South Africa · 21 Days · 21 Moments · March 2018

Judith's Tour durch Südafrika


13 April 2018

tag des abflugs.....😓🤧 letschti warmi sonnestrahle am gniesse...

12 April 2018

township tour am morge.....am nomi semmer ide stadt omegschlenderet ond am obe semmer is mamma africa go ässe ond go tanze😁

11 April 2018

Besuch des Cape of good hope😊

10 April 2018

Wine tasting tour in stellenbosch😍😍

9 April 2018

höt semmer ofe tablemountain ghiket. jajaaaaa mer hend aui chli die letschte eher alkohollaschtige täg gschpört😆 aber shed rechtig guet do weder mou chli schwetze. dsonne hed wonderprächtig gschene. etz am obe gömer go sushi ässe😍😍😍

7 April 2018

jaaaa die letschte 2i tääg hend üs disland vibes igholt😁 mer send gsi go surfe, go riiite ond hend eifach i tag inegläbt. am obe hemmer eus met tablesoccer paar mätsch gä ond im bierpong abgsahnet😎😉 mer hend aui sgfühl, das mer etz so rechtig im "sein" acho send. alle stress esch verfloge, mer chilleds herter i tag ine ond hends ufgä ergendwas zplane🤣 ou föteli hemmer chum gmacht. eifach nä wis chond...ond mer hend enand rechtig gärn öbercho ond mer wennd eigentlech grad komplett nömme hei😊 but...still 1 week left. etz höt fahremer of capetown juhuuuuuuu😍

5 April 2018

Yeeeeeeah ändlech in jeffreys bay acho!! so schön weder do zsii😍 mer send höt chli dor dstadt gschlenderet ond hend eus versuecht met es paar chleider uszstatte. esch me oder minder erfolgriich gsi. mer send im beachhouse izoge ond hend etz sogar e chline balkon met sitzglägeheit ond blick ufs meer. hammermässig...do blibemer etz bis am sonntig💃 morn gömmer go surfe ond stownship go bsueche...

4 April 2018

geschder semmer vo coffee bay of port elizabeth gfahre. eeeeewig esches gange. de ganz tag semmer im bus gsi. höt send dsilvia ond carina of safari im addo elephantpark. djudith esch im hostel blobe wäge falschem ässe🤢 be rächt ofs wc agwese gsi🤣 am obe hemmer ässe bschtöut bim thai ond de semmer gmüetlech no zämeghocket. morn gods früeh los ond ab of jeffreys baaaaaay🤙🌅🌊

2 April 2018

Day out in coffee bay....met wösse gar ned was net so vöu ziit azfo😁 mer send chli gägend gonerkonde ond hend am strand yoga gmacht. plötzlech hend die chline chend afo metmache😁😁 mega e schöne momänt gsi. mer send emmer nochli am acho ide zivilisation. esch verdammt krass was 5 täg natur met eim möched!!! am liebschte wördemer morn eifach dwanderig rechtig kapstadt fortsetze. es esch komplett e anderi wäut do. wie im auenland vo herr der ringe😄 mer hend aui üsi pflotschchleider chönne wäsche ond üses zimmer schmöckt weder einigermasse normal😆 morn gods wiiter metem bazbus of PE. Yaaaaay still 12 days left🤙

1 April 2018

höt hed dsonne weder gschene!! was förne rise, schöne momänt. mer hend aui üsi nasse chleider usbreitet. zom zmorge hed de kanyhle üs spiegeleier ond beans gmacht. dezue heds toastbrot gä met peanutbutter. mer send losgloufe metemne eher schwärmüetige gfühl. üse letscht tag vo de wanderig....mer hend jede ougeblick gnosse ond im kanyhle no üsi sache gschänkt wo mer nömme bruched. camelback, sackmässer, schueh, ponchos etc. är hed üs glehrt wases heisst eins zu eins met ond ide natur zläbe. egal öbs rägnet oder dsonne schiint. är hed eus sini wält zeigt dor sini ouge ond mer send aui mee3ga gflasht ond komplett öberwäituged vo dene idröck...mer send mega dankbar hemmer so öbis döffe erläbe ond send scho grad mega truurig eschs verbi😯 die velle grüsch & die velle mönsche done möched eus grad e chli zschaffe.

31 March 2018

Sonneblueme-effekt am morge früeh & de ganz tag. shed grägnet zwöschedore, aber nömme so schlemm wie geschder😆 dböde send matschig omd gschlefrig gsi. aso vo sthema suberkeit esch ein für alle mal gässe gsi😆 rivercrossing with kanus, eine ome ander...noch 21km im ziel erfahremer dass smdumbi hostel voll esch. met mönd e anderi onderkonft sueche..vulcani backpackers hed no platz. mer chönd kei wasser choufe & mönd abchoche. aber zo bier semmer no emmer cho😁 ofem wäg hemmer handmade zulubread becho. meeeeega fein. ond avocado & sösch no so beereli wo anschinend guet för dverdouig sege. nomou delphine gseh!! am obe heds weder mou e duschi gä ond de kanyle hed för üs pub met chakala ond kohl kochet. mer hend en isecht becho i die afrikanischi philosophie vom choche. @carina: wart, zwiebele rüefed noch der😆

30 March 2018

höt semmer am 5i verwachet abemne göggu😐 dä cheib hed kräit...abartig😆 aber mer send scho am 8ti im bett gsi. me läbt so vöu met de natur. höt heds de gaaaaaanz tag grägnet yaaaay, aber mer send trotzdem gloufe. mer hend weder woooonderschöni bochte gseh, hammer wägli. es esch eifach wonderschön. ond shighlight vom tag...mer hend delphine gseh😍🐬 ond riiise grasplantagene☮🤙 gschlofe hemmer imne höttli weder am bode. am obe (aso eigentlech done nomitag 15-18:00 Uhr) hemmer eus met bier ond loschtige zigis ziit ztod gschlage😉 am obe heds riis gä met chabis, butternut, red beans, potatoes. meeeega, mega fein gsi🍽🇿🇦

29 March 2018

höt morge semmer früeh ufgschtande ond a strand abe go yoga mache. carina esch üse teacher gsi😁 nocher heds zmorge gä. porridge oder "pap" met eier ond toastbrot. de kanhyle hed üs no fröschi beere bsorgt ond de semmer loszoge. höt sends 14km gsi. mettagspouse hemmer im schatte vomne schöne boum gmacht ond die geilschti ananas ever hemmer gässe. är hed eus die uftrebe. am obe semmer weder as meer. duschi heds höt keni gä. mer läbed do mittemdrin onder de iheimischem. tierli send eifach frei am omeloufe. geisse, hüehner, söili, hönd, chatze, änte...aaaaalles im einklang mit der natur😍

28 March 2018

erschti hiking-day. üse guide de kanhyle (oder wimes schribt😄) esch i üsem alter. är läbt in PSJ met sinere tochter ond sinere mutter. är esch seeeeehr chillig droffe. e chline rastafari. är könnt sech seeehr guet us ide pflanzewält, onder anderem ou, wime ganja pflanzt, ärntet ond roucht😁 die ganzi tour esch14km gsi, ond es esch eifach haammermässig schön. ongloublech idröcklech!!! am obe semmer no go bade im meer ond hend eus es paar bierli gönnt onds loschtig gha zäme😉✌ gschlofe hemmer imne höttli. mer hend es skorpion gseh, geckos ond e riiiiiise spinne🤣🤣

27 March 2018

jo höt hemmer e ufregende tag gha. mer send zersch metem bazbus of maththa gfahre ond det hemmer de mösse omschtige. lang esch eifach kes shuttle cho. de hemmer mou aglüte ond gfrogt öb üs no öber abholt😁 de esch de sone iheimische public-transporter cho. är hed üs könnt ond gwösst das mer of port st. johns mönd. mer send igschtege ond hend dfahrt vo eusem läbe gha. plötzlech semmer mittendrin gsi. lüüt send zuegschtege met ehrne chinder, manne, buebe, jongi froue. ou sie hend eus chli komisch agluegt! mer hend die ganz fahrt gwährweiset, öbmer dene chönd troue oder öb mer do etz grad imne riise desascher acho send. 3 wissi froue met sack ond pack elei ergendwo im busch osse😂 mer send mega, mega froh gsi wo si eus de wi verschproche im amapondos backpacker abglade hend!!! as entschädigong hemmer deför etz e "suite" becho. hammermässig😉 met gmeschte gfühl vo angscht, panik, bis öber freud ond glöckseeligkeit das aues guet gange esch, gömmer etz go schlofe😄😄 morn mömer fit si✌

26 March 2018

üse erschti rechtig ferietaag😍 nochdem mer gmüetlech zmörgelet hend semmer zfuess los gloufe ond de strand go erkonde. voll die bonze-gägend. rich-bitch-africa. sogar es goldigs wc hemmer atroffe😐 aber äffli hemmer gseh😄 mer hends meeega gnosse. am obe heds güggeli vom grill gä😁 ond feeeine südafrikanische wii🍷

25 March 2018

9h im bazbus hemmer verbrocht. mer send dor drakensberge gfahre ond etz in durban acho😊 strand, warm ond füüüüecht😆😆 am obe hemmer üse bewegigsdrang met indoorchraftüebige befredigt😉

24 March 2018

Acho in johannesburg. erschti schockmomänte ond enneri ängscht of dschtross zgo öberwonde😁 mer hend kochet...rice with chakala ond butternut vom ofe. mmmmmmmhm...mer send ganz elei im backpackers. morn gods ab of durban✌
gelaaaaandet🤗
Es god looooos...nochemne abschlossbierli hemmer eus vo eusne manne verabschedet ond hed üs ofe wäg gmacht😊