Switzerland, Spain · 10 Days · 95 Moments · April 2018

Insel- WanderTrip La Palma (Kanaren)


6 May 2018

Home sweet Home 🏡

5 May 2018

Guet glandet in Züri... iz mau luege wie lang mr uf d‘Koffer müsse warte. Guet isch Hüt Samschti.... so heimr z‘Bärn no e Zug für hei 😜
Am Gate am warte für i Flügger z‘stiege. Dismau schints lenger z‘Gah. scho 15min Über dr Boarding Time 😜😜😜 U iz mache si no es dürenang mit istah für i Flügger 🙈🙈🙈
Het schneu müsse gah 🤣 drum only mau wider zum „Grosse Geube M“ 😜😜😜 Die hei Üs hie e Stung gklauet 😝😝😝
Zwüschelandig in Madrid 🤣 Iz mau go Fuetter sueche bevors am 19.50h ume witer geit richtig Heimat 👍🏼
Hey spain... Madrid mir si scho gli im Landeaflug 😋
Byebye Isla Bonita .....
Dr Abflug rückt immer necher. 14.35h (uf de Kanare) flüge mr ab richtig Madrid.
Müehsams aschtah am checkin Schauter. Muess leidr haut ou si.
Mietouto abgäh u Ungerschrift das aus OK isch becho. Somit chöi mr go z‘Gepäck abgäh. Online ichegget heimr scho geschter am Abe 😝
Koffer packt u ready für Heifahrt bzw Heiflug.

4 May 2018

Wie d‘Charte zeigt hei mr doch so einiges vor Insle choene erkunde. 👍🏼
Ou dr letscht sunset heimr gnosse u lö dr Abe no uf üsem Baukon im Apertamento la usklinge mitere plouder Rundi u me feine Gläsli Caramelito Rum 😋
z‘letschte z‘Nacht uf dr Islabonita „La Palma“ Scho si die 10 Tag fasch duere. Morn geits scho ume i Flueger richtig Heimat. Ungloublech wie die Zyt vergeit.
Frisches Quellwasser due mr hurti abfuelle 👍🏼 u aschliessend geits de zruegg uf Puerto Naos. Zum Abschluss gniesse mr de no es Uswaerts z‘Nacht bi ues unger ar Promenade.
Ufem Heiwaeg simer no bimene Flohmaerit zuche. Isch zwar eher e chlinere gsi, drfuer het aber d‘Vera no grad choene Gmues ichoufe fuer z‘Weekend.
Kaffee & Kuchen nach dr Tour isch doch ou fasch es MUSS 🤣
Nach dr Tour isch vor dr Tour. Uf Hiwies vo uesne Fuehrer simer no die aute chline Hueser go gschoue vo de ender aermere Palmero‘s.
Zum Schluss heimer no es Kuenschtler Hus choene besichtige u hei no Tapas u Wy becho.
Churzwillegi Stadtfuehrig mit Mike & Heiko z‘Santa Cruz aene. Sehr intressants Inseider wissen hei mr vermittlet becho 👍🏼
Warte uf d‘Stadtfuehrig in Santa Cruz 🤣

3 May 2018

Schlummertrunk im La Nao in Puerto Naos
Sunset @PuertoNaos am Strandkiosk 👍🏼
De bevor mr Puerto Naos hei agstueret simer no mau chli ufe id Baerge go luege wo d‘Vera ab mitti Mai Ihri neui Wohnig het. Sehr schoen glaege mitere tolle Ussicht.
Ufem Heiwaeg simer no bimene Kiosqo zuche. Het no es Apéro gaeh u dr Papagei het auso tatsaechlech choene Fluege 🤣
Suesser Fraz.... het sech meh aus gaern la wuschle. Gsamthaft hets oepe 5 Chatze gha ums Hus.
z‘huetige Ziel vo uesere Wanderig isch es Beiz gsi obe i de Baerge. Mit hei e stuendige Waeg haere u de ou ume zruegg gha. Die Tasca wird vo Duetsche gfuehrt u sie hei aecht e cooli Charte zum Aesse. Aus isch super fein lecker gsi u mir hei ou z‘Dessert sehr gnosse. Guet heimr naer ume muesse zrueggwandere. Obwou so Quarkturte isch ja ou garnid soooo schlimm u de hei mr ersch no 2 Stk gha fuer ues 3 😝😝😝
Vera & Daenu mitte i de Drache- und Manduböim. Die choegae Kaktus heis aber insech. Hani doch ufem Heiwaeg wöue phoetele u de hani grad es meer vo Staechle i mire Hang gha 🙈🙈🙈
Mau d‘Ungerkunft vor angere Siete g‘phoetelet.
Leckeres Fruestueck an der Promenade in Puerto Naos bei „Gula Café“.

2 May 2018

krönender tagesabschluss
No hurti d‘Chile mitnaeh nach daem witzige Umzug 🤣
Nach dr Wanderig simer no uf Santa Cruz abegfahre go ne Umzug gschoue. Vorhaer heimr aber no imene Resto oepis chlises gframet. Fuer 7 Euro 95 heimr e Vorspiess mit Brot , Houptspiess, Es Glas Wy, wie no es Kaffi zum Abschluss becho 👍🏼
525 Jahre Santa Cruz Stadtfeier - toll war's! Die Kinder hatten Spaß und wir auch! 😉
Meerrettisch @ Oepfu plaziert 😝 Mau gschoue wie lang das sie uf dr Citrone ueberlaebe. 🤣
rauf und runter...
Bi ues ir Ungerkunft wöi si putze... de heimr haut reis aus gnoh u si bi ues no unger ar Promenade & Strand go spazifizoettle 🙃

1 May 2018

De nacheme feine z‘Nacht i uesem Apartemento heimr doch aui no luscht ufene verdouigs Spaziergang ar Promenade vo Puerto Naos. Es feins Kaeffele het natuerli ou no muesse si 😋
Nach dr Wanderig ufem Heiwaeg simer no im El Americano z‘El Paso igkehrt. De heimr e Spezialitaet vor Insle probiert. Pommes, Nudle, gezogenes Schweinegleisch & Parmesan are Mayonnais, curry , Ketchup Sauce 😱😱😱 Me hets choene aesse, aber wuercklech meh aus Speziell gsi. 🙈
Nachere Pouse am Mirador naeme mr no de churz Raeschte zum Outo unger d‘Fuess. Hie isches ou ume sehr speziell. Das isch eue mau dr Sang gsi wo dr Voukan obe het usegschpöit. 🙃
Am Mirador acho gseht me das me nued gseht. 😆 Es aenderet sech aber minuetlech. De gsehsch nued u naer hurti fuerne Momaent gseht me bis abe az Meer.
Am hoechschte Punkt acho loufemr ume duere Waud... leidr isch dr Naebu iz ume presaent. Aber es isch trotzdaem schoen zum aluege.
Vor Lavafeudueberquerig simer fasch chli gflaeschet gsi. Leider chame uf Journi kei Video ufelade. Ha das Videotechnisch unbedingt muesse feschthaute 😍 Uf dr Spiegukamera hani no es paar Lavaphoeteli, aber die choeme de ersch Deheime zum Zug 😝 Pouse heimr de z‘mitts ufem Lavafeud vertromet. Ou sehr speziell.
4 Stunden-Wanderung "El Pilar" - herrlich war's!! 😊
d‘Wanderig am El Pilar het scho meh aus farbig agfange. Beiidruckt simer gsi vom geube Bluemeteppich unger de verbroennte Kieferböime.

30 April 2018

Nach dere tolle Wanderig am Roque obe hei mr zur Vera doerfe go a z‘Nachttisch haerehoeckle. Lecker fein gsi u zfriede zaeme ploeiderlet. Aschliessend heimr du aui no Bock gha ufene Baraquillo 😋 feins Kaeffele mit Liquör
Ueber den Wolken
Geeeschafft 👍🏻 da het sch doch dˋAsträngig glohnt 😍
Love it 😍
Dr Waeg zum Roque isch e Troum 😍 da gieng maengem Toeffahrer z‘Haerz uf.
z‘Morge hei mr scho g’fraemelet abgwaesche isch ou, de chas scho fasch losgah. Mir fahre gli ab richtig hoechschte Punkt vor Insle La Palma: „dr Roque“ ... söu dr Usblick mega si. hei aber e laenge Afahrwaeg da es e kurverichi Strass sigi. Mir wuesse nonid oeb e Wanderig ufe drineliegt da mr schuesch ersch wes dunku wird ume zruegg id Ungerkunft chieme. Wir schauen mal 😝

29 April 2018

Sunset gnosse ar Promenade in Puerto Naos miteme feine Sangria u me Kaeffele hingernache.
Hinech hets es Crêpes aesse bi ues im Apartemento gaeh.... zersch sauzig u naer zuckersuess mit Schwizerschoggi 😝
Das het ues dert obe auso fasch drvoglufftet.. mir si aber standfescht bliebe u hei dr Usblick i u abem Kraterrand gnosse. Imposant sone Voukano 😍
d‘Saline si intressant gsi zum luege u phoetele, Aschliessend de no ume Luechturm glueffe u de witer gfahre zum Voukano 😆
Nachem Maerit simer de richtig Suede gfahre um am suedlechschte Punkt vo La Palma go d‘Saline gschoue. Gseht no cool us. De heimr dert oepis trunke u da ues d‘Cheuner nid verstange hei simer du ou ohni Chuechae ume witer. Egau, mir hei ja oepe geng chli Proviant bi nis 😜
Flohmaeritbsuech im Nachbardorf....die meischte hie si Duetschi wo sech so oepis drzueverdiene.
E wittere Tag uf dr Insle faht vieuverspraechend ah. Huet wöimr zersch ane Flohmaerit u naer aschliessend i Suede vo La Palma. Loufe ueberne Voukan u no Sauzhuegle go gschoue. Wird sicher ume e abwaechsligsriche Tag. U bi daem Waetterli freue mir ues umso meh 😍

28 April 2018

e „Barraquito“ gschluerft.... Kaffi mit Likör 😋
Ufem Baerg e tolle sunset gnosse u de ume abe az Meer no go nes feins Kaffi gniesse
Nacheme churze powernap simer no hurti ufe Baerg ufe a nes Dorfevent vo „La Manchas“ Die hei e schoene Platz mit Mosaik verziert 😍
Nach dr Bierpouse mach i mi ellei ufe Waeg richtig Meeresspiegu. I triffe die angere Zwoei ersch ume dunger am „schwarze Strand“ I ha die steili Raeschtwanderig gnosse... 1 Std vo ueber 500 m.ü.m. uf 0 abe mit Blick uf „Tazacorte“
Churz vorem 1. Teu mache mr e churzi Pouse zum Ussicht gniesse u ueser Sandwich vertrome. Het hie obe extrem viu Eidechsli.. obwou me scho bau Eidechse muess saege 🙈 De no hurti 600 Meter abwaerts u de hei mrs ues es Bierli zum Dessert verdienet 🤣
Chlini Wanderig zum Start 😍 Heis Huet super breicht mitem Waetter. La La Palma isch mega schoen u gruen. d‘Wanderwaege si guet usgschiuderet u ou d‘Wanderwaege perfekt prepariert 👍🏼

27 April 2018

Bevor mr bi ues im Apartemento e Spagetthifood gniesse goemer no hurti uf Los Naos fuere iz Apéro zum Mike. Dasch isch dr Wanderguide hie uf dere Insle. Hei ues agmeudet fuer Staedtetour in Santa Cruz next Friday. Das wo dr Daenu het isch e super leckere Kaffi. Vo unger: suessi Milch, Likör 43, u es espresso mit eme Miuchschumabschluss. Suuuuper lecker... isch oepe nid z‘letschte mau gsi 🙃
Da simer Morn gnoetiget obeabe z‘loufe. Ja genau, i dere Steilwand.. wird sicher spannend 😝
Selfi‘time fuer d‘Saskia in Germania 😄
Speziel‘s Boot grad igfahre. Sig schins es Boot mit Glasbode.
Krebswathing.... ungloublech wieviu da sech a dene Steine tummle 🙈
Fishsoupe ir Promenadebeiz vo „...“ De Gsichter ah z‘beurteili mundet‘s 😋
Mi erschti Schwarz Strand wo ni gseh. Gfaut mr extrem guet. Finges cool wie aus drufobe farbig usgseht 🤣
Mir fahre witer a die naechschti Meerespromenade. Hei langsam Hunger . Bim Parke vo uesem 🌵 heimr aber praezision zeigt 😜
Ha daem Typ zuegluegt bim parke 🙈... houptsach Er het si Wage plaziert. Wie die angere... speziell dae links waeg chunt isch ja eher Naebesach 🙄
No es paar witeri Detail us daem schnusige Meere‘s Kaeffle 👍🏼
Stadtspaziergang in Los Llanos. Mir si meg aus. Begeischteret vo daem haerzige Doerfli vo de Palmero‘s 😍
Einmal Fruestueck 😍 u aschliessend go d‘Vera abhole damit mr uesi Ungerkunft choei go zahle.
Morgens 20 nach 8 auf La Palma..alles ruhig und still 😍

26 April 2018

Ar Promenade vo Puerto Naos heimr du ueses erschte spanische aesse gnosse. Ou scho e Spezialitaet probiert. „Papa Arrugada“ Gsauzni Haerdoepfeli mitere gruene Tomatesauce. Wikipedia: Meersalzkristallen weiß-panierte Runzelkartoffel
De nachere kurveriche Fahrt ueber ne Pass simer vor Vera haerzlech empfange worde u hei ues i uesere Ungerkunft choene irichte. De no es Apéro gnoh... u ab zum go z‘Nachtaesse. Huet darfs ruhig Usswaerts si 😜
Dr erschti Stop isch de aber scho bim Lidle gsi. Dr Eint vo de Zwe uf dr ganze Insle 😜 Dr Kofferum heimr glüht .. längt afang fürnes Momäntli. 😜
Nachere churze suechi heimr du im zwöite UG ou no d‘Carvermietig gfunge u ne Citroen Cactus i empfang gnoh. Wo üs zˋSeniorita dr Cactus übergäh het simer de ou grad richtig „Puerto de Naos“ abgefahre.
E perfekti Landig bime sehr aschpruchsvoue Flughafe in Santa Cruz. Hie hets Ufwind wo z‘Landemanöver nid grad einfacher mache. Merci „germania“ Isch ächt e agnähme Flug gsi. U mir hei auso ou nid schlächt gstuunet wo üses Gepäck scho grad us erschts isch ufem Loufband glandet. 👍🏼 positiv überrascht 😜
Land i Sicht 👍🏼 meh aus gschpannt simr 😝 wie gseht äch La Palma aus? I persönlech bi no nie ufere Voukaninsle gsi.
Churz vorem Landeaflug bi tollschtem Wätter . Zwüsche düre hets Üs aber trotz däm Wätter es paar mau düregschüttlet. Iz churz vor Akunft simer gschpannt öb äch üsi Koffere ou dr Wäg uf La Palma gfunge hei. Bim itschegge het z‘Loufband nid funktioniert 😱😱😱 e churze Momänt überleit öb mr äch no öpis wöi umpacke 😝 Aber mir si guter Dinge 😁 mir gloube a d’Fluggseuschaft „germania“ 🤣
Suerprise, Suerprise .....het no öpis z‘Ässe gä im Flügger. U man staune, garnis sooooo übu gsi die Pesto Teigware.
Ueber de Wuche..... Die 3 Urgestei stö Spalier zum adie säge 👍🏼 Hammer Usblick überem Näbumeer.
.....uuuuuund wäg 😜 Si die Rapsfeuder nid toll so us derä Perspektive? 😍
Ready for take–off ✈️
Boardingtime 09.35h 😜👍🏼😜 z‘Wätter schiint scho mau z‘passe 👍🏼
D’ Weud im Blickfeud 😍
Äntlech Isch es sowit, LA PALMA mir hei Üs ufe Wäg gmacht. Iz ungerwägs mitem 🚂 uf Züri a Flughafe.