Switzerland · 8 Days · 110 Moments · August 2018

Doris & Aerdnaworld on e-bike dür d’Schwiz


19 August 2018

U o ume daheim😉
Bye bye.....
z’letschtemau zäme z’Mittagässe bevor mr enang Tschüss säge nachere Wuche uf gmeinsamen Wäg. Schön isches gsi u es het gfägt.
Üses Ändziel “Burdorf” zfriede u happy erreicht. 8 Etappene i 7be Täg über 500 km i de Wadli u 29 Std im Sattu.
Geniau isches gsy. Fröie mi uf di nächschte Etappene.
Nomau d’Natur gniesse vom Emmitau.
Geit nüm so lang wies gange isch bis a üses Ändziel vo däm e’bike Trip.
Dr legendär “Berliner” darf nid fähle.
Isch grad es Traktorträffe gsi ir Schouchäserei.
Erinneret schwär a Namibia 👍🏼
d’Schouchäserei ir Griffnechi.
Schöns Emmitau
Gschtercht simer scho... iz no packe u de geits los... Ou wes nüm viu Kilometer si. Die Etappe hets no insech.

18 August 2018

Letschti Etappe vo däm e-Bike Trip. Mir hei no knappi 50 km bis Burgdorf. De heimer 8 Etappene gschafft vo gsamte 13. Die nächschte 5 Etappe wärde mr hoffetlech im nächschte Jahr unger d’Redli näh.
Abespaziergang.... so nach 74 km ufem Velosattu ke Seich.
Füetterig vo de Roubtier.
Üseses aktuelle BnB in Fischbach.
Wösch am trochne ir Abesunne 🙈
We nid jetzt.... wenn denn 😜
Abstächer zu de Willisouer Ringli. Da heimr üs scho sit em starte vo üsem Trip druf gfreut.
Hüratschile Nr 2 a däm Tag. Drzue häre no sehr speziell gseht Sie us.... DINN & DUSS
Ou d’Ussicht vom chline Chiuchli isch grossartig.
Hüratschile Nr 1. Da heimr nid eifach chöne näbedüre fahre.
Schöni Gägend gäu Doris.
Blick ufe Sämpachersee abe.
Churze Stop im Städtli vo Sämpach. .
Der Zweite folgt sogleich
Chum ufem Bike scho dr erscht Bätschopf in Sicht.
Es geit doch nüd überne schöne z'Morgetisch. Gueti Gspräch mit Mitgäscht u Gaschtgäberin inklusive.

17 August 2018

Begägnig ufem Abespaziergang D'Eschenbach LanghaarStrubel Gäng.
d‘Eseli‘s vom B&B Seetal si dr Oberhammer. Süessi Fraze die Zwöi. D‘Eseli Flüschterin
Üsi tolli Ungerkunft für d‘Nacht. Es tolls B&B ime 200 Jahr aute Buurehof.
Darf nid fähle nach 72 km ufem Sattu.
Ou dr Bättschopf vo Zug simer natürli go gschoue. .
Ou in Zug... aber wases isch????
Ume e chrampf gsi da dr Bärg uf.
Ungloublech schöni Moor-Gägend i dere choge Innerschwiz.
Viewpoint hoch obe überem Ägerisee.
Mir fahre oberhaub vom Ägerisee düre. Isch wunderschön dr See vo hie obe abe.
Na dr Besichtigung vom Chloschter geits ume witer ufem Velo zum nächschte Etappeziu.... Aber ja doch.... es geit ab und zue ufwärts.
Heimer doch hurti d‘Doris gkrönt nachem bsuech im Chloschter Eisiedle.
5. Etappe Egg - Eschenbach ca 72 km
Am Morge heisi d‘Rösser ineghout das düre Tag z‘heiss isch se dusse z‘lah.
Guet gschlafe, itz chly mache. Mir wei no vorem Räge in Eschenbach si👍
Toll‘s z‘Morgebüffet heimr dörfe gniesse.

16 August 2018

De no e Portion Flügeli zäme teile.
Apérotime nam düschele u Bettli irichte.
Üsi Ungerkunft für die Nacht heimr ou gfunge. Git ume e Nacht im Stroh. Aber dismau heigs e Madratze ungerem Stroh... Hets ömu gheisse. Simer gspannt.
Blick ufe Sihlsee.... Zersch vo obe u de när no vom Ufer här.... MEH AUS SCHÖN DÄ USBLICK.
Dr grob Ufstieg uf 1279 m.ü.m. heimr gschafft. Sogar dr STROMER HETS GSCHAFFT. Trotz paar Ussetzer ungerwägs. Stouz simer
Zyt zum d‘Akkle lade.. die vo de Bike u die vo Üs.
Ume es Chileli meh.
Eifach schön.
Langsam geits ufe u vom See ume e wäg.
Zürisee
Pinkelpause am Bahnhof
De simer losgfahre dr Härzroute entlang witer
Bevor mr abfahre gits no es Photo mitem Martin (Us Solothurn) zäme us Erinnerig. Er isch ufem Jakobswäg am gliche Ort wie mir über d‘Nacht bliebe. Mir hei de zäme z‘Nächtlet u z‘Mörgelet u natürli brichtet.
Scho fasch ready fuer die 4. Etappe Wärde öpe 70 km.
Burezmorge... aus vom eigene Hof. Fleisch, Miuch (Rohmiuch)... Chäs & Wurscht.
Üses B&B ufem Burehof im Kt. ZH D'Büürin "Käthi" het zu üs gluegt dases üs guet geit.

15 August 2018

Lovely Highland Cow
Wie die Herre vom Dienscht scho gmeint hei.... u uf de Stockzähn glachet, dases öpe no paarmau ufegeit.
Langsam aber sicher si üs d‘Akkle usgange. Da heimr du gfunge mir müesse mau e Steckdose go sueche. De heimr 3 Manne vom Dienscht gfunge wo üs e Kaburoue hei zur verfüegig gsteut. So heimr es Glaceli chöne gniesse u hei de nachere Std ume söfu Pfupf gha dases längt zur Ungerkunft. Die heimr i dere Zwangspouse ou no grad gfixet.
Selfietime.... Scho ume Chürbiszyt?
Ume Wirtschaftschund bime feine Konditor. Ou es Dessert liegt drinn.
In Lichtensteig simer vorem z‘Mittagstisch no hurti go d‘Stedtli aluege. Isch auso überus Hübsch.
Hoger uf u Hoger ab.... u das dr lieb läng Tag.
Bi perfektem Wätter simer ungerwägs dür e wunderschöne Egge vor Schwiz.
Isch ume fründlecher Hüt Morge u mir chöi üsi Tour mit Sunneschin starte...

14 August 2018

Morgegi 3. Etappe vo Herisau nach Wattwil 55 km 950 Höhemeter. Mir starte aber scho chli witer aus Herisau da mir ja Hüt bis Degersheim gfahre si.
No e Spezialität vor Gägend gniesse... es feins Appizeuer-Biberli. Mmmhhhh lecker
Hei no z’letschte Zimmerli ir Villa Donkey ergatteret u si de im Coop go z’Nacht poschte u gniesse das im Ufenthautsrum vom B&B. I däm Feriedorf chasch i Chalet, Jurte & Tipi schlafe. Mir hei iz z’B&B bevorzugt nach dr geschtrige Nacht im Stroh.
Im Vorgarte vo üsem B&B ir Villa Donkey
Het tolli Chiuchene ir Ostschwiz u dr blau Himmu chunt sech ou widr cho zeige.
Spezielli Brüggene dörfe mr befahre. Ou wes nid für aui vo üs fägt u meh eher schnäu wot drüber si. Aber isch glich cool gsi.
Zyt fürne Mittagspouse muess ou drineliege. Die heimr gnosse bir „Steirischen Wirtin“. Lecker isches gsi... u de ersch no z‘Heidubeeri-Joghurt Glaceli ... mit u ohni Rahm . Njam
d‘Fahrt geit witer über hügeligs Gländ u grüeni Wiesene a schöne Hüser & Chiuchene verbi. d‘Appizeuer Hüser si ächt dr Hammer. Die gseh würcklech irrsinnig guet us mit ihrere eher spezielle Architektur. U ou Farblech hei sie so einiges ufem Chaschte.
Appenzell isch ächt e härzegi Stadt. Sie passt somit zur Härzrute.
Yeeees, d‘Sünneli chunt ume füre u dr blau Himmu zeigt sech ou ume.
Nacheme lengere Astieg im Räge sueche mr hurti chli Schutz ungermne Vordach vorere Waudhütte.
Ready für üsi hütegi zwöiti Etappe ufem e-bike 🚲
Hei amene schön deckte z‘Morgetisch dörfe platz näh nachere strohige Nacht.

13 August 2018

De heimr us belohnig no e tolli Rägebogestimmig dörfe gniesse.
Nachem feine z’Nacht ufem Heiterhof heimr no z’Bedürfnis gha chli d’Bei go zverträte. Hei ja no nid viu gmacht Hüt ussert Velofahre. Drum heimr dr naheliegend Räbbärg no unsicher gmacht mit üsere Awäseheit. Irritierend isch gsi im Räbbärg das überne Lutsprächer geng Vogugschrei isch abgschpiut worde. Eue um die chlinere Vögu z’verjage vo de Trube.
Ou in Eichbärg hets e Chile.
Mir hei grad ir Ungerkunft chöne z‘Nächtle. Isch fein gsi das Salatteuer mit Ei.
Hüt schlafe mr im Stroh ufem Heiterhof bi sympathische Gaschtgäber. Zur begrüessig heimr e feine Moscht dörfe gniesse.
Mau ufe mau abe ... mau links ... mau rääächts !
Da bim STROMER dr Akku chli schneu bärgab isch heimer dänkt mir chere im Restaurant Sunne ih u hänke d‘Batterie a Strom ir zwüschezyt. Hei beidi öpis chlises gframet u es Käffeli het ou müesse si .
Viewpoint ufem Hogger obe mit Sicht bis übere See uf Deutscheland.
Schöni Architektur in Rheineck.
Ussicht ufs schwäbische Meer.
d‘Bike ume belade u ready zur erste Etappe vo Rohrschach uf Alstätte. 39 km 1‘050 Höhemeter
Was fürne tolle z'Morgeplatz

12 August 2018

Nacheme willi heimr dr Italiener gsichtet mitere schöne Gartebeiz. De grad inegstoche u ou sofort bedient worde. Restaurant di Capri hets gheisse. d’Pizza’s si super gsi u reichlech beleit. Zur Begrüessig hets e Prosecco gäh u am Schluss es Schnäpsli plus Kaffi ufs Hus. Iz wüsse mr ou werum die Gartebeiz bis zum letschte Tisch fasch isch bsetzt gsi.
d’Chile i de letschte Sunnestrahle vom Tag.
Nachere abchüelig im See heimr üs zwäg gmacht zum öpis go ässe id Stadt. Sie de chli am See entlang gschlenderet. E Summernacht per exellant.
Hei üs relativ schnäu für d’Herberge am See entschiede miteme diräkte Zuegang zum Strandbad. Isch auso sehr z'empfähle. Bade isch 24 Std erloubt.
d’Badhütte in Rorschach isch schön zum aluege.
Schöne pflegte Garte.
Impressione vom Wäg uf Rorschach. E See het haut scho sis eigete Flair.
Mir heis du tatsächlech no bis Romanshorn gschafft u mache üs ou grad subito uf die erschte Kilometer vo üsere Etappe per e-bike.
Mir hei üs z‘Bärn wie abgmacht troffe u sogar no es Plätzli für d‘Bike im Zug ergatteret... de simer z‘friede richtig Züri u dert isch aber de hurti e lengere Stop gsi wägeme medizinische Notfau... iz röuelets aber ume u witer geits richtig Romanshorn. Iz heimr nochli Zyt üsi Route z‘bespräche u wo das mr hinech wete go liege.
Und los gehts
Ou in Oberburg isch me ready.
Dr Packbärg isch leidr nid gross chliner worde. Aber siehe da, mini Padagonia Täsche het ufe Gepäckträger möge. Daumen hoch.
D'VeloTagescharte isch afang poschtet... iz geits nam z‘Morge no ums packe. 👍🏼