7 Days · 39 Moments · October 2017

Dési u Dani ds Mallorca ❤️


29 October 2017

Mir hei e wunderschöni Feriewuche dörfe verbringe u heis i volle Züg gnosse! Merci Dési! Es si mega schöni u entspannti Ferie gsi ❤️❤️ Ig danke dir, Dani ❤️ es isch wunderschön gsi u blibt unvergässe! So schön wasmer alles hei dörfe gseh u schön hani das alles mit dir dörfe erläbe ❤️😘

28 October 2017

Nacheme churzwilige Flug simer wider ds Züri glandet. Es isch e bsundere Flug gsi, dr allerletscht vo der Belair vo Palma uf Züri. Dr Pilot het währetem Flug immer wider gseit was für Städt dasmer gad überflüge u het ono ire chline Asprach sire Crew danket. Am Flughafe z Züri het de ds ganze Belair-Team i Lüchtweste ufem Rollfäld gwartet u jede wo usgstige isch mit Klatsche u Juble empfange. Hüenerhut!
Mir tröschtenis mit Currywurst usem Wurstkaiser am Ballermann.. mir si scho armi Würstli.. 😅
Bäääh dr Ballermann.. Das isch de dr Abtörner.. 🤢Di arme Mallorquiner chöi eim leid tue.. Aber mir heis iz öml mal gseh.. für üs ischs nix..
Als letschte Usflug vo dene Ferie simer zersch uf Palma, när uf Sóller u när er Küste na uf Valdemossa u wider zrügg uf Palma. Ds Sóller isch märit gsi :) Am einze Stand het e Imker si Honig verchouft 🐝

27 October 2017

Nach de Drachehöline heimernis ufem Parkplatz ids Gebüsch gschlage, si e stotzigs Trampelwägli abgchraxlet u mitere wunderschöne chline Privatbucht belohnt worde 😍 Mir hei chönne Schnorchle nach härzensluscht u üses nöie Lieblingsässe - Aioli mit Brot - gmampfet. Aso mir hätte gäbig no e Wuche chönne ahänke.. 😜
Mit de Barke heimer nachem Konzärt sälber no dörfe es Stück über dä unterirdisch See schippere. 😍
Hüt simer i de Cuevas del Drac gsi, i de Drachehöline. Mir si rächtzitig det gsi für di ersti Füehrig u heis richtig chönne gniesse. Wahnsinnig was d Natur da erschaffe het! Ufem gröschte unterirdische See heimer sogar es chlises klassisches Konzärt dörfe lose. Uf belüchtete Barke isch ds Orcheschter übere See gfahre i dr stockdunkle Höhli. Es wahnsinns Erläbnis!

26 October 2017

U de hets no e Schlummertrunk gä: es Sangria-Chrüegli 😋
Mmmh.. Hüt heimer Znacht im Hotel gno. Es riiiiese Buffet mit soo vil feine Sache. Mir hei schön chlini Portiöndli gno dasmer vil hei möge probiere. Iz simer chli eso:🤰🏻🤰
Hüt heimer e chlini Wanderig gmacht dür ds Naturschutzgebiet zum Castel punta de n‘amer. Dert loufe d Ross vome Stall düre Tag frei über d Halbinsel. 😍

25 October 2017

E chline Abespaziergang dür ds Dörfli. Offebar hets o mal e Walliser hie häre verschlage 😂
Ufem Wäg zrügg simer no i dr Cala Murada gsi.
Dr Platja d‘es Trenc sig dr schönscht Strand vo Mallorca. Mir si häregfahre, hei bädlet u chöi säge, mir hei scho schöneri gseh 🤔😜

24 October 2017

E herrliche Ussichtspunkt ufem Heiwäg vom Cap de Fermentor. 😍
Platja de Formentor
Far de Cap Formentor: Dr Lüchtturm am östlechschte Zipfel vo Mallorca. Mir hei müesse Schlange sta, ufem Wäg da ufe. Zum Glück het ds Dési üsi Chrutze o i Hanglaag im Griff gha 😜
Ufem Wäg uf Fermentor simer no ga bädle. E wunderschöne Strand mit fiinem Sand u ds Wasser isch super warm gsi.
Ufem Märit ds Artá hets echli meh lüt gha alsmer dänkt hätte 🙈 Mir si echli derdür gloffe u de när no dr Hügel düruf zur Chile und em Schloss. Wunderschön!
So schön isch dr Sunneufgang uf dr Dachterrasse vom Hotel Som Fona 😍 Guete Mooorge ☀️

23 October 2017

E feine Caesar Salad u derzue Chnoblibrot u Zibeleringli hets zum Abschluss gä vom erste Ferietag. 🥗Mir hei scho viil erläbt u gseh. 😍
Im Hotel Som Fona acho, heimer zersch grad emal dr Strand diräkt vorem Hotel erkundet. Es het Teil wo steinig si, u settigi wo schöne fiine Sand hei. Es isch eifach toll mal wider am Meer si z si u d Füess i Sand z vergrabe.
D Rippli si ganz fein gsi 😊 u mer hei o nid müesse Elei ässe.. Mir hei Fründschaft gschlosse mitere Strassechatz ufder Terrasse vom Hard Rock Cafe 😍😍
Im Hard Rock Cafe Mallorca hets di erschti richtigi Malzit vo dene Ferie gä. Mmmmh Spearrips u derzue e feine Drink.. Ohni Alkohol natürlech, mer hei ja no wit müesse über d Insle düüse. 😊🚙
Palma de Mallorca 😍
Üses Mietouto: e Nissan Micra, vo üs liebevoll üsi „Chrutze“ touft 😜
Wimer später erfahre hei isch das dr zwöitletscht Flug uf Mallorca vo dere Belair Crew gsi. Dr Flüger isch praktisch läär gsi, mir hei chönne Plätz wächsle wimer Lust hei gha. Bi däm prächtige Sunneufgang isch das vill Wärt gsi 👌😍
So mir si im Flüger.. Hoffe di mache nid dr Schirm zue bismer heigöö.. 🙈
Nochli verschlafe höcklemer iz am füf vor halbi 6i vorem Gate u främsle es Gipfeli 😊