North America · 22 Days · 142 Moments · September 2017

24 September 2017

Vancouver - Frankfurt umstiege nach Züri Kloten. Alles isch guet gange, si glücklich u müed vom lange reise wieder ir schönä Schwitz acho. Angela, Seline, Patrick u sogar d‘Elyza erwarte üs am Flughafe. So schön😘😃‼️ Hei ä schöni Reis i Kanada dörfe erläbe zäme mit dr Therese u äm Heinz. Danke Heinz fürs Organisiere, het super klappet😃

23 September 2017

Üse Jumbo nach Frankfurt steit parat.

21 September 2017

Allerlei wo üs hüt ir Stadt begägnet isch.
Ä Standuhr, wo mit Dampf atriebe wird. Einzigartig!! Au halbi u ganzi Stund wird mit de Pfiffe obedra ä Melodie gspielt.
Das isch der Tower vo unge.
Mit em ne Lift cha me uf nes Hochhus. Dr Lift fahrt usse ar Fassade höch u het vorne Glas. I ha weichi Chnöi übercho, aber dobe isch dr Usblick eifach grandios‼️
Nach em ne Bsuech ir ä Art Markthalle, fahre mir mit en ne Wassertaxi uf die angeri Site vor Bucht.
Mir si guet wieder z‘Vancouver acho. Zum Schluss vom Tag ä wunderschönä Sunneuntergang am Meer🌅

20 September 2017

No ä churze Halt ire Lachszucht. Ä Fischreiher wartet o uf ne unvorsichtige Fisch.
Capilano Suspension Bridge, dr Stöffu u dr Heinz si drüber gwanderet. Mir isch das viu z‘höch u si schwankt rächt hin u här.

19 September 2017

Dr letscht Abschnitt vor Rundreis vo Squamish nach Vancouver. Mir haute bi de Shannon Falls. S‘het weni Wasser s‘het drei Monat nie grägnet.
Üses Zimmer u äs feins Znacht in Squamish.
Voilà, da si d‘Olympiaringe!
Ä Spaziergang dür Whistler, Olympiastadt vo 2010.
U jetz chömä mir nach Whistler, so ähnlich wie Gstaad.
Äähh, was isch de das?? Ä Kojote het uf dr Strass öpis zum Frässe gfunge. Ä tolle Schnappschuss vo mir👏‼️
Das isch di ältisti Holzbrügg no vom Goldrausch noche. Si isch nüm befahrbar. Ab 2013 het aube ä Seeadler u'oberst gnistet. Si hei ne mit ärä Kamera beobachtet.
Vo Cache Creek bis Squamish sis öpä 230 km, dr vo mind. 100 km Canyon dür d'Rocky Mountains, nume Bäum, Strücher, Wasser u Bärge, aber schön isch äs😲😃

18 September 2017

U scho isch alles wieder öd u dürr. Äs isch nume dört grün, wo gwässeret wird oder bi Golfanlage.
Langsam hets weniger Böim gha, oder de grad grossi Fläche verbrönnti.
Mir si i ungerwägs nach Cache Creek, zersch wieder dür dicht bewaldets Gebiet. Mir begägne wie immer sehr vilne, zum Teil sehr schönä Trucks🚚

17 September 2017

Hüt simer am Golden Rush Trail entlang nach "100 Mile House" greist. Äs het vili Farme, Fälder u Chüe. Äs isch sehr usdrochnet. Alles wo nid bewässeret wird, isch dürr. Äs isch sehr windig, bedeckt u het du afo rägne. Isch ke schöni Ortschaft hie.

16 September 2017

Me gloubs fasch nid, dr Stöffu isst hüt zum Znacht Königskrappen-Beine us Alaska. U si si fein u zart gsi, fasch nüt g'fischelet. 🦀
Dr Stöffu het sis nöchste Auto gfungä😂😂👍
😲Bim zrüggfahre ändlich doch no ä Schwarzbär 🐻‼️Dr Heinz het ne bim Verbifahre gseh ufegüggele, dr Stöffu het hurti brämset u kehrt u scho isch är über d'Strass gsprunge u hurti uf dr angere Site im Wald 🌳 verschwunde. Bi scho chli stolz uf mi, has trotzdäm gschafft ne z'fötele.
....o ä Zahnarzt, Damechleider, Golddchmelzi zum Barremache, Sagerei, Wasserpumpi u Apotheke
Ä Kutsche hets natürlich ou.
Usflug 80 km nach Barkerville. Dr Billy Barker het dört 1862 Gold gfunge. När isch äs losgange mit äm Goldrausch. Bakerville isch ä Zytlang die grössti Stadt nördlich vo San Francisco gsi. Jetz cha mes go luege, si hei dört über 125 historische Gebäude so bis öpä 1930.

15 September 2017

Spaziergang dür Quesnel u üses Zimmer.
Am Morge no näblig, d'Sunne drückt. Ä Isebahnbrügg über ä Fraser-River.
So mir gö gstärkt u motiviert wieder uf d'Reis Richtig Quesnel, hüt nume öpä 150 km.

14 September 2017

Uhh, ä uralte Wald mit Zedere wo zwüsche 1000 u 2000 Johr alt si. Mir si begeisteret, isch sehr idrücklich. Döu Böim si mit Flächte übersäjt. Hei!! Äs gseht us wie i de Hobbit-Filme😲😳
S'Kafi si mir im nächste Dörfli Mc Bride am Bahnhöfli ga gniesse. Ihre Mäjestet Queen Elisabeth wird hie o gliebt.
Gradus, gradus u no einisch gradus.... km um km, u de hei mir no bim ne Schwitzer-Bäcker zuche gha. Leider macht är grad ei Monat Ferie. Do si mer haut go picnicke😋
Dr zwöit Haut hei mir bim ne Wasserfall vom Fraser-River gmacht. Dr Fraser-River fliesst in Vancouver i Pazifik. D'Lachse schwümme dä z'düruf, bis zu däm Wasserfall sis bereits öpä 1300 km. Bäre chömä hie cho fische. Leider si d'Lachse scho verbi u äs het keni Bäre😐
Hüt geits witer bis Prince George, das si mindestens 370 km. Dr erscht Haut mache mir bim Mount Robsen, dr höchst Bärg i de 🇨🇦 Rocky Mountains, 3954 m höch🏔
Dr Stöffu u dr Heinz si am Morge go Gipfeli hole. So nä Zufau, dr Rocky Moutaineer isch grad am Bahnhof u Care vou Lüt si zuche gfahre. Das isch de föidau, rote Teppich zum Istiege u Panoramawäge. Die si jetz mind. ä Tag lang ungerwägs nach Vancouver.

13 September 2017

Äs warms Kafi wär jetz toll. Mir gö i Jasper Park Loge, wärde vo friedliche Bäre empfange.
Dr letscht Abe in Jasper...wunderschöni Stimmig😃
Ab de vieri findet ä Herbstmärit ir Curlinghalle statt, mou go luege... Näbedra isch natürlich no d'Eishockeyhalle u vor dr Halle si alle Pockäl usgstellt. Hockey isch mega wichtig!!
Das si Eichhörnli Winterwohnige. Die grabe sich Höhline i Bode. Ringsume hei si Tannzäpfli ghortet. Dr Winter cha cho.
Spure vo Bärekralle a de Boumstämm. Was luege di ömu o alli opsi?? Ahhh ä junge Adler hockt zoberscht uf em ne tote Boum. Uf em Foti mit em Natel gseht me ne nid guet.
Üsi Gastgäberin d'Lydia Edwards het üs hüt um ä Lake Annette gführt. Das isch ä Wäg wo meist nume die Iheimische kenne. Näbedra isch dr Lake Edith, dört hei betuechti 🇨🇦 schöni Blockhüttene. D'Lydia het gseit, dass sälte eini Witerverkouft wird u wenn de für über ei Million. Äs blost ä isige Wind, ir Nacht hets d'Bärgspitze beschneit.

12 September 2017

Wieder zrügg in Jasper, si mer no go Wy chouffä fürs Znacht. Lueg emou di lustigi Schoufänsterpuppe a😂😂u nä Stuhl us verschiedene Äst. Gseht mega guet us.
Z'hingerst im Tal hets ä Hot Spring (heissi Schwefelquelle). Me cha dört o wieder im ne Bad 20 Min. Go bädele... wärs ma verliede. Äs isch nämlich 40 Grad heiss u äs stinkt grauehaft nach verfulete Eier 🤢. Mir si bis zur Quelle hingere glüffe u hei se agluegt. Drilänge isch nid empfehlenswärt...viu z'heiss u äs stinkt😷Näbedra hets o no Löcher, wos usedampft.
Bim witergahre hei mer de ä Gruppe Big Horns gseh🐏
Mir stöbere dört chli i de Büsch u im Sand ume. Ha ne tote agfässene Hecht im Gebüsch gfunge. Wär het äch dä gfange?? Bär oder ???
Am Nami si mer wieder ungerwägs i nes anders Tal. Am Athabasca River (Fluss) hets schöni Sandstränd.
U plötzlich stolziert us em Dickicht use dr Platz-hirsch. Ä prächtige Hirsch mit em ne Gweih, mir gloubä mit 18 Spitze. U är git grad sofort dr Tarif düre, so dass mir alli wüsse, das si sini Wiebli. Är röhred fei chli, äs isch äuä scho gli Brunst-Zyt🦌
Juupii!! Bir Dorfifahrt nach Jasper grase gmüetlich äs paar Wapitis (🇨🇦 Hirsche). Etlichi Auto haute a, mir nätürlich ou. Die lö sich nid la störe u mir chöi schöni Föteli mache.... doch no ä paar Tierli😃
Auso geschter si bi de Seen, bi de Haltestelle aubä Cars voller Japaner oder Chinese acho. Die si usgstiege u de isch äs mit Lärme, umeschreie, lut lache u fotoshootings bis zum geht nicht mehr losgange. Chöit euch vorstelle, ob da no äs Tierli ir Nöchi blibe isch?!? Auso si mir hüt am Morge scho am 6si losgfahre.... de si mer de sicher allei u gseh öpis.... hei mer gmeint!! Hei sogar no äs Kafi to go us dr Bäckerei mitgno. Nüt isch gsi, nid emou ä Chräje het sich zeigt. Auso gö mer haut wieder hei gö zmörgele🥐🍯☕️

11 September 2017

U z'letscht gniesse mir no d'Maligne Schucht. So das längt für hüt, mir fahre retour nach Jasper.
U witer geits zum Maligne Lake. Zwüschine gniesse mir eifach Natur u ruhe ä chli us.
😲 u plötzlich gseh mir öpä 200 m vo üs entfernt ä Moose (uf bärndütsch Muus), das isch ä kanadische Elch. Äs isch äuä ä Sie, het nämlich kes Gweih. Nimmt gmüetlich ihres Morgebad, frisst Seegras u när verschwindet sie wieder im dichte Wald.
Go wandere zum Moose Lake dür wunderschöni Wälder, dr Bode oft mit Moos voll bedeckt. Eifach schön😃
Usflug 30 km is Maligne-Tal. Sehr vili Seen. Das isch dr Medicin Lake. Im 2015 hets wägem ne Blitz rundume brönnt. Me hetz lö brönne, het keni Wohnsidlige bedroht.

10 September 2017

Endlich äs Kafi! Grad nebem Indianertotem.
Dr Stöffu het im Harley-Lade ä nöiä Helm gfunge, 😂
Jetz no shoppe in Jasper. Die hei scho Wiehnachtszüg🎅🏻
Grösseri wildi Tier hei mer no nid gseh, nume usgstopfti.
Das isch Recycling. Die alte Hockeystöck für nes Bänkli brucht.
U näbe dra dr Patricia Lake.
Chli go loufä am Pyramid Lake. Mis Glöggeli isch drbi👍
So mir si usgrüschtet für ne Trip id Wildnis. Ds Glöggeli, das üs nid aui 🐻 nocheloufä😂😂... isch ke Witz, wird sehr empfohle
Ä sehr schönä Morge, isigchaut. Mir gö im Dorf go zmörgele. Ha dr liebscht Bär vo Jasper troffe, hihi😂

9 September 2017

Ä super schöni Wohnig, sogar mit ämne Wöschturm. So chöi mer de mau üsi Chleider wäsche.
So mir si glücklich i Jasper acho. Das isch s'Hus vo Fründe vom Therese u äm Heinz. Sie isch 🇨🇭u het vor Jahrzehnte ä 🇨🇦ghüratet. Si vermiete i ihrem Hus ä Feriewohnig u äs Zimmer mit Bad.
No viu ä grössere Wasserfall.
Die drei Natinalpärk Kooteney, Banf u Jasper hei zäme ä Grössi vo 20'484 Km2, das isch definitiv grösser als di ganzi 🇨🇭‼️
Ä gwaltige Wasserfall
Columbia Icefield, uf 2000 m 6 Grad u Räge. Ha mi Chappe drbi👍😊!!! Do gsesch ä Usläufer vom gröschte Kanadische Gletscher. 🇨🇦führe Touriste mit Busse zum Gleschter u nähr mit Gletscherfahrzüg ufe Gletschter.
Si hüt morge am 9ni fahre mir jetz durend dür Nationalpärk. Km um km, bis uf Jasper wärdes de 360 km si u Jasper liegt immer no im ne Nationalpark.
Ä heissi Tomatesuppe für mi u äs rassigs Chili con carne für ä Stöffu😜u natürlich no chli im Lade umeschnöigge.
Bow Lake, mir hei ä Pause verdient. Äs het äs schöns Blockhus (Loge).
U jetz rägnets🌧
am Lake Louise hätte mir eigentlich wöuä Usstiege u Fötele. Het aber keini Parplätz meh gha, si hei üs alli wieder wäggwiese. S'Schlössli (Hotel) hani hurti verwütscht. I däm residiere aubä üsi 🇨🇭Skifahrer, we d'Renne si hie.
Do hets brönnt. Di alte verbrönnte Bäum u am Bode spriesse zu tusige jungi Bäumli. Äs git ä Sorte Tannzapfe, die bruche Feuer, damit si sich chöi öffne u d'Same usegheie. So reglet das d'Natur. Eifach genial👍
Kootenay Natinalpark, nächhär Banff Natinalpark: hie einigi Idrück

8 September 2017

D'Sunne geit langsam unger. Üse Blick vom Balkon. Wei grad ä Pizza ässe. So schön😃☀️Morn geits de witer nach Lake Louise nächhär nach Jasper
Das isch s'Bad vo Radium Hot Springs. S'Wasser chunnt mit über 50 Grad usem Bärg use. Im Bad isches de no öpä 38 Grad. Me darf höchstens 20 Minute drin bade. I bi dri u nach ere längi grad wieder drus... viu z'heiss für mi. Mi Puls het grad afo rase🙄Di andere heis gnosse, aber astränge darfsch di nid, süsch schwitzisch grad😅Dr Räscht vom Nami hei dr Stöffu u i chillet, morn hei mer ä längi Strecki vor üs🚗
Nätürlich hets o no Golfer mit ihrne Elektroautoli... loufä isch hie nid Trumpf. Für jede Meter äs Auto näh...mmh, das Auto chiem äuä bi üs nüm düre Tüff😳😂😂
Sogar freiläbendi Turkeys (Truthühner) tummle sich hie zwüsche de Golflöcher ume....
Ui, Bighorns si hie nid ängstlich. Me gsehts se überall uf em Golfplatz u o im Dorf.
Hinger üsem Hotel isch ä grosse Golfplatz, super schön gepflegt. Mir gö mou chli go spaziere.
Das isch am Hotelchef sis 🚗😂😂 , damit är uf em Hotelareal jo nid muess loufä?

7 September 2017

Geburi-znacht uf üsem Balkon😋😋
So, jetz chöi mer mit Schämpis astosse🎉
Et voilà, scho hei mer ä Suite mit Wohnzimmer u Chuchi u Balkon mit Grill, yipppyy ei ei!!! Das isch Musig👍😜Am ne Geburi vom Stöffu wohne mir sicher nid im Underground🎉
Mir si nach 360 km i Radium Hot Springs acho u hei üses Zimmer für 2 Nächt bezoge, im UG, wenn zum Fänster useluegsch, gsehsch ä Steiwand😮Aber nid mit mir.... sofort äs Upgrade ga mache😜
Äs paar Idrück vom Rogerspass. Dört darf me nume i Gruppe vo 4 i Wald u muess viu Lärm mache, süsch chönnt si, dass ä Bär Appetit uf di überchunnt🐻🐻
Chum ufem Rogers-Pass acho, hei mir scho die erste Uriwohner atroffe mit guldige Hose...😂😂
Mir hei gmeint dr Stöffu wöu doch sicher ä Geburitorte.... aber nei är wott lieber äs Big-Sandwiche😂😂Häppy Börsdey Schätzu🎉😘
Verirre chasch di o nid, jede Gang isch agschribe
Ichoufä im ne grosse Food + Moor Shoppingcenter. Dr Stöffu het gluscht uf Mandle
Stromleitige à la 🇨🇦
Ä Teil vom Güeterzüg. Die chöi bis zu 4 km läng si. Wet muesch warte am ne Bahnübergang chasch grad no ä Rundi pfuse😳😴
Üses Navi het üs informiert: "Bitte nach 147 km links abbiegen"!! 😂😂😂😂

6 September 2017

Dr Heinz het für alli wöuä Rotwy bstelle. 9 Unze isch sicher öpä ä Fläsche😉 1 Glas isch cho... mir hei müesse noche bstelle😂😂😂
Seline, mir hei o Ente gfunge😃
Wau!! Üses Zimmer i Salmon Arm👍
U no äs paar Föteli rund ums Hotel
Hei, i säge euch!!! Äs paar Holzpress-Spanplatte u scho steit fasch äs Hus fertig am Bauplatz. Damit's chlei nobler usgseht, wärde de no künstlichi Fassadeverzierige usse akläbt. Gseht när sehr guet us, aber ebe....wie lang???
Äs git Wohnmobils, die si fasch grösser als üsi Wohnig u de hets wäuts grossi Trucks eine nach em angere u eine schöner als dr vorder. Dä Ton ..... ghörsch auso ä so nie ir 🇨🇭
Mir gö am Strosserand go Frücht ichoufa fürs Picnic. Äs het Früchtständ am Loufmeter u alles gseht gluschtig us😋
Wägem Rauch ir Luft gseht me fasch dr Ungerschied vom Wasser zum Himmu nid😕
Ungerwägs am ne 100 km länge See entlang. Isch wie im Vintschgau oder Moschtindien, sehr sehr vili Obstplantage. Die gedeihe nume, we si durend bewässeret wärde. Näbe dra isch aues dürr u gseht us wie ir Steppe.
Am Morge früh mou gmüetlich äs Kafi u ä Pfifä am Strand. När geits de los vo Osoyoos nach Salmon Arm, öpä 300 km. Isch auso ä Reisetag. Leider trüebt immer no dr Rouch vo de Waldbränd üsi Ussicht. Üses Auto isch ganz pudderet vor Äsche u äs schmöckt nach Rauch🔥 Mir hoffe äs wärdi ungerwägs besser?? D'Sunne chunnt so o nid rächt zum Zug

5 September 2017

Äs isch jetz 21.00 Uhr u bereits fischter. Hocke duss uf em Balkon u gniesse dr Abe mit dere Ussicht uf ä See.
Kalbsrahmschnitzli für mi u Angus-Filet für ä Stöffu u o ar Therese u am Heinz schmöckts guet. Hei ä guete Tip für nes Restaurant übercho....si nid enttüscht. Sehr nätti Lüt u super kochet🍲
Uff, 60 km zum Walmart u wieder zrügg. Für ne Ami absolut nume ä Chatzesprung. Hei sowieso fasch alli ä Pickup. Jetz hei mer doch äs Gläsli Wy verdient, oder? Si go degustiere in Osoyoos🍷
Shopping, aber wo??? Mir hei ä chline Tripp über Grenze id USA gmacht 🇺🇸Bi no nie so genau prüeft worde bim Grenzübergang wie hüt... alli Fingerabdrück u no äs Fotoshutting, äs doppelsitigs Formular... Jo ke g'Spass, si si Fan vom Mister President
Ä mega, mega grossi Märklin-Anlag😳 Fans hei Träne i de Auge vor Fröid. Mir hei mindistens ä Stund brucht zum alles aluege👍Über 25'000 Mönscha-Figure wo höchstens 1,5 cm gross si. Mir si nüm usem Stuhne usecho = Desert Model Railroad
Dr Spottet Lake, vili rundi Ougä. Wärde vo Bakterie so gmacht u si lüchte je nach Wätter u Jahreszyt i ganz verschiedene Farbe, aui Blautön, Grüntön, ...
Grad fertig mit zmörgele😋Ha ä Pancakes-Maschine usprobiert. Früsch zubereitet mit Ahornsirup drüber. Äs Erläbnis😂

4 September 2017

Mir hei übrigens Vollmond, gseht dupf genau glich us wie deheim. Liebi Grüess a alli😙
So jetz heimer aber Durst!!! u Hunger. Black Angus für 25 Dollar u Lachs für mi. Mmmh isch sehr fein gsi. Guet Nacht bis morn.
Üses Hotel liegt zwüsche zwene Seen. Wunderschöne Strand, morn go bade?!
S'het viu Rauch ir Luft vo de Waldbränd, so dass z'Sunne nume no orange lüchtet.
Ha scho viu lieber üse Hyundai Santa Fee. Isch bequem, Automat, KLIMAANLAGE!!! U süsch no ä hufe meh..
Nach üppige Wälder isch äs plötzlich dürr worde u sehr troche. Mir chöme zur wärmste Zone vo Kanada = Osoyoos 34 Grad warm.
Näbem Ford no äs Museum mit alte Fahrzüg.
Gäns si uf em Menüplan gsi
Dr Stöffu u dr Heinz hei Gold gsuecht, ... vergäbens😕
So hei si gläbt. Fasch wie Ballenberg bi üs.
Nach öpä 100 km s'erste Zwüscheziel. Ä Handelsstützpunkt ab 1858. Isch via Nordcap mit Schiff ab England belieferet worde. Äs Ford wie us alte Western-Filme.
On Tour....
So jetz Eggs Sunnyside up u Rösti zum Zmorge. Das git Chraft u Saft uf ä Wäg
Äs isch haubi achti am Morge. Go vor äm Frühstück schnäu a Strand. Ha nöi Fründe gfunge...si mega lustigi😃

3 September 2017

Unser Hotel liegt am English Bay Beach. Heute haben wir einen Teil des Stanley Park erkundet. Der liegt auf einer Halbinsel umrahmt vom Pazifik, ca. 400 ha gross. Er war einst Jagd- und Lebensraum der Squamish-Indianer, voller grosser, alter Douglasfichten, Helmslocktannen und Zedern. Ein Paradies für Velofahrer, Jogger, Inlainer, Wanderer, .... Im Park befindet sich das Vancouver Aquarium Marine Science Center, Kanadas grösstes Ozeanarium mit über 60000 Tieren aus allen Weltmeeren.
Äs paar Idrück vo Downtown u äs Kreuzfahrtschiff wo de wieder Richtig Alaska fahrt, leider ohni üs
Sonnig! 26 Grad, keis Lüfli, mindistens 14'000 Schritt gwanderet u zur Belohnig äs Canadien🍻 u jetz de ab id Happy Hour 🍹Das si ebe Ferie‼️
Ä Zedere, di steit äuä scho äs paar Jahrhundert dört.
Wunderschöni eleganti Quallen
Ha no nie ä Anaconda gseh, wo so aktiv isch gsi. Idrücklich, gottlob hinger dr Schiebe😮
Dr Nemo isch haut doch dr härzigst😊

2 September 2017

Am Strand vo Vancouver, 26 Grad, mir si z'warm agleit☀️
Glücklich i Vancouver glandet, üses Flugzüg, ä super Flug gsi, ruhig u ersch no guet gässe, Rösti u Kalbsbratwurst, mmh
Immer no Waldbränd😳
Mout Saint Helen ä Vulkan
Mir si parat für ä Start z'Kloten
üsi Fluroute