Switzerland, Australia · 18 Days · 12 Moments · April 2017

Sabi & Eve Down Under


16 May 2017

~MIDLIFE CRISIS?!~ Airlie Beach het eich nume de Usgangspunkt für oise Sailing Trip sölle werde... hetti... nachdem mini Schwöster (wo die letschtä 3 Wuche mit mier in Aussie wierd verbringe) auno afange hät stürme wäge Skydiving✈️💨😱 hani igwilligt & mier händ oises Ticket zum us 4'200müM usem Flugzüg gumpe bueched🙈😱😅 die schön Ussicht über de Whitsunday hämmer nur begränzt chöne gnüsse😜 - bismer usem Flugzüg "usgstiege" sind:😍👌🏼 nach gfühlte 3 Sec (sind 60 gsi😉) freie Fall isch de Fallschirm au scho ufgange... Voller Adrenalin simmer dänn am Namittag direkt is Pub & uf was für ä Idee mier es paar Bier später cho sind, gsehnder ide Bilder😜🙈😂 .. Und ja: ich bin fasch gstorbe🤣😱 (@Manuela: kei Angst, ich chume namal - also go Skydive😜)

13 May 2017

~THE WHITSUNDAY ISLANDS~ Mit gnueg Reisetablette intus & eme packte Rucksäckli hämmer eusi 3-tägig Tour uf de Whitsunday Blue aträte! Im Verglich zu de Frazer Islands händ mir das Mal als Honeymoon Crashers euse Uftritt anegleit (trotzdem händ mir d'Schlafensziit stets als ersts iglüte!😂)! Uf dere Tour simmer nöd nur mit traumhaftem Wätter, sondern au mit guetem Ässe, super Gsellschaft & usserordentliche Ussichte bedient worde!⛵️🥂🏝obwohl sich kei 🐬 blicke lah händ, hämmer immer wieder 🐢 und eimal sogar zwei chlini 🦈 bi de Jagd dörfe sichte... Erstunlicherwiis händ mir eus dank Stoppuhr a diä 2-minütige Duschziite ghalte!⏰🔚 Chum hämmer eus as schauckle vom Boot gwöhnt gha, ischs au wieder verbi gsi!😔 defür häts denn a Land wiiter gschaucklet und mir euses (für d'Eveline sehr sehr sehr schmerzhafte) Abentür uf festem Bode fortsetzt...😁👌🏻

10 May 2017

~CAPRICORN CAVE & BUCASIA BEACH~ S'Idunkle bi de Wiiterfahrt richtig Norde hät eus zu de Capricorn Cave gfüehrt. De Zwüschestopp hämmer mit 95 Schüeler dörfe teile!👧🏼👦🏻 Was eus jedoch dütlich meh verängstigt hät, sind diä viilä Grüsch & Tierli ufem Wäg zu eusem Camper... D'Thuut hät mindestens 3x gschroue und isch sicherlich 2x (mitm Handyliecht) devo grännt...🏃🏻‍♀️🐜🕷🐌 Am nöchste Morge hämmer e Tour mit viilnä 🦇 dur diä Höllene teilt!🙈 Wiiter richtig Norde hämmer 2 chilligi Täg in Bucasia Beach gnosse, wo s'Meer bi Ebbe richtig wiit weg gwanderet isch... D'Reis isch nach de gmüetliche & fuulä Täg wiiter richtig Airlie Beach!☀️🚐 Ah ja: Parkiere chömmer!😂🙈🙉🙊 *Anmerkung der Redaktion*: d Colangelo hät mindestens gnau so gschroue🙉😂

7 May 2017

~FRASER ISLAND~ E drü Tagestour buecht, e zwei Tagestour gmacht!;) Ufgregt & neugierig simmer in Tourbus igstiege... ⛽️ Gli hämmer realisiert, dass 95% vo eusne insgesamt 26 Gspändli ihres U20 Zwüschejahr in Australie verbringet!👩🏼‍🎤 Euse Usflug hät mitere Strandfahrt uf Fraser agfange, wo mer glücklicherwiis scho de ersti vo insgesamt drü Dingos gsichtet händ... 🐕 Leider isch de Lake McKenzie z'chalt gsi zum Bade, defür hämmer d'☀️ gnosse!Bereits während de Regewaldwanderig häts agfange rägne, und zwar fest, was dezue gfüehrt hät, dassmer direkt i euses Zimmer sind! Während d'Teenies no lang Party gmacht händ, sind mir pflichtbewusst und eusem Alterigsprozess entsprächend früeh is Bett!😎 D'Huus-Erschütterig zmitzt ide Nacht, isch uf de gfallni "Hoppie" zruggzfüehre gsi... evtl de Fuess broche😂 De zweiti Tag hät eus, unteranderem au weg de "Kater"-Rueh vo de Teenies, dütlich besser gfalle!🏝 Trotzdem hämmer entschiede, de dritti Tag uszlah & früehner richtig Norde wiiter z'fahre!

6 May 2017

~RAINBOW BEACH~ Als Usgangspunkt für oisi Tour nach Fraser Island simmer amne schöne Campingplatz direkt am Meer in Rainbow Beach ichecked🚐🌴. Hüt häts en Recovery Tag vom viele laufe geh😜 wills so fescht gwindet hät simmer dänn aber vom Meer an Pool go hänge😉😎🌴

4 May 2017

~NOOSA~ Eich hämmer wägem Muskelkater🙈😅 im Noosa Nationalpark uf ä längeri Wanderig wellä verzichte - nume hämmer de einti Punkt verpasst & damer das ersch ide Hälfti vode ganze Route gmerkt händ, hämmer dänn gliich de ganz Circle gmacht😜 s hät sich uf jedä Fall glohnt😎🌴👌🏼

3 May 2017

~BYRON BAY~ Nachere erstä Nacht im 🚐 & eme erste sälber gmachte Zmorge 🍳 simmer hüt Byron Bay - es Hippie Surfer Örtli -go erkunde. Zersch am Strand chli go Vitamin D tanke 😎 & dänn hämmer de Cape Byron Walking Track zum östlichste Punkt vo Australie gmacht - d Ussicht hät die zruggleite km / Höhemeter & dassmer inen Platzräge cho sind uf jedefall wett gmacht! Ah ja und oise ersti Koala 🐨 hämmer i offener Wildnis gsichted😍 Ganz nachem Motto "der Sonne hinterher☀️" gömmer hüt uf Noosa (da schiffeds nämli grad voll) 🚐💨

2 May 2017

Mit 8 meter erfolgrich im linksverchehr acho... okeee, es hät 2-3 afänglichi schwierigkeite geh, wiä handbrems nöd glöst, en mittelschwere fast-unfall & ähnlichs... aber schlussendli chan mer säge, dass eusi integration in australische strasseverchehr glunge isch!;😁 In Byron Bay acho isch diä nöchst herusforderig im irichte vo eusem motorhome gsi... de platz isch chli, d'chleider sind viil! Aschlüssend hämmer eus uf de weg zum strand gmacht... de weg hät dur schlamm, sand und kontaminierts gebiet gfüehrt, aber für de sunneuntergang häts sich glohnt!😊☀️ Diä einzig bis jetzt unklärt frag isch, ob mir zwei wüki fürs camping gschaffe sind...😂

30 April 2017

Am zweite Tag bereits s zweite Highlight erläbt🙈 Nachere Sightseeing-Tour durch s schöne Brisbane, simmer im botanische Garte zwüsched d Blueme gläge & händ s schöne Wätter gnosse😎 händ dänn no drüber gret, dass jetzt es Festival meeega wär... ja, churz später hämmer wiit weg Musig ghört & sind dänn de Ohre nah😜 und was findemer: es FESTIVAL😁👏🏼🎉😎 Da hämmer natürli nöd zögeret & händ ois es Ticket kauft & ois under d Aussies gmischlet😊 Milkey Chance hät sich uf de andere Siite vode Wält grad no besser aghört😜🙌🏼 --- Morn holemer dänn oise Camper🚐 ab & dänn gaht oises Australie-Abentür ersch richtig los (mal luege wiemer ois mitme 7m-Gfährt uf de linke-strassesiite schlönd😅) --- Ah ja: s Fürwerch zum Geburtstag vom Buddah womer vo oisem Hotelzimmer us gseh händ hani fasch vergässe😜😅👌🏼
No keini 24h in Australie & scho es meeega Highlight erläbt😍🐨

29 April 2017

24h später - mitme chli längere Ufenthalt in Singapore als planed - simmer guet in Brisbane acho😎

28 April 2017

Ready for takeoff✈️🐨