South Africa · 19 Days · 25 Moments · March 2017

Kerstin & Michael in South Africa


28 March 2017

Bye Bye South Africa. Es esch wunderschön gsi. Mer Chöme ganz sicher weder.

26 March 2017

Boulders Beach; e wunderschöne Strand, wo mer mit de Pinguine im Meer sind go schwömme. Es esch so herrlich gsi, die Tier i freier Wildbahn chöne z'erläbe. Teilwis sind si so nöch ond zuetroulich gsi, dass si hätsch chöne berüehre. Cape Point Natural Reserve; dört hei mer e Spaziergang am Strand gmacht zom Schiffswrack Thomas T. Tucker. Das esch es Militärfrachtschiff gsi, wo 1942 uf Grond gange esch. Foti Toby & Eg; mer hocke gmüetlich ufem Schädel vomene Wal. Cape Point, Lighthouse, esch de südwestlichi Ponkt vo Südafrika. Esch e super schöne Tag gsi. E guete Kolleg vom Mike esch mit sinere Family debie gsi. Am Obe si mer zwöi no schön go ässe (Seafood & e Fläsche Wii) ond händ somit eusi Ferie abgschlosse.

25 March 2017

Table Mountain

23 March 2017

Bushman Paintings / Stadsaal San Bushman hei Höhlezeichnige gmacht wo's no Elefante gäh het. Die ganzi Landschaft esch voller Rocks ond Höhline. Sehr idröcklich, wenn me bedänkt wie die früehner dört gläbt hei. Stadsaal; esch e riese Höhli gsi, wo Boore (ursprönglechi Holländer), vor de Engländer Schotz gsuecht hei, wöu die se hei wöue vertriebe ond s'Land erobere.

22 March 2017

Ufem Wäg zo de Cederberge. Fahrt esch heiss, steinig ond ohni Gägeverchehr gsi. Mer sind eifach is Nirvana use gfahre.

21 March 2017

Britannia Bay Geili Unterkunft mit wahnsinns Usblick diräkt am Strand. Nachere churze Fahrt vo Paternoster hei mer s'Meer (ca.15 Grad), de huuseiget Jacuzi (kei Ahnig wie me das schriebt😂), chüehli Drinks ond e Braai gnosse.

20 March 2017

De Obe am usklinge mit lekker brandy& coke / beer and braai
Üses Dihei för 1 Nacht. Super schön igrechtet ond mit tollerUssicht ufs Meer.

19 March 2017

Sunset
West Coast, Kraalbai Beach, 27 Grad, Wasser agnähm zom abchüehle.

17 March 2017

Segeln vo Simons Town nach Cape Point mit Captain Toby.

16 March 2017

Braai mit alten (för me neui) Bekannti. Esch loschtig ond spannend gsi, die alte Gschichte vo früehner z'ghöre
Perfekts Wätter för ufe Tafelberg oder för go Segle. Aber eg ha dänkt, eg luege mou wie Spital in Kapstadt usgseht. Somit hani e wunderbare Tag erläbt mit em Resultat = Bronchitis 🤒😲

15 March 2017

Chapmans Peak Drive
Waterfront, Aquarium / Queensbeach
Am Mike sim Vater sis Hus wo mer bis Samschtig wärde blibe.

13 March 2017

Letschte Tag im Park. Leider esch eus kei Grosschatz öbere Wäg glofe.

12 March 2017

7 Stond Outofahrt händ sich definitiv glohnt. Zebra, Giraffe ond Elefante sind zom Griffe nöch gsi. Es onbeschriblechs Gfüehl die Tier i de freie Nature dörfe z'erläbe. Hluhluwe ond Umfolozi Park
Gosch zor Töre us ond wotsch eigentlich los fahre ond den werd der de Wäg versperrt 😄 Ufem Gehwäg ond i de Büsch hocke ond turne Monkeys ond ergend welchi Bambies.

11 March 2017

Sunset
1. Tag im Hluhluwe Park Föteli sind vo de Kamera abfotografiert wöu s'Ipad de Wäg is Outo net gfonde het.
Just chilling ond Ussicht vom Balkon us gniesse
Höt am Morge si mer ufem Balkon ganz nätt begrüesst worde.
Üses chline, gmüetliche Hüsli bis am Zieschtig

9 March 2017

Bald gehts los 😀