Cambodia · 100 Days · 105 Moments · October 2016

Cornelia Hubacher

3 Mönet Südostasie


10 January 2017

Mer si zrügg! 😃❄️ 32 Stung simer vo Hanoi Altstadt bis uf Buchsi/Urtene greiset. Liecht müed deheime ahcho, toll empfange worde, viu verzeut u när ga schlafe. U gly chöimer DIR ono chli meh verzeue 😃

9 January 2017

Mir chömeee! Ab i Flüger 🛫, 10 Stung bis Doha (Katar) när 7h warte, u när nomau 6h bis Züri🛬. Bis glyy 👋🏻

8 January 2017

Mer heis üs gönnt! Nach 3 Mönet ih eifache Hostels, simmer für di letschti Nacht no is Pullman Hotel 😜 Dr Pool und Spa mit Dampfbad, Sauna und Jacuzzi heimer ordentlech konsultiert 😎
Mitem Ligebus zrügg nach Hanoi 😊👍

7 January 2017

Mit dr lengste 3-Seil-Bahn vor Wäut heimer dochno dr höchst Bärg vo Vietnam, dr Fansipan, erklommä. 😊
Wägem schlächte Wätter heimer entschide, no ä Chochschueu z machä. Es isch zwar när schön gsih aber di Chochschueu mit Privatungerricht isch super gsih 😊 mer hei viu feini Sache gmacht mit Spezialitäte vom Norde.

6 January 2017

Mir hei ä (chlinere) Usflug is nach glägene Dröfli Cat Cat vor ethnische Minderheit H'Mong gmacht. Leider ischs ou hüt eher näblig u rägelet zum Teu. Trotzdäm heimer immer wider die fantastischi Ussicht chönne gniesse 😍 klar isch, mir müesse unbedingt imne Summer wider hie härä cho! 😊

5 January 2017

Mir si in Sa Pa (1600müM) am morge am 7ni mitem Nachtbus ahcho. Es isch hie nume so 6-10 Grad warm u es het eifach bau kes huus ä Heizig, üses Hotelzimmer het öppe di glichi Temperatur wi dusse.❄️ Näbu hets o nume liecht u därum simer chli am Billiard spile u hei sogar Glüehwyy gfunge 😊🍷

4 January 2017

Mir hei ä churze Abstächer id Halong Bay gmacht: Geschter Morge i Bus igstige, am Mittag ufnes Schiff, einisch übernachte u hüt Mittag wider zrügg uf Hanoi. Das tönt itz zwar nid sehr agnähm aber mir heis richtig gnosse! A denä Karstbärge verbi z fahre isch unbeschriblech u am Morge no verschlafe us der Kabine z cho u grad wider vou drinne z sii no viu meh! 😍 Da chame sogar au di Touristeström ignoriere ☺️

2 January 2017

Mir hei Siuvester zämä mit tuusige angerne gfiiret - äs wahnsinns Erläbnis! Am 00:10 hei di erschte Vietnamese scho nümme möge u si hei u am 00:25 heisi ufem grosse Platz z liecht agla, d Musig abgsteut u afa zämäruume 😅 Mir si no z Hoa Lo Gfängnis ga besichtige. Ä Ort wo so viu Schlimms passiert isch, dasme o säuber richtig deprimiert wird. Witer simer när ouno ufd Long Bien Brügg wome ä sehr schöni Ussicht uf Hanoi het. Uf der Brügg isch d Houptaktivität vode Vietnamese Fotoshootings uf de Gleis gsi 😂🙈

30 December 2016

Mir si z Hanoi z Ho Chi Minh-Mausoleum ga luege und ou sis Huus uns si Arbeitsplatz hingerdranne. Uf der Strass simer ouno grad ane kulturelli Vorfüerig härä glüffe. Di Frou het zu Musig tanzet, viu Chleider gwächslet u d Vietnamese hei geng wider Gäud ufe Gabetisch gleit. Am Schluss hetsi de die Platte mit Süessigkeite verteut. Weme wett, chönntme sech hie zmitzt ufem Trottoir lad Haar schnide 😅
We sold our bikes! Nach ca. 1.5 Täg z Hanoi heimer üsi Töffe verchouft (ohni se z putze). Ar Cornelia ihre scho nach ein Tag u am Remo sine o gly. Es si nid beidi glich Glücklech gsih dasmer d Töffe nümm hei :)
Z Hanoi ahcho simer wider völlig vo däm Chaos u Tumult überwäutigt. Hochzyts-Zäut wärde no im chlinste gässli ufgsteut u d Gest hei uf dr Strass müesse hocke. Es isch wider aues chli türer und Touristischer aber es isch ä bunt dürmischti Stadt.

29 December 2016

Challenge Completed - 2'099KM - MIR HEIS GSCHAFFT!! Ohni Breakdown u grösseri Problem simer z Hanoi acho. Es het wider ä schöni Fahrt ir Sunne gä (di gits hie auso tatsächlech ou!) u mir hei üsi Töffli no äs letschts Mau gnosse (oder o nid, gäu Remo 😜😘) meh weder 2'000km sis gsi u wasmer da aus hei dörfe erläbä isch eifach der Wahnsinn! Itz simer gspannt, wi der ÖV so würdi funktioniere u fröie üs uf z gfahre-wärdä 🙂🙃

28 December 2016

Zwe Tagesfahrte vo Hanoi entfärnt! Mir hei üs ufe Wäg richtig Cam Thuy gmacht u wider wunderschöni Landschafte dörfe gniesse 😍 Mais-, Riis, Teefäuder, Chrütergärtä - es wird jede Platz brucht und sogar no der Mittustreife bepflanzt 😅 Ungerwägs isch es Fescht zmitzt i Sunnebluemefäuder gsi. Mir si zuechegwunke worde u sofort het o jedä äs Foto mit üs ufem Handy gha 😂 Am Abe heimer nume öppis wöue ässe u de früe ga lige. Bim ga simer vode Tischnachbare agsproche worde u hei grad ä Vodkashot ir Hang gha. När heimer mit jedem müesse astosse u nomau mit ine Znacht ässe - fein isches zum Glück ja gsi! 😅 äs het wider Diskussione über Google Translate gä, viu Fotos und no einisch äs paar vietnamesischi Fründe me 😀

27 December 2016

Wortwörtlech ä Horrortag! Bim Ufstah hets scho grägnet u so ischs der ganz Tag ou blibe. Ha gmeint, i fahri dür Sibirie u nid dür Vietnam! Söfu gfrore hani auso no säute! ☃ Mir si de glich no guet z Pho Chau acho. Bim Znacht heimer mau wöue der berüemt Chao probiere (Riis-Porridge). Wo si gfragt het "Bo Cau" hani gseit jaja dasch guet! Bo isch Rind u das sötti ja guet si. Bim Warte heimer afa überlege, was de das Cau isch... Ja, Bo Cau isch Tube und nid äbä ä Rindsvariante 😱 fein isches du när aber glich gsi ☺️ Was di angere Sache wäre gsi dörft der gärn säuber google 😝

26 December 2016

No d Fotos vom Paradise Cave 😃
Hüt heimer ä ganz verruckte Tag gha! Zersch simer gad Paradise Caves aluege. Das isch ä ganz angeri Wäut gsi! Ä Mischig us Mondlandschaft und ere Zwärgehöli vo Herr der Ringe mit Stalaktite u Stalakmite wo hei usgse wie Morchle und angeri Piuze, Bärt, Ufos undund. Wahnsinnig idrücklech!! När simer zum Duckstop womer Änte gfueret hei, ine dervogsecklet, mitne kuschlet und no äs Äntewärfä fürs guete Glück hei gmacht 😅 Us letschts simer zum Pub with the Cold Beer wos schins di besti Ärdnusssauce het - und es isch se ou taatsächlech gsi!! Njamm 😍 z Rezäpt heimer derbi...! ☺️

24 December 2016

Mir hei üs ufe Wäg nach Phong Nha gmacht. Dert isch ä Nationalpark und ou scho ungerwägs isch d Landschaft überwäutigend gsi! Uf der rächtä Site Riisfäuder sowit me het gse und links di grosse Karstbärge 😍 Bir Cafepouse simer ine Rundi Vietnamese ghocket wo dert Bier um Bier hei inegla. Si hei sofort Fröid a üs gha und mir ou es Bier ir Hang - Fotos hei natürlech nid dörfe Fähle 😂 Dasmer ke Bier me wei wöumer fahre isch für si niso verständlech gsi - der eint isch vor Frou ghout worde und taatsächlech uf si Töff ghocket u mit ire dervo gfahre 😱 Womer es Foto bom See hei gmacht wo z Kafi isch gsih, het eine vode Vietnamese unbedingt drufwöue (Biud😂😂).Superliebi Type, äs paar nöii Fründe am angere Ändi vor Wäut 😊 Am Abe het äs Restaurant ä Art Wiehnachtsfiir fürd Usländer gmacht u dert heimer Buffet gässe (z weni isches uf au Fäu nid gsi! 🙈). Derzue heisi ou no Gschänkli verlöslet u der Remo het äs T-Shirt übercho! 😀

23 December 2016

Hüt simer es paar Grabstätte vo de ehemalige Kaiser ga aluege. Jedi isch vom Kaiser säuber boue worde u repräsentiert so o si Stiu und das woner gärn het gha. Z erste vom Minh Mang isch ä wunderschöni Parkalag gsi mit emne chline Seeli wo so richtig iladend und entspannend isch gsi. Z zwöite vom Khai Dinh isch im Stiu vomene französische Schloss gsi und entsprächend mit Prunk u Protz überlade 😅 u z dritte vom Tu Duc isch o wider wine Park gsi, ähnlech wie z erschte. När simer no ä stiugleite Aquapark ga aluege - sehr spezielli aber spannendi Stimmig dert!

22 December 2016

Widermau chlei Architektur & Kultur ir ehemalige Kaiserstadt in Hué. Leider simer di einzige zwöi wo hei wöue ga z Kultur-Theater luege u därum nid chönne. Derfür heimer ä neue Fründ troffe 🐸😊
Party mit Vietnamese 🍻 Am abe simer ihne Club wos aber mehrheitlech nur Vietnamese het gha. Irgend so paar Type hei üs zuesech zoge u mit dene heimer när dr ganz abe verbracht. Gredt heimer kes Wort wius lut isch gsih u si ke Änglisch hei chönne 😂 aber mir si ömu grad uf ihrem Facebook-Profiu glandet😊

21 December 2016

Vo Hoi An nach 🏍 Hué. Nachdäm mer am Morge es (chlises 😜) Päckli mit üsne Sache ufd Post hei bracht, simer los. Bir wunderschöne Passstrass heimer d Ussicht gnosse, u plötzlech isch eine miter Wärchzügchiste ufem Töff näbedra gfahre u het uf mi Hingerreife zeigt: Platte!💨 När heter ohni z rede oder süsch öppis mer dert ufem Pass dr Schluch gwächslet😊 glichzittig hets ir Kurve näbedranne äs Hochzytsfotoshooting mit auem drum u dra gä (Romantik ire Strassekurve?) När simer no 1km zrügg zu sim Restaurant, wosi mi hei mitm Platte gseh verbifahre. Am schluss heisi z 6-fache wöue, vo däm wo eigentlech ä Schluchwächsu würd choste... ig ha no dänkt di wei de viu u ha vorsorglech z meiste Gäut im Hosesack versteckt u drum "leider nume" d Heufti vom gforderete Priis chönne zahle 😁. Am schluss sisi aber glich happy gsih (si hei ging no e guetä gmacht) u mer si guet in Hue ahcho!

20 December 2016

Näbscht de tolle Gourmetsache heimer ouno ä Degustationsrundi dür die komische und spezielle Sache vo Vietnam übercho. Us Rücksicht uf üsi Läser nenne mir hie aber nume d Näme u zeige kener Fotos 😜😷🙈 Schweinehirni, Schweineohre, -nase und -buuch, Schnäggefleisch mit Piuzli und Schwinigs gmischt, haub usbrüeteti Änte, chliini Schnägge, Frosch, Quallesalat, Schweineohrsalat, Sideroupe..... mi hätt aus chönne probiere 😳 Jaja das längt gloub 😁
Vietnam isch: weme sech nachem Ässe wi wahnsinnig druf fröit, ändlech verdout z ha und öppis angers chönne z probiere! 😋 Drum hei mir ä Chochkurs gmacht, für dasmer au di guete Sache ou deheime chöi witerässe! Aus erschts heimer d Zuetate udem lokale Märit säuber müesse ga ichoufe. När hets ä Degustation dür di verschidnigste Spezialitäte vor Region gä u när heimer säuber kochet: Grapefruitesalat mit Poulet und Shrimps, spicy Clamsoup, grilled Catfish mit Nudle und Frozen Yoghurt mit Frücht. Gnue gässe heimer uf au Fäu und super isches ouno gsi 🙂🙃👍🏻👌🏻
Es het üs dochno dr Shopping-Ruusch überrollt. Bis itz simer aber ono nie wük ga shoppe 😉. Mer si bimne Schniider glandet u d Cornelia het sech es Chleid im Tablet usgsuecht wore het passt u si heis gmacht. Mi cha sech hie räch günstig so zimlech aus Massgschnideret la machä. Ahzüg für 120.-, Handtäsche ab Google-Biud, Schuä nach Mass usw 😊 D Franzose hei d Baguette dahärebracht, u d Vietnamese hei "Banh Mi" drus gmacht! Ä Art Sandwich mit Fleisch, Ei, Chrüttli, Chilisosse, Gurke usw. Isch seeehr fein 😋😋

18 December 2016

Hoi An isch es chlises schöns Wäutkulturerbe-Stedtli mit viu Kafis, Shops und Schniider. Es ligt am Fluss wo wenigi Kilometer speter im Meer ändet. Wius aber soviu het grägnet hets z haube Stedli öppe 1m höch gfluetet. Aber d Lüt näme das wahnsinnig locker u si aues flissig am putze. Mer merke aber o dasmer wider nümm di einzige Touris sih. Es Kafi chostet hie 5mau soviu wi ihde Bärge u mi wird duurend ahsproche öbmesech keni Chleider wett la machä oder doch bittebitte hurti ires Lädeli geit ga aluege. I üsem Guesthouse chame äue sogar SBB-Tickets choufä 😂

17 December 2016

3. Etappe bis Hoi An: agfange hets sehr guet. Wider ä schöni Passstrass mit toller Ussicht! Ir Äbeni unger si Riisfäuder gsi, sowit me het chönne luege. Der lüchtstiftgrüen Riis het ä grosse Teppich gä - einzigartig zum luege! Uf der Strass si si am Riis tröchne (und druffe spile, drüber Fahre, Hüener am umescharre 😝) plötzlech hets när afa lufte.. Mir hei nume no gfroore u si üs vorcho wi irgendwo ufemne Gletscher.. (Hami nume einisch gfragt, öbi würklech z Asie oder z Island bi?!?! 😏) Wöus so schön isch gsi hets när o wider afa rägne 😜 Ungerwägs hets vili Ärdrutsche gha wo Strasse u zum Teu ou Hüser hei mitgno 😕 aber süsch simer dür Dörfe u abglägeni Orte cho, wo no chum einisch so frömdi Fötzle si dürecho! 😀Hoi An isch ou unger Wasser u mir si drum chum id Stadt inecho (heinis no vo Iheimische mitemne Charrli dürne riise Glungge la fahre 😅) Znacht heimer när kulinarischi Entdeckigsreis mit Wontons-süess-suur, Pancakes in Riispapier igwicklet und ä gfüute Tintefisch gönnt 😊

15 December 2016

2. Etappe bis Kon Tum: eher weniger schön, äs het nume einisch grägnet 😝 Mission trochnigi Füess het mit Chläbi u Ghüderseck klappet, d Lüt hei nume schüüch gluegt 😂 Bim Café-Stop het z Grosi vom Restaurant näbedranne no äxtra müesse der Platz wächsle, für üs besser chönne z beobachte 😅 d Ching am Strasserand und ou di Erwachsene hei jedesmau Fröid wesi üs gse u winke 😊
Da Lat - Hoi An, 1. Etappe bis Buon Ma Thuot: sehr schöni Passstrass, grandiosi Ussicht! uf de Strasse hie fingt me eifach aues: LKW, Car, Töffli (Ladig: bis zu vier Lüt oder so viu wi irgendwie Platz het), Chüe (mit und ohni Hirt), Hängebuuchsöi, Hüener, Grosis, Cafébohne, Riis undundund! Der ganz Café isch wiene risige Teppich vor de Hüser und dürd Dörfer. Am Abe hani äs Restaurant usgsuecht, wos Jungle-Food het gä. Der Remo het haut müesse mitcho 😜 Verständigung mit Häng, Füess u Google Translate - mir si eidütig ä Attraktion gsi! Ufem Menu isch gsi: Wildsou, Hirsch, Frosch, Änte, Tube, Haas, Geiss, Meeresgetier und no viu angers womer nid (wei) wüsse 😂 ig ha ändlech mi Frosch chönne probiere - sehr fein! 😀

14 December 2016

Da Lat Tag 2 - aus ersts simer mit de Töffe zu dä Elefante-Wasserfäu gange. Speter simer zure Kafi-Farm wosi dä Wiseli Kafi-Frücht füetere und us dä Bohne wosi uselöh gits när dr Kafi 💩 Spezieu hets zwar niso gschmöckt :) U när heimer ä komische, schlabbrige Brei gässe (Che Buoi = Grapefruit-Suppe mit Kokosmiuch) wo aber sehr fein isch gsih 😋😋 das usem Topf z schöpfe isch schones Erläbnis gsi! Das Züg isch so chläbrig u zäi, dases chum zur Cheue us iscg cho 😀

13 December 2016

Das isch ire Bar gsih mit öppe 100 Rüüm. Vom Stieu isches sehr ähnlech wie z Crazy-House gsi und mindestens so crazy! Mir si ä haub Stung eifach nur umegirrt u nie am gliche Ort düregloffe 😊 Wius aber duss so gschiffet het simer leider di einzige gsih.
Mir si z Da Lat! 😃 Es isch hie "nume" so um di 20 grad u ir Nacht sogar 16. därum hets Naduböim, Artischocke, Jaggene u isch sehr Charmant 😊🌲 Aus ersts simer is Crazy-House wo ou ächt Crazy isch (isch ou es Hotel). När simer no Seilbahn gfahre mit sehr verrägneter Ussicht und eme sehr schöne Tämpu am angere Ändi ufem Bärg. U am Abe hets üs so riiiichtig 3h lang verschiffet, mir heis bau nid gloubt! 💦☔️☔️ Di troche gleite Schue si wider zu Seeä worde u mir si bis ufd Ungerwösch nass u am tropfe gsi 😩 Zum znacht heimer viu Sache ide Beckereie probiert 😋

12 December 2016

In Da Lat ahcho, simer mit dr Thou vom Guesthouse ä chlini Äss-Entdeckigstour ga machä. Riispapier-Rouene hets zersch gäh (nem nuong). U wius so chaut isch gsih ä Soja-Ärdnuss-Bohne-Mais-Miuch zum ufwerme 😊 Am Schluss no irgend es Dessärt mit Kokosnuss-Miuch, Banane und Ärdnüssli. Sehr fein ud Vietnamese sis in Schare cho ässe 😀
Di ersti Panne geit a Coni, irgendwie hetsi ä Schrube ihgfahre 🔩 Für 4.48 CHF heisi grad dr Schluch gwächslet 😊 Näb der Wärchstatt isch no äs Huen gstange - sones Poulet heimer no nie gse! Am mittag hets ä warmi Suppe brucht wiumer Nass si gsih us ide Bärge langsam aber sicher früscher wird. Es het grägnet wi us Chüble, derzue no gluftet u langsam ä mächtige Stousee ide Schue gä... 😏

11 December 2016

Mui Ne: äs Pisset eifach wine moore u isch aus wi usgstorbe. Strand u räge isch eifach niso Toll, mer müesse gloub witer 💦🌪☔️ Aber Räge uf de Sanddüne isch es Erläbnis gsih 😊👍

10 December 2016

Ho Chi Minh City - Mui Ne: Let's Go 😎🏍 PS: Mutti mach dr ke Sorge 😘
Mir si bide Cu Chi Tunnel gsih chli usserhalb vo Ho Chi Minh. Dert hei d Vietcong gläbt u gäge d Amis kämpft. Ihre gfüehrte Tour heimer o säuber id Tunnäu chönne und am einte Ort sogar dür ne 30m länge (ja das längt imfau 😅) kroche. Wiu dert no flädermüüs si drinngsih (Biud) isch mer öppedie heini ahcho 😊z Maschinegwehr-Schiesse heimer la sih.

9 December 2016

Ho Chi Minh - wahnsinnigi Stadt, viu Lüt uf ängstem Ruum! D Frou bim erste biud het grad "NOOO!!!'" kräihet wine gspunnigi, wüeui es Foto ha gmacht😅 därum luegt d coni so verstört dri 😊äs het ono ä Notre-Dame gha :)

6 December 2016

Keni Wörter, nur biuder :)

5 December 2016

Mer heis säuber nideso gloubt... aber mer hei es Fondue z Siem Reap gha (im Restaurant "Tell") 😂👍 u es isch ersch no super gsih (läck du mir, chäääs 😍😍) 😊 zude viertustunde hei aube pünktlech öppe 5 guggerzytli glütte u guggeret 😄zum Dessert hets no Öpfustrudu gäh 😋 -> Ab is näscht!
Angkor Tag 3: am 4:00 simer ufgstange und mit Taschelampe ir Hang im stockdunkle zude Tämple gfahre (hejaaa füdle! 😁), um dr Angkor Wat (bekanntischt) bi Sunneufgang z gseh. Mir si di einzige mit dere Idee gsih (Foto)🙄. U am Namitag dr Bayon mit de Gsichter 🗿🗿Gschafft! 💪🏻🎉100km Velogfahre i dene 3 Täg.🚴🚴‍♀️

4 December 2016

Angkor Tag 2: "nume" 36km Velofahre, z Füdle gspüremer langsam, viu chlini Tämple wo so steil si dases no grad gratis bei-workout git und am ändi vom Tag heimerse nümm möge gseh und üs uf di richtig ihdrückleche Tämple am 3. Tag gfreut 😊👍znacht heimer üs nach däm tag ä tolli änte (plus hirni) aus verdienti belohnig gönnt 😋🐣🍗

3 December 2016

Angkor Tag 1: nach däm mer üs vor Reis erhout hei simer am morge grad es Velo ga miete und zum Ihgang vor Tämpuahlag gfahre. Leider hätme z Ticket 5km vorhär müesse choufe u de isch ä polizischt so nätt gsi, üs z 3. ufem Polizeitöff für 5$ zum Ticketschauter z chauffiere 😂 mitem Velo heimer de gly gmerkt wi witlöifig di Tämpuahlag isch! Am erste Tag simer 38km Velo gfahre u hei sicher 10 ihdrücklechi ahlage gseh.

1 December 2016

Wär hätts dänkt! Mir lande doch tatsächlech nomau z bangkok! Mitem nachtzug simer cho (heis doch no ufene thai-zug gschafft 😀), aber niso viu gschlafe ^^ z bangkok simer aber nume 3h blibe u när grad witer uf siem reap mitem car. Der schregscht gränzübergang bis itze! Nach fasch 30h reis heimers gschafft (car ungerwägs kabutt gange ^^) u äs feins znacht gnosse u när nume no is bett 😅 mittlerwile isch o der remo vou bettwanzebisse 😐😖
Z Vientiane schaffet no mi Bachelor-Thesis-Mitstritter dr David Studer, u de heimer ihn no troffe! Und si so dür Vientiane gfahre (nachgestellte Szene). 🏍

29 November 2016

Mir si im COPE Center gsih, ä Organisation wosech um Opfer vo Mine kümmeret wo ke Gäut hei. Wiso z Laos soviu 💣 si, chame im Bild läse. Sehr ihdrücklech isch o das si Bombene zu auem mügleche witerverwärte (Bsteck, Boot, Bluemetöpf). Zum Znacht hets Japanisch gäh 😜 Trottoir nütze viu we Böim druffsih!
Mir si z Vientiane! Ir Houptstadt vo Laos isch im Verglich zude angere Stedt scho ächt öppis los! Es git ä Arc de Triomphe, Baguettes 🇫🇷, Karaoke Bars wosech gägesitig ir Lutsterchi wei überträffe🎤😊 Irgendwie simer no is Chino glaueret ga "Monsters & where to find them" luege, mit Thai & Lao Ungertitle!

27 November 2016

Z laos blibe üsi biiträg leider chli hange wöu z internet hie niso rächt ma.. Mir si ir zwüschezyt z vang vieng acho womer ei tag si ga tube (aareböötle isch auso schono äs stückli besser 😉😎) aber d gägend hie isch o zimlech unschlagbar! Geschter heimer när ä velotour gmacht, wo d strasse när me oder weniger eis riisigs schlagloch si gsi und no abartig viu meteorite druffe.. Uf au fäu gspüremers ou hüt no 😝 aber o hie isch d ussicht eifach abartig und bire blue lagoon heimer üs ä verdienti abchüelig gönnt 😊 d beizli si o ganz charmant, u meistens hocket me diräkt überem wasser uf öppis flossmässigem u chad bei im fluss la bambele 😎 herrlech! 🏞🍻☀️

25 November 2016

D Fahrt im VIP Bus isch top gsih, aber ar coni ihre sitz überem Radchaste isch niso ganz VIP gsih 😅aber wäg dene 8 Stündli, ä Klacks!

23 November 2016

Luang Prabang! Sehr schöns Stedtli, vo Frankrich Kolonialisiert worde u därum viu schöni Geböide. Interessante Markt und tolli Ussicht vomne Stadt-Hügu. Am abe hets no laotischs BBQ gäh 👌
Mitem Roller simer vo Luang Prabang us bis zu Höhline mit aute Buddha-Figure gfahre. Dr Gerhard heimer ono grad mitgnoh. Am Namitag simer zumne Wasserfau gfahre und hei ä Schwumm gnoh 😊 Es git o viu Baguettes und schüsch Beckerei-Sache 😋 Bim Buffet-Stang ufem Nachtmarkt hetme soviu chönne ufs Täuer tue wi het drufmöge (teu heis völlig übertribe😂)

21 November 2016

Tag 2: wider ca. 150km und 8h mitm Schiff bis zu üsem Zieu, dr Stadt Luang Prabang. Mit Zwüschestops um churz Riis oder ähnlechs bide dörfer z Ablade. Mi cha das ganze o a eim Tag mitemne Speedboat mache (mit Fahrtwind, Helm, Rägejagge und emne wundä Arsch am Abä 😂🙈 -> Bild rots Boot🚤)
Tag 1: Di besti art zum Reise isch z Schiff. Am erste Reisetag simer ca. 150km dr Mekong dürs schöne Laos gfahre. ⛴ D Natur isch wahnsinn u d Lüt läbe sehr ihdrücklech am Fluss. Di meiste si äue sehr arm und läbe i Houzhüttene ohni Strom & fliessend Wasser. Am Abä simer imne Dörfli zum Übernachte abglade worde, wo nur vo dene Schiff-Reisendä läbt (Bild 6)😋

20 November 2016

Geil

19 November 2016

Tag 2: mir hei genau 1 glüebirre gha u dunku isches am 6i worde. Wägä däm asträngende tag u fählender elektrizität isch när ou öppe am 8i nachtrue gsi! 😅 gschlafe heimer eigentlech sehr guet mit djungelsound (viu chatzegjammer und inder-schnarch 😁) u si am 6i nach 9h schlaf när o wider zimlech parat gsi 😅😊 vorem zmorge heisi üs när o grad ufene ziplinetour mitgno, mit wahnsinns ussicht ufs näbumeer u ä nöi tag 😍 nachem zmorge heimer üs ufe rückwäg gmacht (natürlech per zipline) u si de vorem zmittag no i fluss ga bädele 😊 irgend ä agressive fisch het när mi und no ä angere id zäie bisse/ zwickt! Bi ihm hets zimlech blüetet, bi mir ischs zum glück no gange! Uf jede fau ab denn: nümme stah, numeno schwümme! 😅
Tag 1: Am abe spät heimer üs entschide, dases eigentlech doch no rächt cool wär ade ziplines düre rägäwaud z düse 😅 wöui chli z fescht ha am handy umedrückt, hani us versehe grad ä tour füre nächst tag buechet, aber wöus äbä so spät isch gsi heimer ke rückmäudig me übercho. Drum heimer gseit, mir packe eifach mau aues u schtö dert am morge vorem büro. Leider si aui 3 mügleche toure komplett usbuechet gsi... Mir hei aber dörfe warte, und siehe da: me aus 2 si nid uftoucht u mir hei d plätz chönne erbe 😀😀👌🏻im waud heimer zersch mau müesse 2h zu de ziplines loufe (das heisst rhythmus: 15min loufe, 15 min pouse 😂) aber das hetsech sooooo öppis vo glohnt!! Di chürzisti zipline isch sicher 200m gsi u me het ä grandiosi ussicht übere waud ud bärge übercho 😍 Z letscht simer ines boumhuus, wos matraze, es tischli, äs büüssi, duschi undund het gha. Muess sägä, so z läbä chönnti mi o ir schwitz liide 🙂🙃😅 d duschi isch di geilschti vo üsem läbä gsi, da bini überzügt dervo!! 😍😍

17 November 2016

So äs brucht itz eifach mau ä biitrag zu au denä snacks u getränk wos hie z thailand git (zum bispiu knusprigi schweinehut isch seeehr agseit u gar nimau so schlächt 🙂🙃!) ! Gset eigentlech aus no rächt guet u gluschtig us, aber niemer het ä ahnig wases chönnt si. D getränk si vermuetlech uuuuungloublech süess u chläbrig 😅🙈 Nid z vergässä au die fertignudelsuppene wome ganz sicher o ir gröschte pampa usse überchunnt und au die spiessli u sächeli i bananebletter (womer üs aber no nid dra getrout hei)😁 U när mau no z läbä vo zum bispiu busagsteute, wo iri tage a serigne tischli verbringe (natürlech mit ässe, mittagsschlaf, zytvertrieb etc)😶

15 November 2016

Mir si guet z Chiang Rai acho u hei bau aus erschts äs Chatze-Cafe gse (gratis Chatzechräbbele zum Cafetrinke 😅) när heimer geschter ä Roller gmietet. Mit däm simer bis ad Gränze zum Goldige Drüegg gfahre, wos ä tolli Ussicht uf Laos, Myanmar und Thailand het gä 😀 När simer no zum wiisse Tämpu. Dä isch der wahnsinn, wo viu speziellei Kunst mit de buddhistische Elemänt vermischt. Dinne heisi di ganze Wäng bemale mit Buddhas, Tigere u derzwüsche no Superman, Jack Sparrow, Minions, Totechöpf undund (hetme leider nid dörfe föttele). Sehr speziell u idrücklech! Nachdäm heimer d Rollerfahrt ämu gmerkt (si de doch bau 200km gsi) und üs am Abe ä Massage gönnt (me weiss ja nid, öbs ide angere Länder ono eini chönnti gä 😜) Hüt geits witer uf Laos!

14 November 2016

Mir hei z Glück gha genau bi Vollmond z Chiang Mai z sih. Dert sig eini vode schönste Orte fürs Loy Krathong Festival. 😀 Es het sehr viu Touriste und augemein Lüt gha. Mir hei dr Abe mitem Gerhard verbracht (coole Dütsche) und zäme Lampene id Luft gschickt und es Schiffli dr Fluss zdürapp glah😃🎭🎆⛵️.

11 November 2016

Mir hei üs ufene treckingtour trout und aues guet überstange! (Muskukater heimer zwar immer no 😁) am vorhärige tag hets sehr viu grägnet gha u drum si viu strasse überschwemmt gsi oder ä ärdrutsch isch drüber. Mir hei drum zum teu ou dür chnöitöife matsch müesse wate 😏🙈 när heimer äs vous programm gha mit elephanterite u wäsche, river rafting, ä bsuech bide long necks, i viune wasserfäu ga bade und viu loufe. Mir hei rächt cooli gruppene verwütscht, di si eifach sehr gärn sehr schnäu glüffe 😅 uf de bärgä isches sehr schön gsi mitere tolle ussicht! När heimer dert ou i dene hüser gschlafe (matraze sehr hert und güggukonzärt 🐔) aber aues zämä isch sehr cool gsi! Nachem heicho heimer üs ufem night market d büüch mit viune chline häppli vougschlage 😀😋
No es paar Trecking-Tour Biuder ⛰
Heissi schoggi cha aues! - o z thailand 😉😍😍😍

9 November 2016

Chochkurs! 🍜🍚🍛
Sächs wuche lang gstürmt u ändlech hani e Durian (Stinkfrucht) kouft u probiert. Hammer!

8 November 2016

Ersti nachtbusfahrt überstange - isch veiechli äs stückli gsi! Git auso bessers 😄 wi immer isches sehr chüeu gsi. När heisi grad der fernseh agla, wo thailand sucht den superstar isch cho. Git agnähmeri sache fürd ohre 😂🙉 ud snacks wosi verteilt hei, si ou obenuse gsi! Aber: mir si itz im tolle chiang mai u scho paar sache uf der to do liste 😀👌🏻
Startklar für di erschti Nachtbusfahrt! 💪🏻👌🏻🤗🚌

7 November 2016

Mir hei ä usflug i nationalpark zude erawan-wasserfäu gmacht. Dert hets über sibe stuefe verteilt wunderschöni wasserfäu. Di versammle sech unger imne becki, wome när cha ga bädele und abchüele! 😀 (mir hei im momänt mind. 35 grad 😜😬) derzue hets dert no fischli im wasser gha, wo eim ade füess si cho knabbere - tüüre spa-bsuech auso o grad gspart 😊👌🏻

6 November 2016

Hütt simmer über d Brügg vom River Kwai mitem Zug gfahre. Di 60km längi strecki heimer in ca. 2h befahre. Bim Bou vo dere Zugstrecki si ca. 100'000 Chriegsgfangeni gstorbe. Am Ihdrücklechste isch dr Abschnitt wo nur uf Stäuze isch amne Fels entlang (Death Railway). Dert si fasch aui gstorbe wo dert hei gschaffet. Spezialist Remo isch i Fahrtrichtig ghocket und het därum e chli es dräckigs Shirt gha. Är het o gmerkt: Bim Chopf usem Fänster ha söttme o immer i Fahrtrichtig luege wäge 🌿😅 När heimer bimne Wasserfau no Badet wius so heiss isch gsih. D Thais hei üs mega offesichtlech gfiumet und gföttelet, für si isch drum Bade ih Chleider normau. Es isch wucheänd gsih und für Thai isch dr Zug gratis.

4 November 2016

🍜🍜🍜 Sehr es speziells Restaurant. Mi geit ihne u när gits eifach eis Menu, mi cha när säge weli Nuudle dasme wott und öb ir Suppe oder troche. Was när isch cho isch eifach ä mini-mini Portion wo nach 2-3 Gable läär wär (wes Gable hätt 😜). Mir hei när eifach 3 Portoine gässe (jedi 50 Rappe). Teu hei sicher 10 Schäli ufem Tisch gha.
Coni und ig si ufne normale Märit... oder was mache de di Schine da? 😳 Richtig, dert fahrt nün mau am Tag no dr Zug düre 🚊😀. Bismer das hei gfunge heimer zwar öppe 3h brucht um üs mit Thais z verständige wohäre mer müesse (di meiste chöi kes wort änglisch) u si schlussändlech mit SkyTrain, Gratis-Bus und Minivan derthärecho, derfür isches nid sehr Tourisitisch u es gö o würklech viu Thai dert ga ihchoufe. Es git o sehr viu komischi sache zum Ässe (Frösche, 1cm längi Fische, tröchneti Mini-Prawns anstatt Nüssli, Fisch am Spiess usw). Mer hei nis de doch für Banane entschide 😜🍌Ä Abstächer zum nöchglägne schwümmende Markt isch ono dinngläge😀

31 October 2016

Jubiläums-Znacht, mer heis nis gönnt 😅 (het no ä Fisch drunger vergrabe)

30 October 2016

Soo mer hei üsi Toucherusbiudig abgschlosse u si itz OpenWaterDiver 🐠🐟🐬 Fotos gits leider nid viu wius viu het gschiffet oder d Kamera nid derbih isch gsih 📷💦 Am abe simer mit dene vom Kurs no ga festä am Strand 🍻

27 October 2016

Im momänt gits nid viu z verzeue ussert d nidisch-macher-fotos 😜 mir gö im momänt wider id "schueu" u hei der erscht touchgang hinger üs 😊 fotos sötte da de no fouge ☺️ am strand heimer tröii fründe gfunge wo üs nümm hei wöue la ga.. 🐶 di heissi schoggi am strand isch obenuse u d bars si auso ou nid schlächt 😀😉 es isch tiptop aber sträng - itz müessemer de grad i ungerricht! 😢

25 October 2016

Uf dr Insle Koh Tao heimer ändlech z guete Wätter und ersch no troumhafti Stränd gfunge ☀️🏝

23 October 2016

Mir si bir Insle vom James-Bond fium gsih, irä Höhli mit Buddhas und bimne Schwümmende Dorf. D'Fahrt im Boot isch rächt schön aber sehr Nass gsih 😊

22 October 2016

Mir si itze z Khao-Lak. Ou üsä 2. Strandtag isch chli id Hose. Äs rägnet eigentlech nume u z Meer het grossi Wäue ☔️💦🌩

20 October 2016

Üsä erst Strand-Tag 🏖🏝🌴🌞 (Wasme ufem Foto nid gseht: es het grägnet, isch chaut gsih u nachere Stung simer witers 😝)

19 October 2016

Hütt heimer e rächt voue Tag gha. Mir si ih Botanisch Garte (Mit Affe und Warane), när i grösst Tämpu z Südostasie und no ihne Tämpu wos ächti Schlagene het gha. Ersch nächdäm se eine het ahglängt heimer gloubt dases ächti sih 🙈 Es het üs no e dütschi mit Ching wöue ahpumpe? U am abe simer no per zuefau ufemne Tämpu bimne Stäg usse ihne chinesischi Zeremonie ihneglüffe. Inklusive Dracheshow und Füürwärk.

18 October 2016

Ir zwüschezyt simer (nachere haarsträubende busfahrt! 😱) mit grossem muskukater z george town uf penang acho. Äs isch äs sehr härzigs stedtli mit viu street art, streetfood (wosech jedes streetfoodfestival ir schwiz chönnt ä egge abschnide), tollem little india, spannende lüt und ou süsch ämne guete flair 😀 WC diräkt is Meer (jaaa würklech!), munzigi suppeschüsseli hets, viu süessigkeite zum schnouse (wo bis itze no nie) und komischi bäre vo aune länder. Usserdäm tschaupet dr remo gärn i glungge 😜😘

16 October 2016

Läck söfu lang heimer no säute ufs ässe gwartet! Aber äs hetsech auso meh aus glohnt!! 😍😋 Chickenchop mit agäblech scharfer sauce 😀🍗🐣
Hütt isch wider Wandere ahgseit gsih. Zersch ufne Gpifu wos e super ussicht hätt gha. HÄTT, mer hei nume näbu gseh (Bild) 😊 u när heimer im einte Rägewaud no eine mitemne Blasrohr ahtroffe. Waser gnau het gjagt wüssemer nid. Är het nid viu gseit. Itz simer aber kabutt vo dene 14km womer si gloffe hütt :)

15 October 2016

Hüt e trekking-usflug ide cameron highlands. Bärguf hets auso me ane survival run erinneret!! Aues nass u glitschig, stuefe si höcher gsih aus mini hüft, überau näbu und söfu wind das die aute böim gruusig knarret u gschwanket hei! 😱 dobe heimer de ou ke ussicht gha. Witer unger si d teeplantage gsi, d sunne het wider gschune u es isch eifach wunderschön gsi!!😀 immerhin simer 14km gloffe 💪 us irgendeme grund lö malaysianer no gärn iri schuesolene überau la lige 😂

14 October 2016

Di erschti Busfahrt 🚐 Vo KL zude Cameron Highlands. Womer dert si ahcho heimer grad chaut gha, hei üs gloub schochli as heisse Klima gwöhnt gha 😝 hie ischs so 15-25 grad.

13 October 2016

Erst Haarschnitt z Asie... oder dr erscht Naseschnitt? 👃🏻
Am zwöite Tag z Kuala Lumpur heimer sehr viu Tämple gse! Am morge simer zu de Batu Caves wo ä riisige Hundu-Schrein drinne isch u si ouno die riisige Höline ga aluege. Zrügg cho simer mitem Zug wo der Bahnhof usgset wie bi Harry Potter 😊 När simer no d Nationalmoschee wo eifach nume riisig isch. Nach dere grosse lääre Moschee heimer üs dürne chinesische Märit kämpft wome sech richtig het müesse dürekämpfe und aus wome sech cha vorsteue (oder o nid) het chönne choufe. Da isch mau äs Bier nötig! 🍻

12 October 2016

Mir hei schobau zwe strängi täg z kuala lumpur hinger üs! Üsi füess chöi langsam wäute verzeue und si wundglüffe 🙈 Us erschts simer bide Petronas Towers gsi und när ufem Kuala Lumpur Tower wos e wahnsinnigi Ussicht het gä! Platzrägä heimer schi paar erläbt, wos när miter Sunne jedesmau wi im Dampfbad isch! Dür Little India heimer nume no gstuunet und ou Chinatown heimer gse 😀 Vode Wulchechratzer isches auso fasch so gäi wiz Singapur, vor Kultur aber no viiiu spannender! Znacht heimer ir Strass Jalan Alor gha, wo di ganzi Strass eifach mit Strassechuchi zuepflaschteret wird! Da chame stundelang d Lüt und aues beobachte ☺️

11 October 2016

Wär fingt üses Boumhus? 😊

10 October 2016

Nach däm mer viu Delfine hei gseh, simer no zure chliine Insle ga schnorchle u zmitttag ässe :)

9 October 2016

I gloub di wei üs hie mestä 😅 mer hei znacht becho... aus Appetiser mau paar Chicken am Stängeli mit Sosse. När zur Vorspiis e Suppä 🍵 (natürlech mit Chicken) när het mau jede ä ladig riis übercho, när hets 4 Täuer gäh: 1x Soja Chicken, 1x öppe 13 🍤 mit Härdöpfu, när 1x gmischts gmües und 1x stärndli-gmües.. mir hei äue knapp d heufti möge! Zum glück hets nurno 2-3 frücht zum Dessärt gäh😅🙏🏻

8 October 2016

Anti-Blutegel-Abwehr-Schutzsystem! Ab i Urwaud!! 🙈🙈
Super usssicht ihde Borneo Highlands am morge früeh 😍

7 October 2016

Im Hotel ässe isch Sträng. Üse Guide seit immer mer müesse 4 Sache us dr Charte bsteue. Weme aber di ganzi Vorspiis ist, hetme när scho ke Hunger me. Es isch aber wahnsinnig fein u d Coni het itz haut eifach 3 Getränk näbem Ässe gha 😊 nachem znacht simmer no di flügende Frösch ga suechä, hei aber leider kenni gfunge, derfür paar cooli Insekte und e normale Frosch. 🐸
Ide Highlands vo Borneo, agnähm chüeu, wider mau chli Bärgä für üs, wunderschöni Natur, es wahnsinns Hotel! hie würdi blibe 😍😍
Orang Utans hutnach z Borneo! Faszinierend 😀
Mir hei ä wahnsinnig gueti zyt gha z Borneo! Me gloubt fasch nid wasmer aus hei gseh 😀 Naseaffe, Orang Utan, no angeri affe, Mudskipper, Chräbse, Schlangene (Viper), ä Nemo, Eisidler Chräbse, Wiudsöi, Frösche, 3cm-Ameise, Bluetegle (Coni: "Zur GENÜGE!"), viu Insekte wo usgseh wi Bletter oder Äst, rise Spinele, viu Delfine und no es 3m und es 4m Krokodil 🐊

6 October 2016

Jaaa "backpacker-ferie" heimer gseit 😜😜👌🏻
Me merkt, mer si nümm z Singapur. Megaviu Seafood für 11.38 Franke 🍤

5 October 2016

Ke angst mutti, verhungere düemer nid 😜 (z erste mau riis) & es isch gsih wi Mongoletopf - superfein 😋
Hütt z türste Bier in Singapur gha (30$), aber derfür isch d Ussicht ir Bar (282m) niso übel gsih 😉

4 October 2016

Di Magic Trees si schono schön bi Nacht :)
Aktuell: im schöne chüele es märze und es (sehrsehrserr) hopfigs bier trinke 😊😜
Sitem 12i wider mit gepäck 😀🎉🎉

3 October 2016

Z gepäck het dr schnäu umstieg z Singapur leider nid gmacht und därum simmer itz nur mit dä Tagesruckseck ungerwägs 😅
Flug mit Qatar Airlines