United Kingdom · 49 Days · 36 Moments · May 2017

Katrin & Fritz in England & Schottland


28 June 2017

Ds Folkestone (Chridefelse) hei mer üsi letschti Englandnacht verbracht. Mit de "Turteltäubchen" isch üse "Journi-Bricht" fertig. - Mir sy zum Glück nach etleche km Fahrt guet deheim aacho.

27 June 2017

Ds Salisbury het üs die us eim Guss bouti Kathedrale (innerhalb 45 Jahr) imponiert. Die letschti Stadt, wo mer aagluegt hei, isch Rye gsy. I dere sehenswärte Altstadt sy fasch alli Hüser im mittelalterliche Zuestand erhalte blibe.

25 June 2017

Nach je 1 Nacht ds Dartmouth und Charmouth (Jurassic Coast) sy mer uf Fossiliesuechi und hei nes über ne stimmigsvolle Aabe gfreut (Foto speziell für d Christina). In Cerne Abbas, es verträumts Dörfli sy mer um dä "Naked Giant" (vermuetlech prähistorisch) umeglüffe und dr Royal Oak sy mer vo inne ga gniesse!!! Mir hei gmerkt, dass es dert gueti Desserts git. Jtz sy mer ds Salisbury.

24 June 2017

Üsi "Rückfahrt" isch hüt vo Cornwall uf Dartmouth gange. Bi Näbel sy mer gstartet, ds Navi het üs wieder dür extrem schmali Strässli gführt (d Äscht hei hüffig üses Outo gstreift) und hei unterwägs 2 rustikali, schmucki u "süessi" Fischerdörfli gseh (Fowey und Polperro). Die 8-Outo-Fähri het üs e Umwäg vo es paar km erspart.

23 June 2017

Ds Wätter uf üsem sehr windige Zältplatz cha innert Chürzi wächsle und d Strässli sy hüffig extrem schmal - e grossi Aaforderig a d Fahrer bim chrüze. / Ds Land's End steit dä sinnig Pub. / Ds Cape Cornwall isch e beiidruckende, schöne Ort.

22 June 2017

Vorgeschter sy mer a südweschtlichscht Zipfel vo England (Cornwall) greist. Näbem ne fasch karibische Strand, hei mer am Abe im ne Freilufttheater vom Andersen "the emperor's new clothes" gseh - ydrücklech vor dere Kulisse. Die schöne alte dickmuurige Pubs - wo me mittlerwile nid nume Fish and Chips cha ässe - hei nes angetan.

20 June 2017

19 June 2017

Ergänzig: Grabplatte isch ds Grab vo de Grosseltere. I däm Hus het d Emily Sophia Grafton (früecheri Foto) u teilwys ällwäg o d Grossmama gwohnt. - Am Abe sy mer bir Jenny (Thornbury-Zyt vor 49 Jahr!) z Blagdon zum z Nacht yglade gsy. - Alles Nechi Bristol, wie o die nächschte Fotos vo Bath: Das isch zu römische Zyte es berüehmts "Spa" gsy. Julius Cäsar und anderi "Stei-Kaiser" umringe das Bad.
E emotionale Momänt hei mer uf em Friedhof vo Corston erläbt, wo mer die Gräber vo dr Grossmama u Grosspapa (dank em Neil) gfunde hei.

15 June 2017

Uf em Wäg nach London hei mer e churze Abstächer nach Cambridge gmacht und hei ds Chertsey trotz Stadtnechi e wunderschöne Zältplatz mit vilne Eichhörnli im ne Park diräkt ar Themse gfunde. Am Fritig hei mer d Juliet i ihrem Hus bsuecht und sie het üs e Foto vo euere Ur-Ur-Urgrossmueter zeigt (Emilie Sophia Grafton). Üsi Wyterfahrt geschter i d Nechi vo Bristol (235 km het 10 h duuret, wovon mer vom km 14 bis km 17 guet 3 h bi 28 ° C hei brucht!)
Ds Mablethorpe hei mer fasch imene Weizefäld camperet - mir hei die schönschti Ussicht vo üser "Veranda" us gha. Mir sy froh gsy es Stück vom Dorf ewägg z wohne, wil mir dert es verstoubts "Mini-LasVegas" atroffe hei.

13 June 2017

Die 3 Fotos sy ir Altstadt ds York entstande (Kathedrale mit 2000 jähriger Gschicht) uf dr Fahrt vo Barnard Castle nach Mablethorpe ar Nordsee. Dank em "mapsme" vor Dominique hei mer o hie wieder - wie scho mengisch - es Ziel uf Ahieb gfunde - hie e Parkplatz ganz im Zentrum. Es super App!

11 June 2017

Vom CP Barnard Castle hei mer nach emne "Hushalttag" en Usflug zum ne tosende Wasserfall und ere alte Bleimine (samt ere 1-stündige Füehrig dür dä Stolle = Iigang uf dr Foto) gmacht.

9 June 2017

Di still gleiti königliche Jacht "Britannia" hei mir üs uf ds Genauschte aagluegt / Diningroom, wo Clintons, Jelzins ... sy empfange worde / Salon vor chünigleche Familie / Arbeitszimmer, wo d Queen nach emne starch strukturierte Tagesplan gschaffet het.

8 June 2017

Üsi letschti Station ds Schottland isch Edinburg gsy. Nach emne Sightseeing hei mer üs vor allem de "Royals" gwidmet (Palast wo d Queen Staatsgescht empfaad) / Edinburgh Castle / Altstadt (Grassmarket)

6 June 2017

Vo Aberdeen (CP) über Stonehaven (Foto) bis St. Andrews (Mekka für Golfer) ca. 30 h Duurräge!

5 June 2017

Ds Aberdeen het üs ds ehemalige Fischerdörfli am Hafe fasch besser gfalle, als d Stadt sälber.

4 June 2017

Uf dr Reis vom Speytal nach Aberdeen hei mer en Abstächer zu däm Fels-Chessel - wo dür nes Tor mit em Meer verbunde und es Vogelparadies isch - gmacht.

3 June 2017

Vom CP Speyside hei mer hüt e Rundfahrt über Fraserburgh (Näbelhorn mit Katrin!) / Pennan (malerisches Dörfli "stotzige" Bucht) / Keith (e friedleche Tagesabschluss nach 21.00) gmacht.

2 June 2017

Vo Dingwall sy mer i ds "Whiskyparadies" (9 Destillerie im Spey-Gebiet) gfahre. Glenfiddich Destillerie hei mer agluegt und ...

30 May 2017

Bir Akunft uf em CP Dingwall (nördlich Loch Ness) isch üse Platz bereits bsetzt gsy: vo härzige, chlyne u ganz chlyne Häsi. / Hüt hei mer ds Inverness im ne Supermarkt (Stiefel u Rägehose!!!) u im gmüetleche viktorianische Markt "gschoppet" u nachhär im ene Chocolat Coffee Shop erholt!!!

29 May 2017

Im ne chlyne "Ballenberg" / Kilt Rock (Basalt Felsen) / "Old Man of Storr" alles Wahrzeiche uf dr Insel Skye. ...

27 May 2017

Uf dr Fahrt nach Skye hei mer das "filmberüehmte" Eilean Donan Castle (James Bond ...) agluegt. Bi üsem CP, wo amene Meeresarm bi Edinbane liegt, macht sich Ebbe und Flut sehr stark bemerkbar. Hüt sy mer mit de Velo ds Schloß Dunvegan ga aluege.

26 May 2017

... ds Nessi hei mer aber erscht am Aabe bim Zältplatz gseh im See verschwinde! Morn fahre mir wyter uf d Insel Skye.
Ds 1. Mal hei mer chönne dusse ässe. Ds schottische Brot isch wie Schumgummi und derfür lang haltbar! Hüt sy mer mit de Velo am Loch Ness nachegfahre. ...

25 May 2017

E erstunlech sunnige u warme (27°C) Tag ds Schottland uf dr Fahrt zum Loch Ness. Mir campe diräkt am See u kämpfe chly mit de Müggeli. ...

23 May 2017

E "feine" Pub z Balmaha, wo's Pizzas wie ds Italie git / u hüt e wunderschöne Morge am Loch Lomond (See)

21 May 2017

Bim ne Steikreis a la Stonehenge ir Nechi vo Kesswick ca. 4 500 jährig / e pot of tea ds Borrowdale im ne malerische Täli

20 May 2017

Ir Beatrix Potter World (Peter Rabbit Büechli) und typische Lade ds Hawkstead.

19 May 2017

Ds Windermere, ir Nechi vo üsem "3-tägige" CP. ... Im Café Italia git's extrem gueti Desserts (warme apple pie mit Glace und aftereight cheesecake mit Glace u früsche Beeri).

18 May 2017

Uf em ne "Hase"-CP im lakedistrict im Norden vo England.

16 May 2017

Am Geburi vor Phyllida (mit Huet) im ne Tea Shop vom ne Museum.

14 May 2017

Uf em CP in Finchamstead (4 Nächt)
Z Bsuech in Alton bi Phyllida, Stephen und Neil.

13 May 2017

Überfahrt nach Dover / spontane Abstächer nach Canterbury / mühsami CP-Suechi bis 21.30 MEZ.

11 May 2017

D Katrin startet nach England - emel afe bis zu de Ghüdercontainer! ... Nach der 1. Nacht z Nancy ... und hinech z Guines.