Ecuador, Peru, Bolivia · 35 Days · 10 Moments · February 2019

Ecuador / Peru / Bolivien


3 April 2019

Mir sind die letzte 3 täg ide Pampa usegsi🙈 es isch würklich genau üses chline hüttli gsi und schust eifach dschungel und en fluss🙈 ei tag simmer uf Schlange suechi, hend aber keini gfundä(zu mim Glück)🐍😅 und den isches zum Piranhia fische gangä und mir hend 20 chönnä fische und die heds den gad zum znacht gäh🐠😇 und den simmer no mitem böötl uf tier exkursion gangä und hend det flussdelphine, kaimane, schlange, schildkröt und ganz vieli Vögel gseh🙈

25 March 2019

Hüt sind mier ufem Montaña de la siete colores gsi🙈 auch bekannt als Rainbow Mountain und de isch 5036 m.ü.M. D Wanderig det ufe währ eich nid so streng aber wäg de extrem dünne Luft trotzdem ahspruchsvoll gsi. Defür hemmer wiedermal glück gha mitem wätter, erst womer wieder dunne gsi sind heds afe regnä😇. Ufem weg hemmer vieli Alpakas ahtroffe und ich hans natürlich bid chönnä lah und es selfie mitme coole Alpaka (mit sunnebrülle) gmacht😎😅

22 March 2019

Gester sind Katja und Ich ufe Machu Picchu glofä☺️ de weg usch streng gsi mit vielne stufe aber dobe acho isches eifach traumhaft gsi😍 am afang hed sogar no bizzeli d Sunne gschunä☀️ und den usch de nebel cho aber dur de heds au sehr mysthisch usgseh. Würklich sehr idrücklich gsi was d Inkas da obe buut hend. Nachdem mir 2h ufem Machu Picchu gsi sind simmer alles wieder abeglofe und nomal 11km wiiter wo üs den es büssli wieder abgholt hed😊

18 March 2019

Jetzt simmer gad ide Wüesti in Huacachina😊 es isch sehr udrücklich en chlini Oase und rundume eifach nur Sand🙈 mir sind mitme Boogie chli umegfahre und den hemmer no chönne mitme sandboard abefahre😄 sehr cool gsi und den de Sunneuntergang isch au mal öppis anders ide wüesti zgseh als am Meer😇

15 March 2019

Die letzte 4 täg simmer in Lima gsi, de Hauptstadt vo Peru:) Es isch zwar en riese Stadt aber trotzdem sehr ahgnehm und d lüüt sind total fründlich und hilfsbereit😊 mir sind ei Tag ide Altstadt gsi mit de schönä Kolonialgebäude und mitem Präsidentepalast womer gad au no en Parade mit de Blasmusik gseh hend. Amene grosse Markt simmer au no gsi det gids alles vo Frücht, Fleisch, pfanne über schueh bis zum Hochziitskleid😂 und wie traditionell in Peru hemmer amene Abig es Meersüüli gässe aber das wird öppe au s letztmal gsi si🙈 es schmöckt zwar ähnlich wie Poulet aber wiemer uf de Foti gseh chan gsehds mitem Kopf halt doch nid ahmächelig us😂 hüt ah üsem letzte Abig simmer no zunere Ruine gange wo vode Inkas buut worde isch. Mir hend sehr interessant chönnä lerne über die Generation vode Inkas. Es sind sehr schöni Täg gsi hie in Lima aber morn gads mitem Bus wiiter uf Huacachina😇😊

10 March 2019

Üsi Täg uf de Gslapagos Insle sind leider verbi und morn flüged mir zrugg ufs festland vo Ecuador. Mir hend i denä Täg verschiednigi wunderschöni Ort uf 2 Insle döffe kennelernä unds eifach richtig gnüssä☀️😍 D Katja und Ich hend so vieli Tier gseh womer bisher nur vom Zoo kennt hend (Seelöwe, schildkröte, leguane, roche, chlini Haie, pelikane und wasserschildkröt) und alli die Tier mal ide Natur use zgseh isch sehr idrücklich gsi🙈 aber nache 4 Täg Summer, Meer und heisse Temperature heisst wieder zrugg ufs festland und den mitem Nachtbus ab uf Peru☺️😇

9 March 2019

Mir sind hüt uf de Galapagos Insle acho😊 und am erste Tag hemmer scho vieli Seelöwe gseh wo im Wasser oder ah Land gsi sind und sich vo de Mensche nid hed la störe🙈 schwarzi leguane, krebs und wasserschildkröt hemmer alles au gseh sehr idrücklich☺️ ebefalls sehr toll isch de Sunneuntergang gsi☀️ aber d bilder spriched glaubs für sich😍😍😉

5 March 2019

Die letzte Täg simmer in Baños gsi. Der hemmer underanderem am Karneval mitgmacht😂 aber d Föteli sind vom Pailon de Diabolo, das isch en wuchtige Wasserfall vo 80m abegad und mr chan det mitere stäge alles abelaufe🙈 nachher simmer nu zum berüehmte Casa del Arbol gangä eigentlich en herzige chline Ort oberhalb vo Baños aber da die Iheimische Ferie hend heds zimmlich viel Lüüt umegha😬 det hemmer chönnä amene grosse Ritiseili dorekt ab Abgrund schwinge was zimlich es cools Erläbnis gsi isch😍☺️

2 March 2019

Mier sind die letzte zwei Täg in Otavalo gsi, en Stadt wo anschinend die riichste Indigene Lüüt vo Ecuador herchömed. Det isch jede Samstig Märcht und zwar riesig d katja und ich hend de ganzi Tag am Märcht verbrunge und einiges kauft. Dank üsne spanisch Kenntnis hend mir üs guet chöne dureschlah und au bim märchte hemmer immer en guete priis chönnä anebringe🙈🙊 hüt simmer ca 6 stund mitem bus wiiter gfahre und zwar uf Baños und da hemmer es chlises herzigs Schwiizer Restaurant gfunde und hend sit ca 2 mönet wiedermal Sauce gässe😍😍 d katja und ich hend üs gfühlt wie im 7te Himmel😂😂😂

28 February 2019

D katja und Ich hend üsi erste täg ide hauptstadt vo Ecuador verbrunge und zwar in Quito. Das isch die höchstglägni Hauptstadt vode Welt uf 2800m.ü.M. Mir sind hüt zum Mitad del Mundo gangä das isch uf Dütsch de Mittelpunkt vode Erde😇 det gad d Äquator -Linie verbii bzw fast gad sie det verbi (sie hend sich nähmlich anschinend verrechnet früener🤷🏼‍♀️😂) es isch sehr schön gsi und mir hend sogar en Stempfel übercho i üsi Pass👌🏻👍🏻 und was üs au gad is Aug gfalle isch, sind die viele chline Grillständ wos da gid und bide meiste sind Meersüüli druff will das hie en Spezialität isch🙊🙈