Switzerland, Germany, Spain · 341 Days · 26 Moments · May 2017

Euses 1. Jahr ❤️


22 April 2018

Hüt simmer bi dem wunderschöne Wetter in Buechberg go föteli mache❤️ und din Vater het no sini neui Drohne uusprobiert gha. Mal luege wie die vo de Kamera worde sind wel irgendwie hets nöd so funktioniert wie ich mir das vorgstellt han🙈 naja du bisch mir ufallfäll sehr es guets model gsi😘❤️

16 April 2018

Ich lieb dich so sehr und das Fotibuech zerstelle het mir zeiget was mir scho alles tolls erlebt hend. Ich freu mich jetzt scho uf vili wiiteri Reise und Erlebniss mit dir. ❤️🌕🌌🌏

1 April 2018

Am Ostersuuntig simmer am morge bi mim Gotti in Züri gsi go brunche. Uf de Namittag simmer den zu dir hei und hend mit dinere Familie (und Verwandte) au no Ostere gfiiret. Leider hemmer das Jahr irgendwie mit em Militär und ich mit em schaffe nöd d ziit gfunde zum selber Eier amale aber negst Jahr holed mer das nah❤️🐰🥚🎨

24 March 2018

Hüt sind s Mami, dini Eltere und natürlich ich a dim Militärbsuechstag in Sion gsi. Ich han de Tag mega gnosse und es isch sehr interessant gsi zgseh was ihr so alles lerned. Du bisch zu mim Stolz zemme mit nur 13 andere Rekrute usgwählt worde zum mit em Super Puma Helikopter zlande (de Höhepunkt vom ganze Tag)🚁. Dur de Bsuechstag isch dis Wuchenend und eusi gmeinsami Ziit bsunders churz gsi. Trotzdem hemmer s wunderschöne Früeligswetter gnosse und sind am Suuntig sogar no uf em Golfplatz gsi❤️

14 March 2018

Obwohl mir jetzt vil nöcher bi enand sind als wo ich no am Reise gsi bin. Isch es jede Suuntig ufs neue e heruseforderig dich gah zlah❤️ Jedi Stund wo ich nöd mit dir chan verbringe chunt mir unnütz und unbedütend vor. Trotzdem isch es jedi wuche ufs neue schön gseh das mir eus nöd vo enand enferned sonder nur no nächer zemme wachsed und stärker werded. Und jede Tag freu ich mich scho uf dis Lache und dini ufgstellti Persönlichkeit am Wuchenend😘⭐️ Mit dir wirds eifach nie langwilig☺️

9 March 2018

Und den nach zwei Mönet hend mir eus endli wieder chöne id Arme neh❤️ Du hesch extra en Jokertag gno und mir hend es ganz en langs Wuchenend gha. Ich lieb dich sooo sehr😘

23 January 2018

Churz druf abe bisch du is militär und mir hend zwei mönet lang so hüüfig wie mögli aber gliich vil zwenig mit enenand telefoniert.

4 January 2018

Hüt sind d Sibylle und ich uf eusei grossi und langi Reis nach Australie und Neuseeland ufbroche. Ich bin scho sehr truurig gsi das ich dich jetzt so lang nöd gsehne.

31 December 2017

Am 31. bisch du bi eus gsi für Silvester und mir hend en feine Znacht gha und den verusse agstosse. Leider bin ich gar nöd zweg gsi (Grippe und so😷) trotzdem isch es wie immer mit dir en schöne abig gsi❤️

25 December 2017

Hüt simmer am Wiehnachtsfest vo de Familie Styger gsi. Das Mal sind no alli Partner vo eus Junge au mitcho und dur das simmer no meh Lüüt gsi wie sowieso scho. Mir hends mega lustig gha und de Abig isch mit werwölfle, esse, gschänkli verteile, singe und schwätze uu schnell umegange☺️🎄

23 December 2017

Am Tag vor Wiehnachte isch de Luca vo Australie heicho. Drum hemmer sini Akunft grad mit de Wiehanchtsfiir zemmegleit. Alli sind da gsi sogar d Vivianne. Es isch mega cool gsi mit allne zemme zfiire❤️

27 November 2017

Obwohl du nöd gern Schlittschüendlisch bisch du mit mir uf d Iisbahn im Dolder und nachher uf de Wiehnachtsmärt cho. Ich wet zwar das du nei seisch wenn du öppis nöd wotsch aber trotzdem isch es schön wenn du mir zlieb öppis machsch/bi öppisem mitchunsch wo dir nöd so spass macht❤️

21 November 2017

Spazirgang ufd Lägere im Winter. Und wie mer gseht ghörsch du scho richtig zur Familie dezue. Es isch schön gseh das mini Familie dich so guet ufgno het und so gern het☺️

22 October 2017

Für es paar Täg sind mir im Oktober mit dine Eltere uf Mallorca id Ferie. S Hotel isch mega toll gsi und grad direkt am Strand. Immer wieder isch es toll zgseh wie eifach und schön alles mit dir isch. Ferie sind natürlich immer toll aber au im Alltag weiss ich jede Tag zschätze❤️

4 October 2017

Filmfestival Zürich 2017 Wel de Paps Tickts vo Dataquest fürs Züri Film Festival kriegt het aber nöd het chöne gah (Luca isch uf Australie gfloge) hend mir zwei dörfe gah. Es isch en ganz en tolle Abig gsi und mir hends sehr gnosse. Au wenn du sehr müed gsi bisch wel du de ganz Tag hesch müesse schaffe☺️❤️

27 August 2017

Mit dir han ichs eifach immer Lustig 😉❤️

18 August 2017

12 Sache wo dich für mich zu öbbis bsundrigem mached (für jede Monet eis) 1. Dini Ehrlichkeit 2. Dini wunderschöne Auge 3. Dis Lache 4. Das du mich gern hesch so wie ich bin 5. Das du mir so vil avertrausch und verzellsch❤️ 6. Dini Spontaität 7. Din Ifallsrichtum und dini tolle Idee 8. Das ich mit dir so vil Spass chan ha 9. Das mir au mal Chindisch chönd si😋 10. Dini Kompliment (weli Frau mag das scho nöd)😉 11. Das mir über alles chönd rede unds kei tabus git❤️ 12. eifach alles a dir ☺️

17 August 2017

Züri Zoo ameme Wuchenend eifach wel mir Lust gha hend. Genau das schätz ich so a dir dini Spontaität und das mit dir sogar de Züri Zoo (wo ich scho so guet känne) zumeme Abentüür wird. ❤️ Danke das du mir jede Tag wieder zeigsch das s Lebe au im Alltag chan mega cool gsi😘

1 August 2017

Ich bin mit minere Familie i de Summerferie im Tessin blibe und du hesch leider wieder müesse go schaffe. Über de 1.August bisch aber wieder abecho und mir hend es wunderschön Fest mit minere Familie uf de Piazza in Moghegno erlebt. 🇨🇭 Natürlich wie jedes Jahr mit Lughanige und Risotto☺️😊

4 July 2017

Afangs Juni simmer ganz elei zemme isch Tessin is Rustico und ich chönt mir nüt schöners vorstelle. Obwohls nur es Wuchenend gsi isch, isch es unglaublich gsi. Vorallem wel mir s Tessin so vil bedüdet und zgseh das es dir det au guet gfallt het mich no meh defo überzügt das mir zemmepassed❤️

16 June 2017

S erst Mal elei id Ferie simmer für vier Täg uf Hamburg. Es isch wunderschön gsi de ganzi Tag immer nur mit dir zsih. Mir hend mega vil erlebt und ich han d Ziit extrem gnosse.

11 June 2017

A de Firmig vo minere Schwöster hesch du s erst Mal en Teil vo minere Verwandschaft (wo riesig isch wie du weisch😂) kenneglernt. Usserdem schätz ichs extrem das du au a mini Familiealäss mitchunsch❤️ Du bisch übrigens bi allne super acho😉

9 June 2017

Immer meh und meh hend mir eus kenneglernt und uu vil Gmeinsamkeite gfunde. Ich seg nur Pizza Hawaii und Sushi 😉 Usserdem han ich dich mit jedem Tag meh liebe glernt.

24 May 2017

Natürlich hemmer unzähligi Stunde mit sms schriibe und telefoniere verbracht. Ab und zue während minere Schuelziit und fast jedi Minute dezwüsched. Naja d Matur bestande hani ja trotzdem🙈

20 May 2017

Am Samstig druf bin ich scho s erst Mal bi dir dihei gsi und han dini wundervolle Eltere dörfe kennelerne. Mir hend es wunderschöns Wuchenend gah😉 Wiederemal isch es mir vil zchurz vorcho.

17 May 2017

Uf Once hemmer eus kenneglernt und es het sofort gfunket. Stundelang hemmer mitenand gschribe. Churz druf abe, genauer am 17. Mai hemmer eus ganz spontan in Züri troffe. Und es het bi mir igshlage wie en Blitz. Dini Auge hend mich d Ziit vergesse lah. Ich weiss no das mir ewigs gschwätzt hend und den irgendwenn hend müesse gah zum euse letst zug verwütsche.☺️ Fast täglich hemmer eus drufabe gseh😉