Europe, Africa · 28 Days · 27 Moments · December 2016

Jeannine's Odyssee durch Tansania


5 January 2017

Hallo mini Liebe Ich bin grad die letzte Stunde am gnüsse. Morn isches leider scho sowiit und ich muess heigah😔 morn Morge wirdi s'letzte Mal zu de Kinde gah zum mich verabschiede. Es wird mir unglaublich schwer falle will mir alli extrem as Herz gwachse sind. Vorallem d'Digna, s'Meitli wo ihr ufem Bild gsehnd. Sie isch sooo mega herzig und ich würd sie am liebschte mithei neh. Geschter hani vom Filipe, en Mitarbeiter vo help2kids, erfahre dass d'Digna und ihri Schwöschter HIV-positiv sind. Das hett mich mega mitgno. Alli Kinde im Kinderheim hend kei Eltere oder sind verstosse worde. Es sind zum Teil würklich sehr schockierendi und herzzeriessendi Schicksal.😢 Ich widme mich jetzt wieder de Kinde zue und wünsche eu en schöne Nami😘

1 January 2017

Hallo mini Liebe Ich hoffe ihr sind guet grutscht. Ich bin gester zerscht zu de Kinde und denn mit de Leyla ines intalienischs Restaurant/Bar mit ihrne Kollege zum Neujahr fiire. Mir hends mega luschtig gha. Hüüt bini an Mahaba Beach, en mega schöne Ort wo vonere Schwiizerin gfüehrt wird. Han dete zwei super Lüüt kenneglernt, wo ihr uf de Bilder gsehnd. Mir sind denn chli an Strand go laufe. De Strand isch überfüllt gsi mit lokale Lüüt wo dete Neujahr gfiiret hend. Es sind sicher öppe 500 Lüüt gsi und ich bin die einzig Mzungu gsi. Das isch de swahilisch Usdruck für Wissi😁 Und ich han de beschti Fisch gesse, wo ich je gha han😛🐟 es isch en super Tag gsi😍 Wünsche eu en schöne Abig😘

30 December 2016

Guete Morge mitenand Gester simmer mit de Kinde inen chline Wasserpark mit Rutschbahne und diverse Swimmingpools. Es isch meeeega cool gsi und d'Kinde hend uh Freud gha am Wasser und ah de Rutschbahne. Bin au paar mal uf d'Rutschbahne aber han natürlich ned so Usduur wie d'Kinde, wo das stundelang chönd mache😜 Sie sind richtig ufblüehnt und hends mega gnosse. Und ih dene Rutschbahne isches soooo heiss gsi, ihr chönnd eu das ned vorstelle. Es hett die ganz Hitz vo de Sunne ahgstaut. Und du hesch d'Hitz scho 3m vor de Öffnig vo de Rutschbahn gmerkt😁 Später bini denn no mit de Therry an Mwenge Markt, dass sie no paar Souvenirs hett chönne kaufe will sie gester Abig heigfloge isch. Hüüt Abig bini entweder im Kinderheim oder ich gah mit de Gabriella mit ines italienischs Restaurant. Ich wünsche eu ufjedefall jetzt scho en guete Rutsch is neue Jahr🍾😘

29 December 2016

Hallo mitenand Für hüt hemmer plant gha mit de Kinde uf d'Insle Mbudya Island z'gah. Am Morge hetts aber sooo fescht gregnet, dass mr vermuetet hend, ned chönne z'gah. Es hett us allne Wulke gschüttet und d'Strasse sind völlig überfluetet gsi wie ihr ufem Bild gsehnd. Gott sei Dank hetts aber gege die 10ni ufghört und mir hend trotzdem chönne gah. Mir hend denn wege de Ebbe zerscht öppe 10 Minute is Meer müesse uselaufe und denn hett eus es Schiff zu de Insle gfahre. D'Kinde sind all mega ufgreggt gsi, will sie ned oft so Sache mached. Uf de Insle simmer denn uh lang im Wasser gsi und hend umeplantscht. Ich bin denn mit de Therry, au eini wo wie ich im Kinderheim hilft, chli go umelaufe uf de Insle. Sie isch würklich es chlises Paradies. Uf de einte Siite hetts wie en chline Wald.🌲 Und ih de Mitti en chline Jungel. De einti Baum isch wunderschön gsi und meeega gross. Und under dem Baum hend sich riesigi Krabbene versteckt wie ihr uf de Bilder gsehnd🦀🐚 Es isch en super Tag gsi☺️

28 December 2016

Hallo mitenand Hoffe eu gahds gued☺️ Hüüt Morge bini zerscht in Shoppers Plaza und han de Kinde zwei Springseili kauft. Sie hend meeega freud gha und hend öppe 4h demit gspielt☺️ Und wenn du s'Handy füre nimmsch isch das sehr gfährlich will sie's denn nämlich wend ha zum Föteli mache und suscht chli zum umedrucke. Und zums wieder zrugg becho isches en richtige Kampf😁 Am Namittag bini denn mit em Filipe, er isch Field Manager da, unterwegs gsi mit sim Töff. Er hett mir chli d'Umgebig zeigt woni nonig gseh han und denn simmer en früsche Mangosaft go trinke. Momentan isch, bis uf de Filipe und mir, niemert meh im Huus. D'Sintija isch ja geschter heigfloge. Jetzt gömmer denn no an Strand go schwümme und später use go z'Nacht esse. Wünsche eu en schöne reschtliche Tag und bis bald😘

26 December 2016

Hallo mitenand Ich hoffes ihr hend d'Wiehnachte gnosse. D'Sintija und ich hend gester für d'Kinde Muffins backt. Es isch eh rechti Herusforderig gsi will sie da normalerwiis ned backet, wills schlichtweg z'tüür isch. Und mir hend d'Muffins anstatt 20min eh Stund lang müesse im Ofe lah. Mir hends denn hüüt am Morge verbii bracht und sie hend meeeega Freud gha☺️ Nachem Bsuech im Dehei vo de Kinde simmer an Mwenge Market, en riesige Märt mit allem Mögliche. Mir hend dete paar Souvenirs kauft und jetzt simmer wieder dehei. Später gömmer ines lokals Restaurant go esse, hüt isch de letzt Abig vo de Sintija. Ich wünsche eu en schöne Tag☀️🌸

24 December 2016

Hallo mitenand Han denkt ich gib mal wieder es Lebenszeiche. Im Moment hani leider no kei neui Bilder für eu. Mir hend eigentlich plant zum hüüt en Usflug uf eh Insle z'mache aber leider hetts gregnet. Und wenns da regnet chasch ned uf d'Strasse wills us allne Kübel schüttet. Mir sind also nur kurz is Shoppers Plaza und wieder zrugg. Jetzt hetts ufghört und d'Sunne schiint wieder. Mir gönd nachher id Stadt go z'Nacht esse. Ich wünsche eu allne ganz schöni und besinnlichi Feschttäg🎅🏽🎄😘

20 December 2016

Guete Morge mitenand Gester simmer an Matemwe Beach gange, de isch ned ganz soooo schön die die andere, defür sehr ruhig. Ufem Retourweh hemmer im Dörfli paar afrikanischi Frau ahtroffe und mir hend mit ihne derfe flechte. Sie hends eus versuecht biz'bringe aber es isch würklich sehr schwer. Es isch es mega schöns Erlebnis gsi mit ihne dete z'hocke und Ziit z'verbringe. Jetzt hemmer packt und sind parat zum zrugg nach Stone Town z'gah. Am 4i fahrt mini Fähre zrugg nach Dar es Salaam. Wünsche eu en schöne Tag☀️😘

19 December 2016

Guete Morge mitenand Geschter simmer mit em Boot öppe 1.5 Stunde is Meer usegfahre und sind dete am wunderschöne Ort Mnemba go schnorchle. Es isch traumhaft gsi und ich han ganz viel verschiednigi Fisch gseh und au en Seestern.🐠🐟 und ufem Zruggweg hemmer vo wiitem sogar Delfin gseh🐬 Es isch mega gsi😍 Womer denn zrugg cho sind simmer grad uf s'nächschte Boot und sind de Sunneuntergang go ahluege. D'Ihheimische hend no Trummle debii gha und hend trummlet und mir hend all gsunge und tanzt💃🏻 Es hett au sehr feini Früchtecocktails geh🍹 Am Abig simmer da ine Bar und denn no chli am Strand gsesse und d'Stimmig gnosse. Wünsche eu en schöne Tag😘

18 December 2016

Hüüt simmer an Kendwa Beach gange, das isch entlang am Meer öppe 20 Minute vo eus. Mir hend de ganz Tag am Strand verbracht, hend eus massiere lah und eusi Seele baumle lah. Es hett richtig gued tah.☀️🌴🐠 Jetzt simmer zrugg im Hotel und gönd nachher de Sunneuntergang go ahluege und denn go esse. Wünsche eu en schöne Namittag😘

17 December 2016

Jetzt simmer in Nungwi und gönd öppis go esse. Mir hend es Hotel direkt am Strand und will d'Sintija schomal da gsi isch hemmer s'Zimmer sogar günstiger bechho. Nachher gits no eh Beachparty👏🏼☺️ Wünsche eu en schöne Abig😘
Ufem Weg vo Stone Town nach Nungwi Beach hemmer es Dalla Dalla ähnlichs Gfährt gno, das isch es rechts Abentüür gsi. Denn bini s'erschte Mal mit de richtige Armuet in Berüehrig cho wie ihr uf de Bilder es bitzeli gsehnd. Es hett mich recht berüehrt und schockiert😔
Hoi mini Liebe Hüt Morge früeh isch euse Trip nach Sansibar losgange - mir sind mit de Fähre ahgreist. D'Bilder sind vo Stone Town, das isch de Ort wo du uf Sansibar ahchunnsch. Im einte Huus wo ihr gsehnd hett de Freddy Mercury glebt. Uf Sansibar isch de gröschti Teil Moslem, in Dar es Salaam hingege Christ.

15 December 2016

Das wär min z'Nacht gsi, das isch es typischs Gricht vo Tanzania und heisst Chipsy mayay. Es sind härdöpfel mit Ei und es isch meeeega fein😋 Übrigens hemmer zwei Wachhünd, de einti heisst Bella, das isch sie ufem Bild und die ander isch d'Mina Wünsche eu en Guete☺️
Hallo mini Liebe Geschter Abig hemmer öppe 3 Stund Stromusfall gha ih de ganze Nachbarschaft, zum Glück hani vor paar Täg eh Kerze im Shop kauft gha😁 Hüt hetts anschiinend au de ganz Tag kei Strom gha. Das hani aber ned mitbecho will ich ja im Kinderheim gsi bin. D'Kinde hend hüt mini Haare entdeckt und hend mir Zöpfli gmacht. Ich glaub wenni heichume hani eh Glatze😜 De einti Bueb hett mir hüt es Armketteli gmacht, han uh Freud drah😍☺️ Mir hend öppe 3 Puzzles gmacht und es Memorie. Sie hend en Ruum volle Spieli, Bastelzüüg, Büecher etc. und es isch es riesigs Chaos det ine. Vieles devo isch zum Teil au scho verschimmlet, dass mers gar nüme chan bruche. Die Tüür isch immer abgschlosse und wenn ich sie ufmache denn stürmed all ine, nehmed use was sie wend. Isch amel eh rechti Herusforderig zum sie chönne bändige. So wirdi wenigstens immer uf Trab ghalte😃 Jetzt bini wieder zrugg im Huus und nachher gits glii mal z'Nacht. Ich wünsche eu en schöne reschtliche Tag😘

14 December 2016

Ich han usserdem no d'Sintija kenneglernt, sie chunnt vo Lettland. Sie isch aber nur da ih de Ferie aber sie wohnt au da und kennt scho all will sie scho oft da gsi isch. Mit ihre wird ich das Wuchenend en 4tägige Trip mache uf Sansibar und diverse Ort wo sie kennt. Han also min persönliche Tourist Guide😃 Ich freu mich jetzt scho meeeega fescht druff☺️ Ich hoffe eu gahds allne gued und schicke eu viel Wärmi id Schwiiz☀️☀️☀️☀️😘😘😘
Hallo mini Liebe Ich han hüüt min zweite Tag mit de Kinde gha. Geschter han ichs s'erschte Mal kenneglernt und ich han ih dene zwei Täg scho sooo viel Ihdrück gsammlet. De Grossteil vo de Kinde sind sehr ufgschlosse und sueched vo Ahfang ah dini Nöchi und die andere bruched chli länger Ziit aber die müend sich zerscht no chli ah mich gwöhne. Min Alltag gseht da so us, dassi es Bajaji nimme, das isch ähnlich wie es TukTuk, und uf die 10ni gahni is Kinderheim. Dete bini die meischt Ziit mit de Kind beschäftigt, mir mached Sache wie Boxe us Papier, suschtigi Spieli oder Fuessball spiele, Kokosnüss "schäle" und raffle, oder ich hilfe bim Koche. Am Mittag essed all under de Bäum ufere Decki, meischtens wird da vo Händ gesse. Koched wird dusse, ihr gsehnds uf de Bilder, wills dine eifach viel z'heiss isch defür.

12 December 2016

Teil 4 Ich bin jetzt vorher no allei is Shopping Plaza gloffe, ein Weg isch öppe 20 min. Es isch eifach sooooo unbeschrieblich heiss, ich muess immer gnueg Wasser mitneh. Am Ahfang isches chli es komischs Gfühl gsi zum z'Fuess gah, will ich de Weg ned kenne und will d'Männer recht viel nahrüefed. Du söttsch denn eifach fründlich blibe aber no gross wiiter druff ihgah. Ich han jetzt mal paar Föteli wo ich eu chan zeige. Leider sinds ned ganz so viel will ich mich ned richtig getraut han zum fötele. Aber jetzt hender schomal die erschte Ihdrück☺️ D'Lüüt sind da würklich sehr fründlich, bis uf paar wenigi Usnahme wo amel chli komisch lueged. Ich bin jetzt wieder dehei, inere Stund gits da z'Nacht. Ich bin mega gspannt wie s'afrikanische z'Nachtesse da isch, bin bis jetzt ja no ned in Gnuss devo cho😉 Wünsche eu en wunderbare Abig😘
Teil 3 De Chris hett mir denn no gseit dass ich mit de Kinde eifach spiele chan, mit ihne bastle und male. Und dass ich ihne Mathe und Englisch chli söll bibringe und nahhelfe. Hilfe, ich weiss ned ob ich das here bringe😅 ich han leider no kei Föteli chönne mache will recht vorsichtig söttsch sii bi so sache. Es würkt denn schnell respektlos will du so quasi ihri privatsphäre störsch. Er hett gmeint sobald d'Kinde mich kenned und sich wohl fühled chan ich d'Mamas fröge. Er hett mich denn wieder hei bracht wo kurz druffabe d'Gabriella zruggcho isch vo ihrem Wuchenendtrip. Sie isch soooo eh Cooli, mir verstönd eus super. Sie chunnt us Milano und isch sitt 7 Mönet da. Sie hett mir denn au namal alles genau erklärt und chli verzellt. Anschiinend chömmed die und die nächscht Wuche no ganz viel anderi Lüüt. Bini grad froh, denn bini nüme ganz allei. Sie hett mir au gseit dass ich en Tag miteme andere Betreuer mal im Spital chan verbringe. Das wär sicher au mega spannend zum mal gseh.
Teil 2 Es isch recht ihdrücklich was für Rüümlichkeite die hend, hald würklich nur s'Nötigste. Es hett es chlises Gärtli und es Bastelzimmer und es grosses Hauptgebäude aber dete bini nonig drin gsi. Ich wird morn denn wahrschindlich s'erschte mal d'Kinde treffe wenn d'Gabriella wieder da isch. Nachher ischer mit mir no mini USD go wechsle, han au die chline note chönne geh. Bin soooo so froh dassi das han chönne mache☺️ nachher simmer no in Shopping plaza, en grosse Shop wo alles chasch ha. Dete hetts würklich alles, ich hett das ned erwartet und vorallem mega schön gordnet, so wie mirs gwöhnt sind. Frücht kaufi denn aber ah de chline Ständ wo's am Strasserand hett, ich möcht lieber die chline lokale Händler unterstütze, ich glaub die hend s'Geld nötiger als en Grosshandel. Han jetzt Wasser postet und Pasta dassi da au mal chan koche.
Teil 1 (hett leider ned Platz für so viel Text) So mini Liebe, jetzt han ich ganz viel News; De chris hett mich hüüt Morge abgholt und denn simmer als erschts zum kinderheim gfahre. Will aber im moment Wiehnachtsferie sind, und hüt au no en spezielle Tag, sind d'Kinde ned ume gsi. Han denn 3 Mamas (mer seit dene dune glaubs eifach allne Mamas) kenne glernt, de eint wo de Ihgang bewacht, und en Junge wo dete chli alles macht wie zb koche. De isch imfall so luschtig, dem sis lache haha, steckt mega ah😄 es sind all mega herzlich und ufgstellt. Es hett denn no es chlises Meitli gha wo zerscht mega schüch gluegt hett und nachher isches ufeimal uf mich zuegrennt und hett sich um mini bei gschlunge. soooo herzig😍 mir hend denn chli ghulfe koche, han mitme Mörser chli Knobli und Zwiible verstampft und Salat oder Spinat (weiss ned wases gsi isch) usenand gno.

11 December 2016

So mini Liebe, min zweite Tag gahd au langsam z'End. Ich han hüt eigentlich s'gliche gmacht wie geschter, also eifach chli ufem Balkon umegfuulet😁 d'Mama Agnes hett mich zum zMorge sogar no es Ei gmacht😛 Sie hett hüt ihres 5 Mönet alte Meitli mitgno, es hett mich mit ganz grosse Auge ahgluegt und megaaaa herzig glächlet😍 Hüüt hetts mal no 10 Minute en Platzrege geh und erstuundlicherwiis isch de Bode ned mal dunkel worde vo de Nässi will er eifach so heiss isch vo de höche Temperature de ganz Tag. Ich bin denn hüüt mal no d'Masseschlafplätz go ahluege und han denn dete eh Steckdoseleischte gfunde wo mit mim Adapter passt. Das heisst ich chan mis Handy jetzt lade, bini mega froh. Ich han vorher mal no alles packt womer für d'Kinde kauft hend zums ihne morn z'geh. Ah dere Stell namal es grosses Danke ah dich Rebäli, Tiffy und Samjrchen💗 ich freu mich mega uf de morgig Tag👏🏼 Ich gnüsse jetzt die letzte paar Stunde ufem Balkon und wünsche eu en schöne Abig und en guete Start morn

10 December 2016

De erschti Tag gahd jetzt am Endi zue. Ich han die letzte paar Sunnestrahle no ufem Balkon gnosse. Denn isch d'Mama cho und hett gseit dass sie Riis für mich gmacht hett😍 Bin ihre mega dankbar will sie das eigentlich ned hett müesse mache will ja Wuchenend isch und ich selber für s'Esse luege müesst. So muessi also doch ned mit leerem Mage is Bett. Da in Tanzania, allgemein in Afrika, gahd d'Sunne extrem schnell under. Am 6i isch da scho stockdunkel obwohl Hochsummer isch. Ich han mich jetzt mit ganz viel Anti-Brumm ihgsprayt will sobalds dunkel isch, chömmed d'Mugge us allne Löcher🐜 Usserdem isches ganz normal wenn du da ufem z'Morgetisch oder irgendwo ah de Wänd es Eidechsli gsehsch🐍😃 Jetzt hocki wieder ufem Balkon, gnüss no chli die warme Abigstunde und lah min erschte Tag usklinge. Ahja han denn übrigens festgstellt dass ich doch 2h vorus bin, komischerwiis hetts mir das demfall falsch ahzeigt gha. Ich wünsche eu no en schöne Abig😘
Sooo ich han leider müesse feststelle dass ich die einzig bin wo momentan im Huus isch und dass ich s'ganze Weekend allei da wird verbringe. Ich chan ned use will dass z'gfährlich isch und mini Betreuer sind das Wuchenend ja ufeme Usflug. Da im Huus sind zwei afrikanischi "Mamas" aber ihne chan ich leider au nüd helfe, sie sind eifach da zum putze. Ich chan also eifach nur umefuule. Bin ehrlichgseit recht enttüscht und ich hoffe dasses am Mäntig besser wird. Ich han leider kein passende Adapter, das heisst ich wird wahrschindlich glii kei Akku meh ha. Weiss ned wenn dassi dezue chume eine z'kaufe... S'andere Problem isch dass sie am Wuchenend nur z'Morge vorbereitet und für s'Zmittag und znacht isch mr selber verantwortlich... Also wird ich wahrschindlich nüd chönne esse, da ich ja ned use derf. Ich hoffes es wird besser, ich bin jetzt mal optimistisch, au wenn ich mir en bessere Start erwünscht hett...
Nacheme lange Flug und Zwüschtestop in Nairobi Ich bin geschter am 10ni gued in Dar es salaam ahcho. Det han ich denn als erschts müesse es Visa beaträge. Isch aber kei grossin Sach. Wo ich denn endlich usegloffe bin hett de Jacob scho uf mich gwartet zum mich ih mini Unterkunft Friendly Gecko z'bringe. Es isch zwar 22.30 Uhr gsi, aber immer no 26 Grad und gfühlt öppe 35. ich bin denn ih de Unterkunft ahcho und dete hett mich d'"Mama" schnell empfange aber sie isch grad wieder go schlafe. Ich han denn also selber müesse chli go umeluege im Huus. Han denn im Zimmer zum Glück en Notiz gha mit de wichtigste Infos. Denn hani wenigstens gwüsst wo dassi Wasser hole chan😃 Ich bin denn ziemlich schnell go schlafe, wie ihr gsehnd mitme mosqitonetz. Ich han d'fenster gester abig ned richtig zuebracht, bin hüt morge vom güggel gweckt worde und de beide spatze wo bi mir ufem sims hocked😁 nachher gahni mal aber go luege obs no anderi lüüt ume hett👭

9 December 2016

Sooo jetzt gahds los... Nachme hi & her bi de kofferabgab hanis au no gschafft. Hans fertigbracht zum unglaublichi 37 kg im koffer z'verstaue. Han denn no 5kg müesse umlagere und d'Nathi hett no paar sache wieder müesse mitneh😅 han denn mit 31.9 kg de koffer derfe abgeh haha. Glücklicherwiis hani nüd müesse zahle willi ja ahrecht gha han uf zwei koffere à 23kg, also hanis so chönne kompensiere. Isch mir au grad recht gsi hani ned no müesse ufcho für die koschte. Ich verabschiede mich jetzt und meld mich wenni dune bin☺️☀️

8 December 2016

Sooo jetzt hani au mal müesse ahfange packe... Trotz em riesigeeee koffer hani viel z'wenig platz und viel z'viel gwicht😅 ich wird wahrschindlich recht viel müesse zahle aber blibt mir ja nüd anders übrig. Ufem heiweg wirdi ja denn hoffentlich weniger gwicht ha😁