks ufe Camping gibrungo 😄👍🏻👍🏻 Nade 11e sind de zChrigi und Antonia witer uf Monterey und wier sie in Richtig Castiac gfahro. Unnerwägs siwer nu zum Pyramid lake es paar Foto ga macho und emabo ufe Camping Castiac lake ga schlafo wower de eu nu der Castiac lake hei chenno alüego und in ischer Jucy-Chuchi Spaghetti mit Fleischballini hei kocht :) Also der pyramid lake isch z'Oberbecki und der Castiac lake z'Unnerbecki wa durch en Staumüra gitrennt sind und das kehrt zumo Wasserchraftwärch 😊 Hitto siwer de nu ca. 1h vo Castiac uf Los Angeles gfahro fer der Jucy abzgä. Leider heiwer vam Reisebüro d'alt Adräss bercho und sie de falsch glandot 😄aber der neu Standort isch zum Glick nur 7 min entfärnt gsie 😄 Und momentan siwer im Zug fer uf San Diego 😊

21 September 2017

Ändli heiwer wider Wlan und chänne paar Journi-iträg nahholo. 😉 Hito siwer zum Kings Canyon Nationalpark gfahro. D afahrt isch di hölle gsi wills ufzmal extrem näbel het kä. 😖 Z oberst ufem bärg acho, heiwer diräkt am afang bime chleino spaziergang mega vil "Sequoias" (Mammutbejm) gse wo bis zu 2.500 jahr alt, uber 80 meter hoch und der stamm en durchmässer vo bis zu 11 meter het 😱 Nacher siwer bärgüf und bärgab witer ine canyon gfahro ver de z mittag in iischum jucy z chocho mit dum Grizzly Fall im hinnergrund 😍 isch wunderschön gsi. Da heiwer de öi zwei backpacker kännoglehrt daswer nu biz unnerhaltig hei kä 😉 Da wier scho in 2 täg der jucy in los angeles miesse zrug gä heiwer öi da nid z spat miesso witer nach südo fahro. Bi visalia heiwer de en KOA campingplatz gfundo wower am lagerfiir hei marshmallows gebrato 😁😋
Am 20. heiwer der ganz tag im wunderschöno Yosemite Nationalpark verbrungo. Der bekanntest üssichtspunkt - der Glacier Point - heiwer leider nimme chänno ga alüego willwer eifach di distanze und bärgstrasse vo dem rieso nationalpark unnerschätzt hei. Wier hei de eifach alli schöno fläcka im tal aglüegt: Lower Yosemite Falls, Happy Isles, Bridalveil Fall und bim Tunnel View heiwer öi cooli fotos chänno macho. Am namittag heiwer de scho langsam biz zitdruck bercho und si de nu ca, 2 1/2 stunde bis dunkel isch gsi nach fresno gfahro. Da heiwer de ufeme 24h walmart parkplatz gecampt willwer so spat kei lust me hei kä en campingplatz z süecho 😜

20 September 2017

Am 19. siwer zer geisterstadt Bodie gstartot uber en himmeltrürigi landstrass 😖 Bodie isch zu de goldgräberziite en boomondi stadt gsi und hito isch nu erstünlich vil güet erhalto. Der wäg hetschi glohnt - mu hetschi richtig in di zit driversetzt! Derna siwer witer richtig Yosemite Nationalpark gfahro ver en camping z süecho. Vom ganzo Yosemite valley siwer ufem hegst glägono camping uf ca. 2.400m glando, mitsch im wald und umgäbo vo wilde tieri (uberall warnige wägo bära) 😖 bim abendspaziergang heiwer de mitsch ufem campingplatz nu zwei reh entdeckt. 😉 Wier hoffe, das si d cheltest nacht gsi - so gfroro heznisch bis jetzt nu nie. 😖

18 September 2017

Am 18. heiwer gat iischi spina vom jucy chänno üsprobiero und da di zähnt butzo wills uf de wc kei lavabos het kä 😊 Nacher heiwer der Lake Tahoe besichtigt mit eme stopp uf Sand Harbor umgäbo vo eichorlini und mega schöner natur! Es amerikanischos z'morgo mit eme bagel het nid därfo fählo ver nacher ohni fests ziel richtig Yosemite Nationalpark z fahro. Irgendwo im Nirgendwo isch de churz vor der geisterstadt Bodie es chleis seeli und z ortji Bridgeport üfgetöicht wower de spontan iischers nachtlager im "Paradise Campground" hei üfgschlago. Da isch üsser dum camping nimme vil gsi darum giz öi nid me z verzello 😜

17 September 2017

Hitto siwer va Sacramento zum Lake Tahoe gfahro. Dlandschaft isch so vilfältig gsie, daswer va trocho zu Wald, va flach zu hügelig und va 2- bis 6- spurigum highway alls hei kä 😄😅 Am namittag in South Lake Tahoe acho, heiwer ische campingplatz igrichtot und hei der abo mit eme spatziergang am see la üsklingo.

16 September 2017

"Zgsund" Früehstuck geschter isch mega fein gsie 😄 de heiwer e schutz nix me gässo 😂 Nacher siwer mimo genialo Uber-Fahrer va San Francisco uf Oakland gfahro fer der Jucy-Car abzholo 😊mit im heiwer e hüero Gschpass kä und hettnisch nu super Tipps gigä 😄👍🏻 De siwer Oakland sälber nu ga alüego und witer uf Sacramento gfahro. Old Sacramento isch cool 👍🏻 Nacher siwer nu flott ga ichöifo fer zcampo und z'Sacramento uf en "Asphalt-Camping" ga liggo, wa natirli keis W-Lan fer en Journi-Itrag het kä 😉😄 aber darfer en Dusch 😄😄

15 September 2017

Zämo mim Toni und mim Chrigi siwer mit dum cablecar zum pier39 gfahro ver zum **Hard Rock Cafe** ga z nacht z ässo. Super gsie 😄👍🏻👍🏻👍🏻
Hitto isch Bombe gsie! Zersch siwer ga z'Alcatraz (the rock) ☺️ alüego und nacher heiwer en Bus-Tour durch die ganz Stadt inkl. Golden Gate Bridge gmacht - isch hammmör gsie 😄👍🏻 Jetzt gäwer nu mit de Eltro vaner Patrizia ga ässo und de apa in znäscht 😄😄

14 September 2017

So, der Flug (zum Glick) durch 😄 Bim Start fellig Turbulänze kä und zsan francisco apa 1 1/2h agstando fer fingerabdrick zmacho etc 😄 Nacher siwer de nu ebiz iner nechi vam Hotel manand gsie und mittlerwilo zhuddlofätz und freuenisch uf z'Näscht 👍🏻😂 Flugzeit: ca. 11 1/2h Schlafzeit Nici: ca. 8 1/2h Schlafzeit Pati: ca. 1h 😓 😂😂😂