Switzerland, Japan · 26 Days · 13 Moments · January 2018

Trip to Japan. Marc & Kilian


15 February 2018

13.2 - 15.2 Tokyo Sit üsem letschtä skitag si iz doch scho umä 3 tag dürä... Ir zwüschezit simer aber nid (nur) uf dr fuule hut glägä, sondern hei ganz flissig kilometer in tokyo gsammlet. Vorweg znä isch sicher dasmer da irä ganz sympathische, verrücktä, spezielle, riisige, modärne, historische, ruhige aber o chli stressige stadt hei dörfe si... dir gseht, tokyo het enorm viil facette, jenach viertu. So simer eis imenä game-center gsi, wos uf jedem stock verschiednegi automate het gha. Zum teil si die lüt am düregheiä gsi u hei uf die chnöpf ghämmeret... Irre!! Süsch simer so chli "the must see" attraktione nache (merci betty u nilä für d tipps ;)). So simer ar berüehmte shibuya-chrüzig es kaffi ga nä (krass wie viil lüt da drüber gö), hei tokyo via skytree (450m höch) vo obe bestunt, si diversi temple/schreinä ga bsueche und hei no dr ueno-zoo u dr tsukiji-fischmarkt bsuecht. Drbi heimer früehligshafti 12 grad u sun e gha Morn geits de früech uf ufe flug zrügg id schwiiz... see ya

10 February 2018

Rusutsu isch geil! Die letschte 2 täg simer im gebiet rusutsu uf dr piste gsi. Gester heimer e absolute highlight-tag chönne erlebe. Dank dä ca 40cm neuschnee wos dür d nacht gä het, heimer super powder-runs dür d wälder vo rusutsu härägleit. Dr tag het allerdings o chli si tribut gforderet, so hei mer beidi dür meh oder weniger unglücklechi stürz chlini blessurä drvo treit. Drum simer dr hütig tag eher easy agangä, u si statt näbä haut mau uf dr piste gfahrä. Was nis no bsunders ufgfalle isch, es het hie extrem viil japaner wo mit swissski jaggene umeloufä...gspässig ;) Iz hoffemer dases dür d nacht no einisch e brätsch vou schnee git, dasmer morn üse letscht skitag, ja dir heit richtig gläsä scho dr letscht, no richtig chönne gniesse. Nähär lege mer de d ski/ds board dänne u gö de wiiters uf Tokyo. Häbet ä schöne :)

6 February 2018

Gester simer vor oberstä bahn mitem snowboard und dä ski ufem rügge ufe mt. Annupuri glofe (ca.1800m.ü.m) S isch doch no herter gsi als het usgseh vo unde und mitdä skischueh und boardschue z wandere isch oo nid gad optimal. 😅 aber mir hei gwüsst wemer dobe achöme chöimer ner oo wider abefahre...nur us däm isch leider nüt worde wime ufde erstä zwöi bilder gseht. Sobald mer si dobe gsi isch ä chline sturm ufcho und hetis alli sicht gnoo. 🙈 mir heis leider när unger training müesse abstämple. Was hie no lustig isch, äs het äs einer sässeli. Ohni bügu, nur du und dis chlise sitzli - zum teu sicher fasch 10m ab bode. Da chas dr am afang scho chli komisch wärde. Aber wenigstens heisi warnschilder ade liftsüle wo steit mä söll nid abegumpe. Heimernis haud a ds ghalte😂 Hüt am abe simer ner no uf Niseko Hirafu ga z nachd ässe. S isch so chli dr "place to be" z niseko. So ischsnis ämu vorchoo. Tüüri hotel und restaurant, premium skibechleidigsgschäft und und und... Nightnight, Kili&Marc

1 February 2018

Mir hei ide letschtä vier täg doch no z einte oder z angere coole erläbt. Wemer zrüggluege isch ds hoteu gar nid so schlächt gsii. Ds z zmorge isch super gsii...äs het alles gä womesech cha vorstelle wases z japan amne z morgebuffet chönnt ha. Schad simer nid ir blüeteziit z yubari gsii, ds isch so ide 1970er jahr gsii wo dr chohleabbou i derä region extrem het boomet. Denn wärs sicher no chlines angers erläbniss gsii. Leider ischs ize ds einzige dorf z japan wo bankrott isch heimer usegfunde. Aber si gäbäsäch immer no sehr müeh mit allem. Mir hei z.b. einisch äs fondue chinoise gässe wo sehr fein isch gsii. Nur duetme dert alles drii, salat, fleisch, fisch, härdöpfu, rüebli usw. Iz simer wider zrügg ds niseko und hei zu üsere überraschig mau äs upgrade vom zimmer becho wasmer natürlech nid ablehnä 😉 mir hoffe äs git de hie no chli meh schnee als dert z yubari. Bis glii kili&marc

30 January 2018

Hüt isches umä sowit gsi zum üsi ungerkunft z wechsle. Wit heimer nid gha, simer doch nur es paar statione übere nach niseko higashiyama. Hiä isch z resort grösser u bietet doch no meh möglechkeite früschi powder-lines z fingä als z moiwa. D ungerkunft isch umä rächt easy u familiär... zur abwechslig zum japanische esse hets hiä mau mexikanisch gä :) Nachem hütigä tag womer mehrheitlech nüt hei gmacht, freue mer üs uf morn womer mit voller energie umä choi dr schnee i agriff näh!
Gester heimer ds powder-paradise Niseko Moiwa verlah u si is weniger bekannte Gebiet vo Yubari greist. U ja ungerschidlecher chönnte die zwe gebiet chum si... Wos vorher eher touristisch gsi isch, hets hiä ussert üs 2 äuä ke andere nid-Japaner. 😅 Darum isch z komuniziere eher kompliziert, wiu die wenige wörter wo si englisch chönne, töne nach öppis angerem 😂 Hüt simer de no z ski resort ga aluege... u es isch zimlech chli u leider hets ir letschti o nid so viil gschneit =》 es het ke früsche powder meh 😔aber ds cha sech ja no ändere ☺ Aus programm-änderig heimer schliesslech es paar getränk usem outomat probiert... ds het no recht fun gmacht... z meischte gseht komisch us u schmöckt o so 😂😂

28 January 2018

Hüt simer wi di letschtä 3ü täg oo wider ufde ski gstande. Nur heimer müesse feststelle dasmer vorgester und gester äuä würklech di bestä verhältniss hei ghaa. Hüt isch alles vo afang aa scho verfahre gsii. Gägä mittag heimer no chli früsche schnee gfunde aber leider nie so wi vorgester. Morn verlöö mer Niseko Moiwa und gö witer uf Yubari. Dert heimer äs Hotel gfunde wo no äs zimmer frei het gha. Mir hei glich wider ca. 7h reise vor üs zum dert härä z choo. Aber mir hei ja ziit hiie 😉 Alles i allem ischs ä cooli wuche mit viiu schnee gsii...mir hei gmerckt dasmer no nid uf däm fitnesstand si wimer wette aber da schaffemer ja dranne 🙊 bis glii Kili & Marc

27 January 2018

So, mir melde üs wieder zrügg! 😉 mir si vo luter powder gar nüm drzue cho, öppis hie iche z schribe. Im ernst, es het sit knapp 2.5 täg praktisch nur gschneit. Da isches fasch überflüssig z sägä dass mer fasch jede morge im früsche powder versinke 😃🙌 Zur erholig heimer üs o mau es bad imne onsen (heissi quelle) gönnt. Mir hei üse ufenthalt in Moiwa bis am 29.1 verlängeret, bevors när witer richtig yubari iz nächste skigebiet geit.

24 January 2018

Hüt am morge simer zimmlech früeh ufgwachet...äuä drum wiumer hei gwüsst dases sit üsere gestrige akunft bis hüt am morge het düregschneit.❄🙆‍♂️ ca. 40cm neuschnee hets gä und ds isch doch dr perfekt istig gsii für üse trip. 🙊 Nachem motto "never go crazy on the first bluebird day" simers chli gmüetlech agange hüt...oke villech heimer eifch oo nümme möge nach 3h touche im JaPOW. 🤔🤷‍♂️ S söll bis ändi wuche all tag ca. 10cm gä...was hie als "weni schneefall" bezeichnet wird 😅 u glich hoffemer dases chli meh git 😉

23 January 2018

Nach ärä zimlech abentürleche busfahrt, inklusive Scheesturm u Ungwüsseheit obnis es taxi no a üse zielort bringt, simer am früeche abe z niseko acho. D "Backcountry Lodge", wi üse Ufenthaltsort heisst, isch uf bärndütsch gseit "Huere Geil"! Lüt vo überall, houptsächlech australier 😉 sorge fürne gäbegi stimmig u es guets klima🍺. Morn geits de los mitem first ride im powder vo Niseko 😍 Schnee het viu u es git no meh 😉 i däm sinn guet nacht 😊

22 January 2018

Ds wär grundsätzlech mau üsi planeti route gsii. S isch aber gar nid so eifach i derä ziit (jan-feb) ä ungerkunft z finde wo einigermasse ir nächi vo de skigebiet isch und nid gad 100000yen (ca. 1000.-!🙈) ufwärts chostet für 3ü bis 4 nächd. Mir hei iz ä backcountry lodge ds niseko gfunde für bis am samsti. Simer ämu afang chli versorget 😉
Nach üsne 2i flüg und ca. 17h speter simer am chitose international airport acho. Mir si ner miteme schnällzug richtig sapporo gfahre womer iz oo di 1. Nachd übernachte. Nach paar afängläche schwirigkeite mit google maps und em drus resultierende chline stadtrundgang heimer ds hostel gfunde. 🙈 Morn am morge weimer afah plane wo und wie dases witergeid.

21 January 2018

Fully loaded 🙊🤷‍♂️🇯🇵