United States of America · 91 Days · 22 Moments · January 2018

Vero Beach 2018


4 April 2018

Es gaht em Endi zue... Umso meh gnüssemer die unvergessliche Barbecue Nights mitere Traumkullisse 😍

31 March 2018

Bevors ad Bundesamt Checkflüg gaht, hemmer s‘verlängerete Osterweekend gnutzt um namal nach Miami Beach z‘fahre 🏖🍸☀️ Ufem Wäg in Süde hemmer namal en Shopping Stop i de Sawgrass Mall in Faurt Lauderdale ihgleit. D‘Kreditkarte hend nume na so glüeht 🙈 Nebste guete Strandtäg, feinem Esse hemmer au es paar gueti Tröpfli bis id Nacht ine drunke 😁 Mit meh feine Sandwich vom beste Lade in ganz Miami Beach hemmer eus wieder uf de Heiwäg gmacht.

24 March 2018

Melbourne Airshow 🛩☀️😎 Nach dem doch ahstrengede Layover mit viel Program hemmers am Samstig chli ruehig gno und hend eus mit em Campingstuehl ad Melbourne Airshow gsetzt 😁 Sone 🇺🇸 Airshow strotzt vor Patrioismus und Action. Einiges meh erlaubt an Manöver als in Europa.

21 March 2018

Key West Classtrip 🎉 Mit 6 zweimotorige Seminoles simmer für 3 Täg uf Key West gfloge. De ersti Layover i eusere Karriere 😅 Am erste Abig simmer zünftig go Fäschte. De freii Tag hemmer z‘vierte gnutzt um im Pool die ersti PADI Scuba dive session z‘neh. Am nammitag hemmer de all ufem Boot troffe und sind anes Riff use für zwei Tauchgäng. Die wo kein Schii gha hend zum tauche hend gschnorkled oder gsünneled. Leider isch s‘Wasser sehr ufgwüehlt gsi wäge zünftige Winde a de Täg vorher. Trotzdem es mega erläbnis gsi! Namal guet gässe und de isches am negschte Tag an Rückflug gange.

16 March 2018

Als Geburigschenk für de Malek simmer am Friitigabig uf Orlando düsed und hend eus es wiiters Basketball spiel ahgluegt 🏀 😀 Spiel isch leider ned de Wahnsinn gsi, defür de Usgang in Orlando umso meh 🤪

3 March 2018

En Wuche befor mer s‘NASA Space Center go ahluege sind, simmer na selber uf 150m über die 5 Kilometer langi Space Shuttle Landebahn gfloge 😃 De Bsuech vom Museum isch mega Ihdrucksvoll gsi 🚀

26 February 2018

Alligator Tour bi Traumwetter 😃☀️🐊 8-Zylinder Lycoming mit 440hp 😍

25 February 2018

Florida Lifestyle

24 February 2018

Wiisee Sand, Palme, Welle und es Surfboard ☀️🌴🏄‍♂️ Ziit zum Entspanne - Weekend

20 February 2018

Start vo de Instrumenteflug Phase. Leider chömmer jetzt d‘ussicht nüme ganz so oft gnüsse, da mer wemmer ned innere Wulche sind, meistens e sones tolls Hüettli uf ha müend... En wiitere Nachflug sowie cooli Airports, wie Orlando da, mached eifach Bok uf meh 😁

18 February 2018

9 February 2018

Phase Check 1/3 ✅ Am Friitig hemmer alli de ersti vo drü Checkflüg gha. Bi dem isches um reine Sichtflug gange. Alli hend zum Glück bestande. Negscht Wuche gahts mit meh neue Kapitel wiiter, Instrumenteflug. Also nümm nach Sicht mit useluege, sondern rein mit de Instrument und dur Wulche, Nebel und so wiiter durre.

6 February 2018

Di einte hend s’glück gha de ussergwöhnlichi Space X Falcon Heavy start vo de Luft us z‘gseh. Mier wo scho gfloge sind, sind defür an Strand in Sebastian gfahre und hend vo det us de Start verfolgt. De ahgfresseni Manu isch sogar bis zum Cape Caneveral ufegfahre und heds vo ganz nöch verfolgt. Ihdrücklich!

4 February 2018

Super Bowl Time 🏈 Selfmade outside Public viewing mit Pizza, Chicken Wings, Donuts und Bier 🍕🍗🍩🍺 Was will mer meh 😁

1 February 2018

540 km Navigationsflug während 4:30h quer durch Florida ad Westküste nach Marco Island und denn uf 150 Meter über Bode am Strand entlang 😁😎 Wunderschön die Wasserverfärbige. Villa à Villa reiht sich da am Venice Beach entlang mit jedem sin eigene Bootsplatz.

22 January 2018

Erstii Nachtflug! 😍 was für es Erlebnis 😃 All die Liechter vo de Stadt und au im Cockpit sind überwältigend, sodass schnell eh mal vor luuter stuune und gnüsse en Check vergesse gange isch 😬

21 January 2018

🌴 Ganz passabli Erholig am Strand 😎🌴☀️🏐 🚀 Für en Nasa Rocketlaunch simmer am Friitigabig extra nach Melbourne gfahre. Imposant wie so en Füürball plötzlich im All verschwindet! 🍖 Fett Sparibs esse derf in Amerika natürlich ned fehle 😁 Ansunste hemmer eus scho guet in 🇺🇸 ihglebt und benutzed natürlich nur na Drive throughs 😉 sogar zum Geld abhebe😂

19 January 2018

Ersti Wuche Flüge in Vero Beach isch wie im Nu vergange. Gstartet hemmer mit Basis Manöver um de Flüger kenne z‘lerne. Denn isches zum Landetraining gange und endi Wuche hemmer scho de ersti Navigationsflug quer durch Florida vor Ost- zur Westküschte gmacht, nach Fort Meyers. Uf dem Business Airport simmer mit em Golfchäreli abgholt worde und hend Free Hotdogs 🌭 und Getränk gnosse 😄 En Flugtag startet eppe so: 0500 Wecker 0600 Briefing vorbereite 0700 Briefing mit Fluglehrer 0800 Start 1. Flug Wenn denn jede i de 3er Gruppe en zwei Stündige Flug hed chan sich de Tag schnell bis am 6i am Abig zieh. So simmer alli au biz froh uf s‘weekend gsi, zum eus wieder z‘erhole ☺️ Negscht Wuche wird de Rhythmus umgstellt und mer Flüged ersch am Abig bis spaat id Nacht für die ersti Nachtflug Erfahrig 😍

14 January 2018

Di ersti Wuche isch trotz ohni Flüge wie im Flug vergange ^^ Procedures, Checks und Amerikanische Verfahre hend zur Bett- und Strandlektüre ghört ☀️🌴😎 S‘erste Barbecue mit de Fluglehrer zeme hed richtig Bok uf meh gmacht 😀 Barbecue mit Blick uf de Sunneuntergang und eusi Flüger 😍 Mier sind sowas vo Ready für Take-off 👨‍✈️🛫

8 January 2018

Am Samstig simmer mit Mietautos vo Miami nach Vero Beach gfahre. Die knapp 3h Autofahrt hend mier mit eme Shopping Stop i de Outlet Mall vo Palm Beach unterbroche 😁 Nach em Bezug vo de Zimmer hemmer eus zersch emal es kalts Bier am Indian River gönnt. De Sunntig hemmer hauptsächlich dazu benötigt um neui Mietautos für die Ziit in Vero Beach z’organisieren und um eus mit em Grundbedarf izdecke. Am Mäntig isches de entlich sowiit gsii und es isch losgange mit allerlei Infos und Materialusgab. So wies usgseht werdemer leider ersch next wuche id Luft cho. Bisdahin gilts alli Regle in Amerika z‘lerne sowie d‘System vom neue Flüger. Für gnueg Lesestoff isch gsorged 🙈

5 January 2018

„Welcome to Miami“🎵 Bevors nach Vero Beach gaht luege mier eus na es biz de South Beach von Miami an. Traumhafte Bilderbuech Strand mit klischeehafte Muckibude und co En bsuech binnere amerikanische Sportverahstaltig derf natürli ned fehle. En riiise Sause das NBA-Game Miami Heats vs. New York Knicks.

4 January 2018

Off to Florida 🇺🇸 Starchi westliche Wind zwinged zu enere extrem nördlichen Route und enere lange Flugziit vo 11 Stund. En Besuch im Cockpit hed spannendi Ihblick über s’Nordatlantik Crossing vo Irland nach Goose Bay geh :)