Australia · 6 Days · 5 Moments · May 2017

Eve allein in Aussie


26 May 2017

~🏄🏼‍♀️NOOSA-BRISBANE🚙~ Mit viel Muskelkater neigt sich mini Wuche elei in Aussie am End zue😉 s Surfe isch mega gsi (3 Täg bueched - 4 Täg gmacht söll ja öpis heisse😜🏄🏼‍♀️🏄🏼‍♀️🏄🏼‍♀️🏄🏼‍♀️)! Die letschtä 2 Täg hani güebt elei grüeni Wälle (Wälle wo nanig broche sind) zverwütsche: wämmers schafft: mega🏄🏼‍♀️👌🏼; wämmers nöd schafft: ja dänn verwütscht eim halt d Wälle umso meh😜🙈😂 Aber jetzt isches doch schön wieder imne Hotelzimmer acho zsii mit eignigem Bad😉 innere Stund landet mini Schwöster & dänn gaht s Abentür mit ihre wiiter😎 Mis Fazit für die Wuche: ich bin definitiv es Rudeltierli und kein Einzelgänger😜 ah ja & alt fühlmi au (und das nöd wägem Muskelkater😉)

24 May 2017

~🏄🏼‍♀️NOOSA🏄🏼‍♀️~ Alles tuetmer meh😜... 2 vo mine 4 Surfsessions hani scho hinder mier: immer meh Wälle schaffi ufem - anstatt underem😜 - Surfbrett, zbewältige😅 Im Hostel (han es Surf&Stay Package bueched) tueni de Altersdurchschnitt erheblich ahebä😜🙈... Näbst em Surfe gnüssi s schöne Wätter am Strand sowie die schöne Sunneuntergäng ide Kanäl😎 (Sorry Sabi, ich han jetzt no d Sunset Canal Cruise gmacht😬😇) Ah ja: s erstä Mal elei ines Restaurant traut hanmi au💪🏼😅 ganz nach Selbsterfahrung 2.0😜

22 May 2017

~MARY VALLEY - AMAMOORE~ Uf de 6i de Wecker gstellt, zum de Sunneufgang gseh🌅 (nachher wieder go schlaafe😜). Näbsteme churze Usflug zumene Ussichtspunkt hani hüt d Lodge i volle Züg gnosse, bevors dänn morn wieder ines Backpacker 6-Bett-Zi gaht😉 Will s riite ja "usfallt", fangi morn scho mitem🏄🏼‍♀️ah👏🏼

21 May 2017

~MARY VALLEY~ Nachme churze Abstächer zum 🐬-füettere😍 (wild läbendi 🐬 wo jedä Morge an Hafe chömed, wills deet gfüettered werded) hanmi uf de Wäg is Mary Valley gmacht, woni 3 halbtages Usritt🏇🏼 und 2 Übernachtige im Camp bueched han. Déjà-vue: 3 Täg bueched, dasmal nume 1 Tag gmacht😜😂 Super Ross händs gha & traumhafti Wäg dur de Rägewald (sorry, kei fötteli, han d Kamera nöd derfä mitneh🙄) - aber soooo unfründlich... da ich nur de hüttig Tag zahlt han, hanmi churzerhand entschlösse de Rest nüme azträtte und ines Hotel icheckä😜 han ä super schöni Lodge gfunde zmitsd ide Wildnis😍

20 May 2017

~TIN CAN BAY~ Nach 3 unvergässliche Wuche bini hüt ohni min partner in crime zrug uf Brisbane gfloge, woni am Flughafe mis Gfährt für mini einwüchigi Sälbsterfahrig bin go abhole: da s Upgrade vode chlinste Kategorie uf en chline SUV (mit integriertem Navi) günstiger gsi isch, als d Mieti vomne Navi, bini mitme SUV i mis Abentür losgstüred. Da de SUV glich es paar Meter chürzer isch als de 🚐, bini mit LINKS us de Stadt düsed🚙💨 De Plan für die Wuche sind 3 Täg 🏇🏼und 3 Täg 🏄🏼‍♀️. Plus no en churze Abstächer nach Tin Can Bay zum 🐬füettere😍 Ganz nachem Motto "Selbsterfahrung" hani imne Backpacker ichecked & bin am Abig elei is Pub es 🍺 go trinke😅 (ok, mit mim Handy😜)