Australia · 41 Days · 43 Moments · January 2019

Marco's rally through Australia


27 February 2019

Fürabe. Nachem Flug vo Cairns uf Melbourne bini no 2.5h driftet richtig sùde (im dunkle). Drvo usch di lets hti stung kes einzigs outo in sicht gsi. I bi ufne Farm ines airbnb wo würk abgläge isch gsi, d frou dert wohnt het gseit si sig nid ume, d tür aber offe. u s isch würk gsi wi bi texas chainsaw massacre oder ähnlech wasi vorgfunge ha😂 aber schlafe hani chöne, u überlebt o. Ds isch no 1 h bis zude 12 apostle entfernt gsi woni du früe losbi ga luege. Het geil usgse 🤟 När bini ganz gmüetlech ar great ocean road zrugggfahre, u ungerwegs no paar koalas ga ufsueche. Dr eint hani no vrwütscht bim Ginä 😂😂. När ines motel ir nöchi flughafe. Natürlech no e abschiedsburger gno (durchschnittlech eue 1.5 Burger pro tag). D rückreis isch relativ churzwiliv gsi, u ja, iz bini dehei 😅. Fazit: het huere gfägt, würdi witereepfälä🤟🤟 toplist (big 5) 1# Great barrier reef, 2# Australien Open 2# WEYERMANNS 2# fraser Island, 2# Whitsunday Islands Bis zum nächsten mal, liebi gebloggte 👋

22 February 2019

Great Barrier Reef, das Beste zum Schluss? Ds isch huuuuere geil gsi. So öbis guet organisierts hani no nie gse, 5 Dives hani gmacht, 1 nightdive drvo. U dr nightdive, uiuiui.. soooooo geil, so viu Haie si um eim gschwumme, u schüschtigi grossi fische. Bim letschte Touchgang hani no e grossi Ray (nid z verwächslä mitere einzigartige Mänu-Ray) gse 😍😍👋🤟🤟👋👋 somit hani aues gse woni ha wöue was wildlife abelangt. Das Beste zum Schluss! ✔️ Ah, 2 chinese si no mitcho. I weiss nid obsi gwùsst hei uf was si sech iilö, wiu touche düesi nid, ga schnorchle sisi nume 1isch churz.. vilech heisi öbis wi dr grand canyon erwartet zum hurti fötele 😂 uf jede fau hets ner plötzlich gheisse mir müese z Deck ruume, wiu e Helikopter 2 Chinese mues cho abhole wo seechrank si😂😂😂😂😂 #icbi. iz bini ufem rückweg as festland, somit hani d Box Jellies, z Surfe, z Tennis u z bötle 'überstange', iz blibt no chli Great ocean road u ner d Heireis🤠
D Divemasterin ufem neue schiff fragt die wo dr introductiondive mache was si denke, was ir fläschä isch"Helium" het eine gmeint 😂😂😂😂😂😂😂😂 #äikäntbeliifit

21 February 2019

1/2 Auso, Whitsunday Islands, gueti Rezessione vo kollege, schöni föteli im internet u d Möglichkeit ga z touchehei i vrleitet di tour z bueche. Früe uuf u z Boot boardet. Di einti droppt z natel is meer bim ufs schiff ga 😂 what a day. "Zimmer" bezug. Aso massäschlaag, u dinne hets zimlech gsthnke, i ha gwüsst i wirde mini zit ufem Deck verbringe 😎 Losdriftet u nach 2 Stung dr erst touchgang gmacht. D sicht isch nid so guet gsi, im ganze hani 4 dives gmacht, kene het gueti sicht gha. Gfägt hets gliich, ägypte isch aber schöner ;-) Ghört aber o nid zum Grossbarriereriff, ds chunnt di mechste 2 tag dra. Ah u no e premiere isch dr nachttouchgang gsi, ds isch rächt spezieu aber o recht geil. Me mues aber em guide vrtroue, wiu i hät nid gse obmer i irgend e höli ine wäre oder so. U da simer bim nächste punkt, d divemasterin isch zwar luschtig gsi, aber für dassi scho 600 dives het dünktsi mi nid so talentiert, si het gloub me vom riff kabuttnet aus ig 🤐
2/2 Totau si 30 lüt inkl 3 Crew gsi, di heis recht guet gmacht schüsch u s het sehr gfägt. Di meisti zit hani mit 2 19 jäbrige zürcher vrbracht 😝 Dr auterdurchschnitt isch übelsttöif gsi 😑 weiss nid was di 18 jährige goofä für eutere hei wo scho alei weltreise mache 😬 D stränd si dr hammer gsi wi unschwär z erkenne 😍 Am einte heimer TAUSENDE chliini chräbsli gse flüchte vor ùs, u wennme z nòch isch cho heisi sech vrgrabe 🧐🤭🤷 Gschlaafe hani 2x ufem zemegfautete säge am bug. sehr schöm gsi, u z wwtter wùrdi aus "kochend" bezeichnä. Hei aber schwein gha, isch eigentli h regezit u mir z schönste wetter gha di ganz zit. Super usflug gsi aus in auem. Iz bini z Cairns mit 5200Km totau. Morn geits az GBR, aso wider 2 Tag vrmuetlech ke bricht ;-)

17 February 2019

iz spinnt ds wunderbare app seuber zittä zämä.. hs d reihefoug ufgschribe, unge si 3 neui biiträg
2/3 im erste schnorchu plötzlich bini nüm bim Riff gsi, drfür usem nüd hani e chliine Gelbe Fisch vor mire Touchbrüue gse umeschwirrä.. är ischmer nache cho, egau woni härä bi. Woni du use ha wöue, denn hani gwüsst: dä gseni wider. U so isches o gsi bim übernächstä Schnorchugang. Super gsi :-) När zrügg u no 2.5h müese outofahre. Z erste mau ir Nacht, dr Sunneungergang isch dr hammer gsi bim Fahre, lings u rächts witti fäuder wo goldig glüchtet hei 😍 Wos du dunku isch gsi, hani mi erinerret dases nid z beste isch im dunkle z fahre wege kängoroo, de ischsmer nüm auzu wou gsi. Das o chum outo me si ungerwägs gsi u d Strasse stockdunku hets nid besser gmacht. Aber easy, mis Navi hetmi schliesslech när ine sackgass wöue schicke.. google hets aber besser gwüsst. Aso ja, besser.. es hetmi zumne ort gfüehrt wo het usgse wi d hütte vo Texas Chainsaw Massacre.. Aber d Rettig isch gsi, dases dinn sogar e Bar het gha wo no off het gha u vore Tennessee-Dame isch bedient worde. God bless the USA
1/3 neue: Gester isch bekannterwiis (hoffentlich ;-) ) mi Geburtstag gsi (U dä hani gfiiret miteme neue chliine Kolleg.) Drum hani so e haube gmüetleche Tag planet. Da ig in Yeppoon bi gsi, u überau Bilder vo Keppel Island si gsi (südlechs Grossbarriereriff) hani denkt: wiso nid🤷 Am morge aso ufd Fährä mit gnue Cola & Red Bull u Gear für Sandwitches z mache 🤭 Huere schöni Insle, u chuum lüt druf, deliiicous. Kurzerhand Schnorchelgear gmietet u när zumne Stand ghiket womer isch empfohle worde zum schnorchle.  A däm Strand hani när dr ganz Tag vrbracht bis zur letschtä (und ou einzigä) Fähre zrüg. D heufti vor Zit bini so wit me lings u rächts het gse dr einzig gsi am Strand. Z Riff säuber isch weniger schön aus z.B. Ägypte gsi, aber ds hani o nid erwartet :-)  Ä sehr grossi Schildkröte u irgendä Chräbsart woni no nie ha gse, sowi viu chliini Fische hani gse.
3/3 Ah, und i hamer dr Sunnebrand vom Läbä iigfange. Riff-Sunnecreme isch zwar ir Theorie super, aber für d Sunne hie ischsi gloub nid geignet :-) Hüt bini när (nach wi vor mit grössere Sunneschmerze) uf Airlie Beach driftet. Ab hie gani morn für 3 Tag ufne Segelturn ad Whitsunday Islands. Dert wirdi zerscht mau aständig Touche, inkl. Nachttouchgang :-) Druf hets ke Strom, und vermuetlech hani äuä o ke Empfang. Drum geits unger umständ 4 Tag oder so bisi wider erreichbar bi. TSCHEGGETS UUUUS

14 February 2019

Gester morge früe vo Hervey Bey abghout worde a Hafä ufne 2-Tagestripp uf Fraser (usgspr. Fchreisa) Island (ono mau mersii @Bänger füre Tipp, has spontan inegmurgst). Isch huere geil gsi. Öbe e Gruppe us 30 lüt (wovo ig dr 4. eutist bi gsi 😬 ok tour isch o für 18-35 jährigi gsi). U di meistä si Änglender gsi 😂. Fraser island isch mit 120x15km di grössti Sandinsle uf dr Weut. Bade im Meer direkt chanme ni, isch vou vo 🦈e 😎 Di heimer vo wit gse umeluure. Dingos heimer no gse, GEDINGOT. Schüsch heimer gwanderet u viu badet (entweder im See oder im 'champagne pool', wo z meeres wasser inegspüut wird (spritzig))). Umegschoffiert simer imne 4WD Bus worde, da aus uf sang isch gsi ischs mängisch zappy worde 😂🍃 Gestee simer ner 100km haub im wasser am strang na driftet 😍 (raaaaaally) Paar ganz gueti lüt (u paar zimlech sicki tschechä 😂(wär errated weli 2, bechunnt es bier 😂 si stö/hocke nebenang)) lehrä kennä 👏👏👏 graande raaaafa

11 February 2019

D host hani bim Zmorge gfragt obsi mer no e tipp het für ufdr tagesstrecki: "depends, what do you like?" "uh, I love wildlife" "oh yeah, there's the australien zoo!!!!!" klar, Zoo. Diskussion beendet .. 🤷🤷🤷🤷🤷De bini du uf Byron Bay driftet. Dert e lüchtturm weue aluege, parkplatz abr vou. Bi du ner es Stück gloffä, u ha du e rasslete Delfine gse vo witem drfür 😍 Dr lüchtturm isch o geil gsi u ufem rückweg mit mim Adleroug 🦅🧐 no e Mantaroche gse 😍😍😍. Ner zum Tagesziu witerdriftet: Noosa, wi vom Bängerter empfolhle :-) Eher touristisch, aber gfaut mer sehr. Uf Bängers Tipp bini hie no i N.P u ha mi erst Kuala gse 😍😍😍😍 Iz fehlt nume no d Roche u dr Hai bim Touche, ner hani aus ✔️

10 February 2019

Zersch angerhaubstung driftet uf Port Macquarie. Dert hani 3 stung es Surfbrett gmietet 🦈 er hetmer es chliners gä.. THE HYPE IS OVER 😂😂😂 huere schwirig, as ufsta hani nid mau chönne denke z d strömig ud wäuä womer au15 sekunde einä paniert hei heis nid eifacher gmacht 😬 guet, ha o ke Drillsargeant gha dasmau. aber easy, gfägt hets einewäg, u dr mittagsburger habi mer somit vrdiennt. Ner isch no dr grösser Teu vor Fahrt cho uf MacIrgendöbis.Dert bini ans Meer gange u e chliini wanderig gmacht woni e Fels ha gse mit hunderte 🦀🦀🦀🦀 druff (siehe Foto). Znacht indiisch, "spicy or medium?" "not only spicy, but extremely spicy please!" Yes, zerschte mau wo di asprach klappet, het isch super gsi 😎Mornnnt nomau e lengeri Strecki, weiss no nid gnau wohere. Total Strecke bis iz: 3Mm

9 February 2019

Bi när bis Forster GEDCHRIFTET und im bis iz schönste airbnb aacho (ä huere hüttä direkt are meeresmündig). Si hei hie es Kajak woni du zimlech schneu nach dr aakunft in beschlag ha gno und när WILDLIFE GEKAJAKT ha. Sehr geil gsi.. verschidnigi Schwän hani verjaggt. Paar Reiher verjaggt u när no es Rudel Hirsche gse (und o verjaggt). Dr eint reiher isch bevor i nä verjagt no vomne 3m höhe boum ast no Schwifty gange.. schaad hanis nid chöne ufnä. Iz gönni mer ä deliziöse Wii u morn geits witer SCHWIFTY.  
Letscht Tag Sydney (gester) Sehr gmüetlech gno, ersch am mittag us dr hüttä, när ga Gift choufe fürd Gastgäber u natürlech wiui sehr guets Gift kouft ha mer no ä Massage gönnt.. Am aabä simer zure Kollegin vor Äälischa hei ga Trolls luege. I wär nie uf di idee cho dä fium z luege, aber i mues zuegä är isch no luschtig gsi. Nach mehrerne Rundinä Hello Kitty spiili simer hei driftet. Hüt morge hets du gheissä Tschüüüüüss, du ungsungi (stadt)Luft, tschüüüss du fürabevercheer wo dr ganz tag duuret und Halllooo dir saftige wiisä. Stadt hani gse fürne Moment, bi du uf dr Strass nach dr Stadt scho wider viu wöhler si.
Chline moment vo gester, me speter weni Wi viu wüsse,i ha gar nid gärn 🕷️.. Alei am autofahre, u ner gseni im blickeinku rächts öbbis grosses ar schibe (🕷️)... Fuuuuuuck wini beherrschig ha phaute chani nid erkläre, ha denkt ds git e unfau 😳 (si isch ca. 8cm gross) Aber nach churzem schock gse das si usse drann isch. hetse aber nid abghaute no 2 witeri minute umezkrabble ufde schibene. Ke ahnig wosi iz isch, bi ging liecht paranoid im outo iz

7 February 2019

"HARDA! HARDA! HARDA!" hets hüt gheisse zu mir😳 Ok, vömer aber vorher a 😂😂😂. Chli Sightseeing mitem Car, u när hani e Surfkurs buechet für 2 Stung. 5 Lüt simer gsi, ire Afängergruppe mit chli erfahrig, ha schliesslech vor 8 Jahr z Hawaii schomau gsurfet fùr 2 Stung, bini sicher ke Afänger me 😎.Theorie blabla, u när use 😍 d wäue si zum teu fei chli höch gsi, aber das einersits nume sangbode isch u hie nur d Wäspestichschmärzequaue si kes problem, me chas ja probiere.. Bim erste mau tip top gange mit ufsta und auem 😎 Tja, u ds wärs när gsi fürne langi zit.Ke chraft me, ds huere Paddlen isch aasträngend wine moorä moorä mooorä. S surfinstruktorin het aube gluegt wenn das e wäuä chunnt, u ner gseit "Go paddle!" has du probiert, "HARDER HARDER HARDER" fuuuuck bi doch nid Hulk. Ischmer vorcho wi z FREEEEIBURG bim Conner😬🤯🤭 Bim auerletze mau mit letzter Chraft hanis ono mau aaständig gschafft. Het aber huere gfägt, wirde sicher no me ga ide nächste Wuche
No d Föteli vo gester. ha no e Gallerie mit wunderschöne bilder gse. So schön dasi mi nid drfür ha gha ine ga.. (siehe foto).

6 February 2019

Hüt bini wi dr Mr. Toast ir Stadt umestouziert. A dä hani würk denkt, u bim Lönsch hani när Lemmy Lemonade gse (sorry, hüt keine Fotos), wi mr toast eifach e Lemonade am pfiifä🤯. Är Ääälischaaa (baron, gsesch wimes mues ussprächä? 😂) ire Vater isch luschtig, bim znacht isch öbis vom trump cho: "piece of shit" "asshole" usw heter lutstarch gseit u när mit vouem muu öbbis brùmmelet 😂😂😂 Botanisch Garte hani no ustscheggt (eine vode gründ wisos keni foto git isch wiui serieufnahm gmacht ha vo vögu ir luft u nüm ma sortiere). Am aabe ire Bar mit live musig het e eutere sänger eini gfragt wisi heisst, dr name weisi nüm, drum: X "X? That's a lovely name..... for a horse" 🙈👏👏 vorauem hets würk öbis gha🤐 Neue Rekord bim ässä: 2 Sandwitsch, 3 Burger, 2x Fritten.. TOUGH LIFE

5 February 2019

Schweren Herzens hani hüt morge WEYERMANNS verlaa. Bi scho chli emotionau worde, isch e super erfahrig gsi u si hei so guet gluegt u kochet👏👏👏 Ufem weg nach Sydney bini nomau id Blue Mountains ga wandere zum Fletchers Lookout (mersi Julien füre tipp). Sehr geili ussicht, hetmi tatsächläch a Amerika erinerret so schön ischs 😎. Zmittag di 4ti pizza in australie, u somit di ersti wo es aazeichä vo Tomate druff het gha 😂 Vor 4 Jahr isch ä Australierin bi mir cho couchsurfe. Si het denn 1 Jahr e wäutreis gmacht u isch 3 oder 4 tag bi mir gwohnt. Si wohnt z Sydney u i cha iz bis am Samsti bi ihre blibe. Mit emne Kolleg vo ihre simer när ga Sushi esse u z Operähuus beguetachte vo änet em fluss, huere geil 👏 Im Luna park heisi ä HAIRRAISER bahn 😂😂😂😂 äs willkommnigs namensspiu füt aui HELLRAISER fans 🙈👏

4 February 2019

"The Drip" Wanderig bini hüt morge alei ga obdue, viu wiiildlife gse 😍😍. När zrüg drifted (get drifty). Am nami simer ine animal shelter zu Kollege vo WEYERMANNS. Dert heisi unzähligi kängoroo wo im Busch läbä, aber amne punkt vo irem läbä im shelter si gsi ufgrund vo vrletzige o.ä. u ner us gwohnheit immer wider zrügchöme cho snäckä. Chum bini zrüg gsi, geit am Tinu si Alarm (si hei es App, wo zeigt wo und was fürnes Tier isch gmeldet worde. mä seit när accept oder decline). Är isch dr einzig wit u breit wo d "Snakebuster" lizenz het. Ä brown snake (leider nume di 2. giftigsti vor wäut) isch imne Tool-Shop gmeldet worde. Da bini natürlech mit 😎 Si hei z gschäft evakuiert gha 😂 (öbe glich gross wi s coop belp). U bismer dert si gsi, hei d Mitarbeiter sä zmingst scho imne chessu gfange (weiss o nid obs naivität oder muet isch gsi ds z probiere 😂). zum glùck, weme schüsch die hät unger de regau chönne afa sueche, hätti eue dr Rückflug am 26. Februar chöne umnes Jahr verschiebe 🙈

3 February 2019

Tag 2 bei WEIHERMANNS (betoont wie HANSELMAAAANNS). Hüt simer ga wandere, 100km Auto gfahrä pro Wäg. När relativ müed probiert bi 36° es Mittagsschläfli z machä, leeeeider nein. Isch aber geil gsi 👏 (aso z wandere, nid z probiere schlaafä). Uf dene totau 200km heimer max 10 Outos gse 😱 När gmüetlech bi WEIHERMANNS "gschwätzt" und delicous asian food obda. Am aabä probiert d Miuchstrass z föttele, het leider nid so klappet, u woni du 5 Meter näbä dran öbis längs, bruuns im graas ha gse ligä bini gflüchtet. We morn morge nüm dert isch, isch dr fau klar.. Auflösung folgt (morn). Und wiu das ä relativ chliine text isch, no öbis erfröilächs us mim Läbä!!! I ha ja bekanntermaasä es Necessair gwunne ir Budetombola. Nachdem ig mis vrloore ha churz vorhär isch ds es willkommens gschänk gsi. UND: Z Zahnbürstli wo dinn isch gsi, isch es ELEKTROZAHNBÜRSTLI (hani nach mehrerne Tag wonis brucht ha u mi gwungeret ha wisos so dick isch usegfunge). WHAT A TIME TO BE ALIVE 😎

2 February 2019

ds huere glueapp spicheret nume d minutene. me müest aso zersch dr unger biotrag u ner dä 2. ungerst mittä föteli lese
Katoomba - Mudgee Bi 16° losdriftet im schrecklächä näbu u Rägu.. chum losgfahre isch z thermometer aber ufe und am schluss bini bi 30° in Mudgee acho. Ungerwägs bini no chli GIFT ga choufe.. vilech gibi de am eintä oder angere ä chlei GIIIIIIIFT. Mudgee isch es ziiu, woni eigentlich nie wär druf cho. Aber dr Cousin vo mire Mom isch vor 20 Jahr mit sire Frou hie härä usgwanderet, u het uf 10 Hektaarä es Animal Sanctuary ufta. Wenn es Kangooroo, oder ä Vogu oder so verletzt isch, lütet d Polizei im Radius vo +-100km ihnä aa, u si stö mits ir nacht uf um di Tier ga z hole u när z Pflegä bis si wider use chöi. Ä Arbeit woni säubverständlech vollstens ungerstüze und bewundere, wiu es isch extrem aasträngend.. vorallem wiu dr Martin näbäbii ou no Vouzit schaffet.
Voletscht heisi 10 Kangoroo gha, si aber paar gstorbe u iz heisi momentan no 3. Gad wosi mi si cho abhole im Dorf (si wohne 25km usserhaub, würk mits im "Schitt") simer ungerwägs no ä Iiisvogu ga frei la wo wider gnue chraft het zum flüge.  När hets ä füehrig übers land gä. Verschidnigi vögu, kangooroos, Hüener, Geissä,Eslä, Hüng u Chatzä heisi momentan. (wobi nur di 2 erstä keni "huustier" si) U dasi ufem grundstück x vodä giftigstä Schlangene u Spinnele hei, louft mä scho rächt paranoid über d äst u z gstrüpp. Aber är meint, d bewegig vom bode söt sä eigentlech verschüüche.. okeeey :-) Es gfaut mer aber huere guet hie, u bi froh blibi no bisem Dsischtig, damit is no richtig cha ustscheggä. Deeeelicous Burger hets no gä, wiui gfragt bi worde wasi gärn issä.

1 February 2019

Hüt bini früe uf (8i) damit i nach de 2.5 fahrstung in Katoomba aachume u cha ga wandere im Blue Mountain National Park. Sehr müehsami fahrt dür öbe 200 rooti ample gsi u es isch du wesentlech lenger gane Ok, hami aber ono füre umweg überne teil vom Grand Pacific drive entschide. U ds hetsech glohnt 👏 När im N.P aacho u müesse feststeue, dases A: 14° isch, und B: rägnet u näbu het dasme keni 20 meter gseet. Dür das isch di plaanti wanderig nid düregfüehrt worde, wiu ds highlight ä ussicht wä gsi 😂. Drfür bini giich ga loufe, aber d touri variante wome sech in Silent Hill nid cha vrloufe (boardwalk). Mit seilbahne u zügli hetme verschidnige orte härä chöne dr näbu beguetachte 😠, ok, zum teu hets no geil usgse. Z eintä bähnli isch uuultrasteil gange: "Hold on to your loose belongigs and your favourite child" het d chauffeuse gmeint 😂. D cliff view isch faaantastisch gsi woder gset 😂. Das dert keni WC het gha hani eine no mùesse fötele.. i gloub ds nenntmä street photography?

31 January 2019

Route: Bega - Mount Warrigal Strecke: ca. 330km 330km tönt nach wenig, aber hie, wome max. 100 darf fahre und immer wider uf 40 mues abebrämsä ufgrund dä unzählige bousteuä und dörfli wome durchquerrt, wird us aagänige 4h 15 locker 5.5 stung.Ir mitti hani e umweg zumne strand ufmi gno imne N.P. Pebbly Beach. Gmüetlech gsi🤙 U när bim usem np fahre hani ä abchürzig gno, zimlech schneu ischs uf Gravel mitem hiiwiis: next 7km gravel. Ok... jedoch miteme 'normale outo' merktmä schnäu dases gloub nid füt schlaglöcher, steinä u wurzle usgleit isch, u di 7km wärdä zur konzentrationstortur 😂 Nachdem z outo hurti nüm het wöure, hanis du glich no gschafft. Temperature si immer me gstige bis 43°. Drfūr hets abartig gluftet am ziiu, u i hamer nachem klabäusschenbezug e Massage gönnt 😂 När im shopping center e nuudle wok gässä u 20 min. speter dehei no penne kochet 🙈 iz füehli mi wider schlächt 🤷 zur bestraffig trinki iz dessert wii woni denkt ha s sig rootä🍷

30 January 2019

Route: Bairnsdale - Bega Strecke: ca 330km Z wätter hüt isch ä Sinuskurve gsi, 1=Sunne u blaue himmu, -1=Üble rägä u gwitter. PI= 15 Minute. In Lakes Entrance hani hurti e Wildlife pouse gmacht u ner bis zum countryside airbnb drifted. 25quadratkilometer land für 2 Persone, deeeelicooooous. När hurti ä trochni phase usgnützt u z auto uf gchrevel(gravel)-Fahrtüchtigkeit prüeft u zumne abglägne strand in Mimosa Rocks National Park gfahre woni alei bi gsi (Schwifty). Is wasser woni no nid gwüsst ha ob di schrecklächä Würfuqualle hie scho si hani mi aber nid richtig getrout (hie hetsse aber no nid). Aber d hosts si würk es huere nätts euters pärli: "We're not like the people in the city. We don't give a shit here". Würk sehr sympatisch u huere gastfründlech.Si heimi gnöttiget mit ihne "Married at first sight" z luege. Sone riiiichtigi HartzTV sändig 😂. Gester hets z erscht mau Knockstyle gä (musig vou ufdräiä, miter rechte hang stüüre u miter linge zum takt vor musig ufs tach polä 😂)

29 January 2019

Teil 2 vo hüt ( Achtung 3 Iiträg si neu ;-) ) När no äs Föteli gse vom "Big Tide" Trail, sandwüesti. Hani mer ono gönnt. 4km bi 35° uf sang loufe, isch schono asträngend. Sicher 1 Börger abtreniert i dere zit. Obe aacho hets rächt geil usgse (siehe Foto). När ä eher längwiligi Fahrt uf Bairnsdale. Het 1 Powernap brucht ungerwägs, vorbildlich. Radio: "Debby made her dream come true, her photo is now on a hair conditioner.. Contact us if... blabla", DREAM BIG!!
Route: Wonthaggi - Bairnsdale Gedriftet: ca. 350km D host hetmer no dr Tip gä i Wilsons Promontory National Park z ga, isch zwar ä umwäg vo öbä 2 Stung, aber es sig rächt geil. Google isch gliicher meinig. Auso los. Am 11i bini dert gsi. När inägsnäckt u zerschtä mau im Meer gsi (für öbä 60 Sekunde). Wasser ohni Touchaazug isch eifach scho nid so miis. När no chli tschillet u zumne Wildlife trail drifted. Leider hetmer d Visitor Center Daamä scho vo afang a gseit, dasi äuä nüd wirde gse bir bräntendä Hitz, dasme gschider bi Dämmerig chunnt. Aber da i nid mits ir nacht ha wöue am Tagesziiu acho (Ungerkunft hani buechet gha), hanis haut glich probiert. Ufem Trail direkt hani nüd gse, drfür dä geeeeeil Vogu ufem wäg dert härä.
Komischerwiis isch mis pingu föteli vo gester gar nid ufeglade worde. Hie noch nachträglech inkl. chli Infos. Dert gits sehr viu Pinguine (paar hundert), u si läbä oft päärliwiis. 1-2 'ehe'partner gö när uf Nahrigssuechi, ds cha ca. 1-3 Tag ga. Zrüg chöme sä immer bi sunneungergang, u när sueche si ihres deheim. Fötele hetmä nume bis zur dämmerig dörfe (dert hani o mis foto gmacht, bimne "home" vo eim vode Pinguine, extremly noisy, sooorry). När darfme nüm fötele, si heis öbä 100x gseit und überau agschribe. Sone vrdammte Vouidiot het när näb mir mit Taschelampe u Blitz öbä 5 Fotos gmacht. I regä mi meistens nume innerläch uuf, aber dasmau hani lutstarch müese sägä dases ä vrdammte mongo isch. Intressanterwiis sis du schwizer gsi womi vrstange hei. Öbä hoffentläch, si heis nüm so luschtig gfunge när.

28 January 2019

Bisi z outo ha gha hets paar umwägä gä: Station nid bedient: "go directly to xy road." agschribe gsi "ok." dert: "you should go to our new station first." "ok." Aber easy, när hets sogar spontan no miteme Navi klappet woni bir buechig ha vrgesse azgä. 1 Euche hani mi geistig ufe lingsvrcher chöne vorbereitä. Het längwiligerwiis o tip top funktioniert, höchstens chli z fest lings fahri no 😂 U das am erste Tag no niemer wäg mir ghuupet het isch bis iz im usland o no nie vorcho. Gebornigä Ängländer offesichtlech 🤢 Im radio heisi einä gfragt wi si tag isch gsi: "Great." "Why?" "Well, I had a lafly breakfast, lafly lunch and I'm looking forward to a lafly dinna". so ischs mer o gange: Subway / Subway / Pizza / Fried rice. Döölischös. Route isch Melbourne - Wonthaggi - Phillip Island - Wonthaggi gsi. Wollaby's u vrschidnigi Wildlife vögu hani gse 👏 Phillip Island bini ad Penguin Parade. Paar hundert Pinguine chöme bi sunneungergang usem Meer u sueche ires deheime. Emotionau gsi 🤧
Ok iz seriös. I mues zuegä, d haubfinäu u dr Finau si underwhelming gsi. Aber was chame mache? Nüd. yolo. Idch öbe glich eidütig gsi wi Noe gege Max, oder Max gege mii, odr i gäge Stefu 😂😂😂😂😂 Us frust es Bier gno, Burger, Fritten u es cöggi, iz isch wider guet. U di gueti Nachricht adi sportunintressierte: Das wars. Morn geits ooon the rooooad🤙. D rally wird auso ufdr linge strassesitte fortgsetzt.. oder ischs doch di rächtii?? 🤷 Jedefaus: Morn drifti uf Wonthaggi.

27 January 2019

"Duck" im Vegie restaurant 🤷 aber döölischöös gsi. Ner miter Ramona is gfängnis 😂 rächt luschtig gsi d füehrig. 3 vo ca 40 lüt heisi chärtli vrteut zum nachesteue wies isch gsi weme im gfängnis achunnt, d drugdealer charte heisi ufgrund vom usgse ar ramona vrteilt 😂😂 När ga znacht essä, nomau asiatisch. Hüt hets no ke burger gä, schüsch wirds "schwifty" am marathonmatch. JET Konzert im tennisareau isch o super gsi. Iz würdi aunä empfählä, wie gmcfosho würd sägä: "tuuuurn uuuup" uf SRF2. KAMPF DER TIITAAANEN. Das wird ne tooolle Chreeeeellyyyyyy. (Fotos fouge de mau no) Aaaaiiiideeee Novakkk 🇷🇺🇷🇺🇷🇺

26 January 2019

Hüt bini ga UNIQLO Gear (jaja, i weiss, i ha gseit UNIQLO = UNIQLOAKÄ, aber iz fingis glich no geil) shoppä u när miter Ramona ga Böörger ässä (Burgercount ca. 15). U när ufe Eureka Skytower (88. Stock), geili ussicht. När heimer no zumne fest wöue, wiu ja schliesslech nationaufiirtag isch (INVADER DAY), aber di hei am 4i scho afa zämäruumä. Drfür hani när es geeils Vögeli gse (neui Wildlife trophy). Am aabä när ga Tennis Looovä u ga Angus & Julia Stone luege. Es haaammer Konzert gsi. U nid weniger geil isch dr Damefinau gsi.. sehr spannend, leider het di fautschi gwunne nach 2.5 stung. Daaas war ne Tolle Reeelly, u iz, morn no es letschts mau, hoffentlich das beste Zum Schluss. Ah u dr Boooris Becker hani no unger dä lüt gse bim vrbi loufe.. Dä isch so öbbis vo hääässläch.. Mir si paar nämä für Fiume i Sinn cho wenn är dr Houbtdarsteuer wär: "Der Glöckner von Deutschland", "Vater (k)einer Tochter", "Der Engländer", "Der Orangenpresser" usw.
I hassä lüt wo amne event wos nüm häu isch ihres natel uf vouer häuigkeit hei, u när au minute druf luege. D spanierin näb mir het du ömu plötzlich es telefon vo "Amore AUS" becho. Schiint ä hiufrichi taktik z sii, weme sech keni nämä cha merkä u fründe i vrschidnigä länder het😂 Hüt ischs 44° gsi, fuuck. drum bini iz Casino ga abechüele.. Huere dr jackpot knackt, 44x gwinn. Leider dümmer weme mit 1cent spiut😂. När all in u aus wäg😂 Vorgester im uuber hani no es päärli lehrä kennä vo adeleigt (oder wimes schribt), u gester si genau sii näb mir ghocket, u hei sogar no mi namä gwùsst 😱. Berechnen Sie die Wahrscheinlichkeit... 1:14'000😂. Mit ihnä bini när no i uusgang 🍻 super gsi. U woni mi Blog uf facebook ha postet, het ä kollegin woni scho lenger nùm gse ha säch gmeldet si sig de o da 🙊 de ischsi du gester aacho u när ono gad einä cho nä 🍻 U ir Bar het einä 100x völlig im hype phoubtet ig gse genau glich us wi dr gonzalo higuain, wär ds isch hani ersch denn usegfunge 😂😂😂😂😂

24 January 2019

Gester isch näb mir es übergwichtigs meitli mit ihrere Muetter ghockt. Si het ä Mumu annägha 😂😂. När hetsi ä riisä pinte cookies füregno u si hei zämä au vrputzt. "Mommy, we're out of cookies.." hetsi liecht truurig gseit. Aber kes Problem, Mommy nimmt ä Sack schoggiböller füre. Wahrhaftigi erziehig. Auerdings stuuni das nid mee lüt übergwichtig si, bi dem masseagebot a junkfood wo dütlech günstiger isch aus öbis aständigs. Hüt boni no chli Rollstuutennis ga luege, nid so spannend gsi. U e Satz vomne Junior boys VF. Dr Trainer vom Tschech isch vor mir ghockt u het ä fäuentscheid vomne linierichter weniger locker gno: "Good job.." "You must be proud of yourself" "Well done mate", heterim wärend 5 minute immer wider müese sägä. D Daamähaubfinäu si ok gsi, Osaka spiut rächt geil. Ah, u es isch übelst heiss mit 39°. Morn wirds no heisser, 42, looovelyyyy. Zum glück chame sech chlii abchùele dert u si hei z Dach gschlosse wäg dr neue heat policy. Dr Nadal Match isch wider z eisittig gsi

23 January 2019

Uf Reddit vomne restaurant gläsä: 'Veggie Bar'. Härä 'trekkt' und usprobiert. Delicous Pizza. När säubvrständlech zum Tennis g'uberet. Ufe erst Damä-Match hani vrzichtet. Drfür när Williams - Pliskova (ja, Pliskova @Uti ;-) ). Geilä match gsi, d Dramaqueen füehrt 5-1 im dritte u git när 6 games in Folge ab (😂😂😂😂). När dr Match woni nid druf gwartet ha: Raonic - Pouille. 5 Minute: 3-0 Raonic. Uf Reddit schribt einä zu dem Zitpunkt: "I will eat my hat and others sent to me if Pouille wins". DIE WENDE - Pouille spiut plötzlech huuuere geil u chlepft am Raonic sini uffschleg wo mit +200kmh chöme umd oorä. DÖLISCHÖS. 3 stung u bis iz eine vode beste matche, Mersi, du 🐌🍴. D adresse wome d hüet cha härä schicke hani leider nid usegfunge. Night-Session Nishikori - Djokovic. Leider e grösseri enttüschig, Nishikori git nach 50 Minute uuf. Kes wunger, nach sim Marathon-Vormatch. Aber easy, wot ja schliesslech dr Djokovic im Finau ha 😉
Am Aabä när Naaadal gägä US-Brother Tiafoe. Eisittigi sach. Nadal isch dr absolut Favorit ufe Titu. None Annektotä vom vortag: Näb mir isch ä Inder ghockt. No easy, solang z spiiu nid louft. I haasse lüt wo währendem Bauwächsu Kommentar müese abgä (Alain, man erinnere sich a Monacos Nr.1 affangulo-bambini "graande graaande graande" - nottabene bi jedem Schlag vom Nadal). Ja, u dä gester, het z gfüu gha er mües am Djokovic und Medvedew sägä wosi müese herespile. "Daun te läin" "grossgort", u wenn ä herte bau isch cho: "näiss" oder "shaaap" (sharp) u dr P heter so gseit "bp", müessts nachesägä.. shaabp. D lippe müesse ploppä.. hähähä

22 January 2019

Achtung: di nächstä täg steit me oder weniger nume Tennis ufem Programm. Hüt hets mit Tsitsipas gege Bautisto Agut agfange. Bautisto Agut hani gaar nid gärn, o wener nid schlächt spiut. Er ischmer eifach unsymphatisch. (und hässläch, soorryy). U Tsitsipas, muesi zue gä, hani vorher nume vom Name u gsicht kennt (guetussehend hähä). Ds siegesinterview gege Federer hetne aber schomau rächt symphatisch gmacht. U dä siech spiut geil, u het verdiennt gwunnä. U woner bim hüttige siegesinterview het gseit: "I love cinematohraphy, get out, be creative, etc." hetersäch nomau paar Pluspunkt vrschafft. Tsitsipas oder Nadal, eine vo dene mues gwinne. Am liebste gägä Tschooker. Eifach nid Milos Shitface Raonic. Bitte nid. Ah, u am Friti hani ufem Trainingscourt no eirä zuegluegt woni no nie ha gse. Ha o nid gwüsst ob si e aktivi Spillerin isch, oder ihre partner irgendeme Tableau spiut. Tja, iz steitsi im AO Haubfinau, Collins us dä U S A 🇺🇸🇺🇸🇺🇸🇺🇸🇺🇸.
Aschliessend ischs zur Nightsession gange. Simona Halep, Weltnummere 1, gägä d Serena Williams (True #1, sooorry Simona, o we du wäsentlich sympathischer bisch). vode nämä vom Match chöntme meinä es isch z finau, aber isch ledliglich 8tus Finau gsi.  Bim Announce vode Spiler, heisi gseit: "The world numer 1,..." d Serena louft ine u het d häng id luft "Simooona, Haaalep".. si merkts: uuuups, u wider zrüg id Katakombä (hähähhä). 1. Satz isch eisitigi sach gsi fürd Serena, när ischs aber richtig geil worde, mit mehrernä extremely delicous Relly's. När ischs zit worde für ä DJ-Okovic gägä Daniiel Medvedev. Bini sehr gspannt gsi mit grosse Erwartigä. U nid enttüscht worde. Seeeehr geilä Match gsi. Nachem Exodus iz Zimmer vo sageumwogänä 2.7 KM gönni mer iz am viertu vor 2 am Morgä none witere Burger. Mues de luege obi vilech ä 2ä Sitz mues reserviere füre Heifluug (Sooorry, Tämi...). 
Tolle Relly! 14 Stung pennet, e witere Rekord, deeelicous. Scho gester wöue, aber hüt ischs zit gsi fürne Massage, 80AUS$ fürne Stung.. ä frächheit, eigentläch hät si mir gäud müese gä für sone verspannte siech z massiere.. Zmittag: 'Lord of the fries', dr einzig Ort in Australie wo dr 'Beyond meat' Burger verchouft. Ändlech hani nä mau chöne teste. Fazit: Nid nur dr Name vor Fast-Food chötti, sondern o dr fleischlos-Burger isch huere geil! Gsättigt bini irgend es War-Memorial ga aluege u när uf Wildlife erkundigstour im botanische Garte. Ah, gester hani scho es tolls Wildlife Erlebnis gha: Scho bim Flughafe hani ä Spatz gse!!!! Paar vögu woni ir schwiz no nie ha gse hani im Garte gse, u ä Frou wo äuä glich paranoid isch wi ig vor Insektä het ä haube Härzinfarkt gha wore es Blettli vomne Boum isch ufe chopf gflogä (hähähähähäh).

20 January 2019

Warum i aber eigentlich z Ticket ha wöue: Nadal vs. Berdych. Het Berdych schliesslech huere guet gspiut di letschtä Wuche. Auso spontan losguuberet. Erst iidruck vom Turnier, huere geil! zersch mau eis obda vo dene strapaatzä 😂 u ner Berdych u Ker er bim Trening ga zueluege. Recht geil mau so nöch z gse. När dr sprung usem Turnier vor Sharapova ir Rod Laver arena beobachtet, nachem erst Satz hani i Schatte müesse, trotz nur 24 Grad ischs mindeste s so heiss vo bi ùs bi 30° (zmingst ir Arena) [lovely, am donnsti melde si 40°]. Match isch no easy gsi, o wesi vrloore het. När nadal us dr 5. Reihä z gse isch scho esgeils erläbnos gsi, dr Match säuber jedoch sehr eisittig (weiss sowiso nid, obi pengr hät chönne, vor hitz u vom schlaafmangu). Iz bini 53 Stung wach, Bestleistung. Füre Weltrekord längts aber nid (dä ligt bi 11 Tag). U iz no Feeeddeeerer usem Zimmer luege. Morn geit dr Tennismarathon witer ir Nightsession. Tolle Relly.
Es folgt ä müehsame Flug vo knapp 24 Stung mit umstige in Dubai. "Sinner" staffle 1 inepfiffä (deliicous) und e richtig geilä Helix Jump Rekord gmacht.. (viu spass, Cyrill). Schlafcount: 0 Minute. (#nosleepgang) We coins chli me ufe würde,würds ir Business class vilech besser funktioniere. Aber o das nimmt nach gfüuetä2 Wuche es End u mir lande (lokalziit, 6AM). Check-in im Airbnb isch ersch i 7 Stung. Was machemer no? Luege obs Tennistickets git füre hüttig tag. Leider nein, u ufem Schwarzmarkt sisi unbezaubar. Jänu, mau aafrageobi early checkin cha mache. Ke antwort. Aso Burger Snacke zum zmorge u ner i park ga Wildlifevögu beobachte. Nomau aktualisiere wäg Tickets ( ca. 100 mau). Siehe da, ir beste Kategorie isch es Ticket frei worde (Nr. 3). Nämä mer, obschon d Sharapova scho e haubstung vorem Checkin (i wär scho mau no gern ga Dusche nach dem glue) aafat. Yolo: eifach mauga chlopfe bi apartment. Si 2 chinesine dinn gsi womi hei la Dusche u ds Gepäck dumpe. Fortsetzungfolgt ..