Switzerland, Italy · 15 Days · 131 Moments · June 2018

BikeWanderTrip im Südtirol


24 June 2018

Super schoeni Zwe Wuche heimer zaeme ungerwaegs mit uesem Kompass gnosse. Mir hei z‘Watter uf uesere Siete gha u hei ganz tolli u schoeni Biketoure u Wanderige choene verwuerckleche. D‘Dolomite si wie scho vor 20 Jahr eifach wunderschoen u ou OHNI Motor hets Bike gfaegt. Nachem Abentuer isch vorem naechschte Reisli... mir freue ues scho druf.

22 June 2018

Am Brienzersee heimer de no die letschte Sunnestrahle gnosse nach dene eher chuelere Paess. Nam z‘Nacht gits de no z‘obligate Kaeffele mitem Schnepsle drzue u de geits schpeter ungere.
Nachdaem mr de ume zum Kompass zruegggloffe si heimr no oepis chlises gaesse u hei ues aschliessend ufe Waeg gmacht ueber d‘Pass iz Baernbiet. Ufem Suste heimer de hurti e laengere Photostop brucht. Dr Wasserfau isch grad im richtige Liecht gsi u da hani natuerli mini Kamera gschnappet u bi uf Plaetzli suechi gange 👍🏼
Mitem Poschi simer de zruegg uf Thusis u hei dert am Bahnhof no grad dr Nostalgiezug vor RhB gseh. Isch auso es schoens restaurierts Zuegli 👍🏼
Trotzdaem isch aber dr Usflug id Schlucht toll gsi 😍
d‘Schlucht seuber isch nachem Waeg derthaere fasch echli entueschend usgfaue. Viu schoeners bzw spektakulaerers hetme fasch nid gseh.
Dr Waeg zur Viamala Schlucht fuert ues duer z‘verlornigr Loch. Isch e spektakulaere Waeg wo viu Feusstuertz hingersech het aber ou Chlaetterer due sech i dere Schlucht vertoerle.

21 June 2018

Morn isch e witeri Wanderig planet. Wöi scho lang mau duer d‘Viamala Schlucht. U da mr ha iz grad ir Gaegend si naemer doch die i Agriff.
Uese Place fuer d‘Nacht 🤣
Dr Manno het fein gchoecherlet. Saltimboca alla romagnia. Lecker gsi ... merci mi Schatz 😘
De no hurti e witere Stop bir Solisbruegg. Beidruckend d‘Sicht id Schlucht abe.
Churze Stop am Stousee Marmorera.
z‘Vieri Pouse ufem Julierpass. D‘Linzerturte heimr no vo Italy mit ueberegnoh. U das ersch no vom Baecker.
Skatesurfer ufem Silvaplanersee
Dr Wasserfau het ou no ufenes Biud muesse.
d‘Schouchaeserei im Baergstyle
Bim zrueggloufe zum Camper heimr no hurti bir Schouchaeserei aghaute. Dert hets es Gheg gha mit Haesli.... oder Chuengeli? Kenne dr Ungerschied nid 🤪
Gletscherwelt isch scho schoen. Hei ou iz mau gseh wie d‘Steine immer wider abegheie vo de Sietewaeng. 🙈
Tataaaaa, u no z‘letschte Steinli druflege 😜 Ok , gibes zue... ha only das Steinli drufgleit. U dr Daenu het natuerli ou unbedingt no eis wöue obedrufsetzte. E Voila... es het klapperet.
Chillen
U so wie jede Tag i dene Ferie machemr no oepis. Watschle hingere zum Morderatsch Gletscher. Isch idruecklech wie dae i de letschte 98 Jahr gschmueze isch. 😱
Grad witt simer nid cho u scho simer gstoppet worde.
U scho simer ufem Bernina obe u fahre grad ume abe 😜
Guete Mooorge Graubuende... schoen begruessisch Du ues mit Sunneschinn.

20 June 2018

Am Ufer vom Lago di Poschiavo haebe mr ues stiu u saege guet Nacht 😴
Jeeeep, das isch uese Platz fuer d‘Nacht 🤣🤣🤣
Hmmmmm, isch aech das e Parkplatz?
Mir wöi ja gottlob ersch Morn uebere Bernina-Pass. Dae isch iz no gschperrt waegeme Erdrutsch.
Nam Tourli geits eichtig Schwizergraenze witer. Vorhaer heimer aber no in Tirano go e Pizza aesse.
Zruegg zum Kompass geits uf Chies u Wanderwaege retour. Dr Stousee gseh mr iz no vo Obe 😆
Am Usgangspunkt ufem Parkplatz vor Chile simer de ou grad gstartet fuer uesi Bikerundi.
Bis mr dert si fahre mr aber no ueber oepe 3 Paess. U die heis auso no insech mit TORNANTI u Hoehemeter.
Nach dr getaner Arbeit i de Ferie no chli Daenkmau aguegsle bevor mr de witerfahre richtig Biketour.
Iz heimer ume Netz u i cha miner Ferie igaeh woni grad nume Huet waerend 24 Std cha mache.

19 June 2018

Mued aber zfriede heimer ues de entschiede no e Nacht lenger hie z‘bliebe u de Morn am Morge frueh loszfahre. Wöi Morn witer ufwaerts richtig Tirano go e Mountainbike Tour fahre. U mir hei ersch iz gseh das es fasch 3 Std geit bis mr dert si. Drum geits frueh los. U mir choei ja guet frueh iz Bett. Mir wuesse ja vo was mr mued si 😜 U ja, mir stuere bereits ume d‘Schwiz ah. Aber aebe... nume astuere 🤪
Womer si zruegg cho zum Camper Stellplatz heimer beidi vo witem nid schlaecht gluegt. Simer doch beidi nid drus cho wiso dr Kompass iz dr anger Waeg steiht aus womr gange si am Morge. Womer aber de gneuer hei gluegt heimer gseh das e zwoeite Kompass sich grad naebe ues plaziert het 😝
Naer isch aber langsam Zyt zum zrueggloufe cho. D‘Ussicht ufe See isch aber imer e guete Begleiter gsi.
Zruegg am Ufer d‘ussicht ufe schoen schimmernde See gnosse.
De no bim Wasserfau zuche u dr maennlech Teu het mau ume e duschi gnoh.
Dunger acho heimer aber nonid gnue gha. Si naer no ume See umegluefe.
D‘Ussicht isch bim abeloufe natuerlech um einiges schoener 🤣
Bis zu daem Ussichtspunkt simer cho. De hei mr ues aber entschlosse umzchere. Dr Waeg isch geng schmeler worde u steineiger sprich ruetschegi Groellhalde. U ufem Garmin heimer gseh das dr steil Biz ersch no chunt u dae es Niveau vome Baergwaeg T3 het. U bis iz simer ufeme T2 gsi. Besser la si u haut glich dr seub Waeg zruegg wie bim ufecho.
Waeretem poeisele heimr ufem Garmin gluegt wie mr ume abechoeme. Mit goe gaern e angere Waeg. Si de ou fuendig worde u hei ues aschliessend ufe Waeg gmacht. Wit simer aber nid cho.
Dobe acho heimer de d‘Ussicht u ne feine Apfelsaft gnosse.
Zum zwöitemau ufgstange simer du chli schpeter im Tag. Drum simer ou oepe ersch so gaege die haube 11fe losmaschiert. Ziel isch d‘Malga Tuena Huette gsi uf 1740 m.ü.m. Dasch auso e raechte steis gsi dert ufe. (Gstartet simer uf oepe 1140 m.ü.m. Aber gottlob isch dr Wanderwaeg zum groeschte Teu duere Waud.
Het sech doch glohnt ufzstah 😍
De am Morge frueh isch dr Wecker gange u i hami nomau mit dr Kamera ufe Waeg gmacht sum See. Diesmau go dr sunrise phoetele. Leider isch dr See nid soooo ruhig gsi wie ni erhofft ha. Aber daenke het glich schoeni Photos gaeh 😜. De nam Photousflug ume zruegg i Kompass go witerdoese 😴😴😴 Da mr es Schatteplaetzli hei geit das gaebig.

18 June 2018

Nachem z‘Nacht simer de no zum See ufe go dr Sunset luege u phoetele. Dismau natuerli mit dr „Kamera“ 😜
Na de 18h simer de bin „Lago di Tovel“ acho u hei dank ame Italiano ou dr Uebernachtigsplatz gfunge z‘hingerst na de Outoparkplaetz. 😝 Naeb ues si no zwe anger Camper da. E Spanier u e Duetsche.
Obe ufem Pass hets mi doch glatt a uesi Toefferie erinneret den vor 20 Jahr 👍🏼 Denn heimer us Souvenir so isegi Schmaetterlinge mitheignoh 🤣
Nam Wandere u dueschele hei mer ues ufe Waeg gmacht richtig „Lago di Tovel“. De simer ueberne Pass namen‘s Mendelpass. Vorem Pass simer aber no hurti bim DECATHLON zuchegfaghre z‘Bolzano u dr Wieblech Teu isch hurti go chraemere 🙈🙈🙈
z‘grosse Bier het im fau em wiebleche Teu ghoert. Ha ja naer no muesse fahre 🙈

17 June 2018

Mued vor Huetige Tour goe mr langsam ungere u pfuesele die Nacht sicher ume einisch meh wie nes Herrgoettli 😴😴😴 Bikeroute Seiser Alm Strecke : knapp 30 km Anstieg: 618 m Abstieg 1412 m Mir si natuerli vor Alp obe abe mit de Bike gfahre 😝
Die letschte Sunnestrahle uf dr Garteterasse gnosse inklusiv Sunnevergang.
Platz fuer die Nacht 😝
Obe uf dr „Carezza“ (Isch es Ski & Wandergiebt) heimr ues ufem Parkplatz plaziert u zersch mau es Apéro goent bevor mr ues es z‘Naechtli gkochet hei. De no hingerem Kompass es Dueschi Gnoh u no dr Kompass umplaziert fuer d‘Nacht 🤣
Da dr einzig Camping ungerhaub vor Seiser Alm meh aus ueberluefe isch u mir so gar kei Bock hei gha ues da izreihe heimr mau ume uesi App fuer Rascht u Steuplaetz fuereghout u si ou fuendig worde. Iz simer dank dene App‘s duer Ortee gfahre womr schuesch nie waere duerecho. Ungerwaegs heimr ou no so Tierli gseh 🙈
z‘mitts i de farbige Wiese heimr es schoens Plaetzli mit Tisch u Bank gfunge zum verwiele 😜
Dr zwoeiti Ufstiege heimr de ou hinger ues bracht. Iz uf z‘suechi nacheme Raschtplatz fuers Picknick 😜
Nacheme erste Hoger isches ume abegange. De ungerwaegs mau chli grastet u d‘Natur gnosse. Het e Weid gha mit vielne Roesser.
Dobe acho simer de ou grad gstartet mit dr Biketour. Bim ufefahre heimr gstunnet ueber die farbige Wiesene uf dere Alm obe.
Mit dr Gondubahn geits ufwaerts... vo obe abe gseht uese Kompass ganz chli us naeb au dene riese Camper 😜
Ruhig u z‘friede heimr gnaechtiget hinger dr Sporthuette. Iz es chlises z‘Morge mit Muesli u de fahre mr zur Talstation vor Gondelbahn wonues uf d‘Seiser alm ufebringt.

16 June 2018

Die Nacht heimr ues ufeme Parkplatz vonere Sporthuette plaziert. Isch e offizielle Stellplatz. Mit ues si no 3 angeri Camper da. Da dae Platz GRATIS isch simer natuerli id Sporthuette go ichere 😜
De ufem letschte Pass „Passo di Salle“ acho, heimr nomau es supertolls Panorama gnosse u die tolli Sicht nomau i ues ufgsoge. Aecht troumhaft hie. Gsamthaft simer Huet ca ueber 6 Paess igfahre. Immer mit meh oder weniger Biker zaeme.
De geits ume witer uf dr Strass bis zum naeschte Pass
Uf dr Passstrass vom Passo Pordoi hei mr de uese Hunger gstiut u e Momaent de Biker (mit & ohni Motor) zuegluegt. Ou es paar moechtegaern Rennfahrer us dr Schwiz heimr ou no beguetachtet.
Am Passo Falzarego heimr dr Kompass parkiert u si e Rundi use go uf es Huegli ufewatschle mit de Croc‘s naeb de Wanderer naebeduere.
A daem Plaetzli heimr unbedingt muesse stope... isch das doch e prachts Ussicht. Natuerli mini Kamera grad zur Hand gnoh 😜 Aber die Photos choeme de ersch Deheime zum Zug 🙃
De simer witergfahre aber nid gross vorwaertscho. Geng hets oepis z’phoetele gaeh. Dr Lago di Misurina heimer ou no mitgnoh ufem Waeg zur Seiser Alm.
Es paar Meter witer heimr dr Fridhof besichtiget vom 1. Weutchrieg nache.
Impressione vom See
Nam z‘Moergele u zaemerume simer gstartet fuer uesi Witerreis anes angers schoens Plaetzli im italienische Suedtirol. Dr ersti Stop isch de scho grad churz na dr Abfahrt gsi bim Toblacher See.

15 June 2018

Womr si zrueggcho heimr no e schwumm gnoh im Pool ufem Camping. Isch erstuunlech wie warm dae isch hie. Simer doch immerhin ueber 1100 m.ü.m. De nam dueschele iz Apéro gstuerzt u aschliessend dr Grill agschmiesse. Feini Spiessli heimr gha vom Metzger in Toblach 👍🏼
Bim zrueggfahre heimr de ume ufem Garmin nach auternativ Wanderwaegli gsuecht u natuerli ou gfunge. Mir heis gnosse duer die Feuder vo Bluememeer u Lercheböim. Schlussaentlech simer de uf 47 km cho mit ca 571 Hoehemeter.
Z‘hingerschthinge acho hets no e Beiz namens „Talschlusshuette“ gha. Da si die 0815 Wanderer go ichere 😜 Mir si no e bitz witer gfahre u hei ues de dert es Plaetzli ir Natur gsuecht fuerne Rascht u z‘Hungersgfueh z‘bekaempfe. Dr Daenu het sech no e chlini Badwanne boue fuer chli abzchuele. Hie gseht me only die jugendfreie Biuder ( vom Fuess baedele) 😝 Die angere si u bliebe PRIVAT 🙃🙃🙃
Isch das Fischleintal nid e Ougeweid zum luege? Mir hei ues garnid choene satt gseh 😍
Huet simer richtig Fischleintal. Ueber Innichen u Sexten bis mr de hei choene abbiege i das ungloublech schoene Tal.

14 June 2018

Nachem feine Grillznacht... simer Du inedesloziert das doch raecht abkuehlet het veruse. Mir waerde aber oepe nuem gross aut Huet. Simer doch mued vo daem schoene Biketuerli.
Uesi Tour vo Huet
Abestimmt gniesse ufem Camping
Obe acho bim Pragser Wildsee simer gflaeschet vo daem Ort. Isch grad wie dr Oeschinesee bi ues in Kandersteg 😜 Scho schad hani mini Kamera nid bimer. So muess haut z‘iphone laenge. Aecht iz, ganz e tolli Gaegend u mir heis gnosse. De ufem Heiwaeg nochli uf umwaege ueber Wanderwaegli u Bluemewiese u de im Niederdorf no zum Metzger go feins Stueck Fleisch go poschte fuer ufe Grill. 😜
Ready fuer uf d‘Velotour zum Pragser Wildsee.

13 June 2018

Ufem Heiwaeg vom z‘Nacht zum Camping heimr no hurti haut gmacht bim Tierpaerkli. Het es chlises Aenteli gha ungerem wermende Liecht. Schuesch hets ueber Hase, Fasan, Pony .... ganz vieli Arte a Aente u Gaens gha.
Bim verdouigsspaziergang heimr ues geng wieder zrueggdreit. Isch doch i uesem Ruegge e schoene Sunnevergang gsi.
Zruegg mitem Zug simer de im Niederdorf no bimene Mexicaner zuche. Hei kei bock meh iz hei go z’choche.... drum goener doch dert no zuche. Da mr chli lang uf d‘Vorspeise hei muesse warte hets zum Kaffi no es Schnaepsli offeriert gaeh. Mmmmhhh, isch lecker gsi 👌🏼 ... nid nume z‘Schnaepsle 😜😜😜
Es schnuessigs Doerfle das Innichen 👍🏼
Klar doch, z‘Apero nam Wellnesse darf nid faehle 😝
Bim loufe zum Acquafun simer duer d‘Fuessgaengerstrass cho u hei de ufem Waeg no e Chile mitgnoh 😜 meine... d‘Chile heimr no besichtiget.
Die ersti Chile isch ou nid z‘verachte 😍
Nach ca 20 Minute simer bim Bahnhof Niederdorf acho u hei ou schograd es Ticket gloest u si ufs Perron go warte. U siehe da, dr Zug het ou nid lang ufsech la warte. Isch de sogar no e Zug made in Switzerland gsi 😜
Huet isch verraegnete Tag wie sie ou scho provezeit hei 🙃 Isch aber nid witters schlimm... hei scho es auternativ Programm gfunge. Im Dorf witer z‘Innichen hets e Acquafun Park. Sprich ou e Sounalandschaft. Damit mr aber glich chli oepis gmacht hei waerde mr vom Camping us zum Bahnhof Niederdorf loufe. Googlemap seit ca 27 Minute z‘Fuess. De mitem Zug bis uf Innichen u vo dert us nomau e gueti Viertustung loufe zum Entspannigsnamittag 👌🏼👌🏼👌🏼

12 June 2018

Uesi Wanderig isch schlussaentlech e chli angers usecho aus planet. Aber deswaege nid weniger schoen 😜
Zruegg mitem Bus in Toblach heimr ues no zum Kaffe&Kuchen iglade... aschliessend de ume mitem Liniebus retour ufe Camping. Trotz daem nid sooooo ungloublech schoene Waetter isch die umrundig vo de 3 Zinne es Highlight gsi.
z‘Waetter het du leider ender kehrt aus sie vorusgseit hei. Aber bis uf die letschti Viertustung wos het afa raegne isches z‘friede gsi 😝 oepe 20 Minute vor em Aendi simer de ume uf die andere Wanderer troffe.
Toll dae Baergwanderwaeg... erinneret e bitz ad Schwiz 🤣
Dr Park isch u schoen ... ghoert ou zum UNESCO 👍🏼 Mir hei du de dr Baergwanderwaeg gno... so heimr elleini choene wandere OHNI die gfuehte 100 andere Wanderer uf dr OutobahnWanderstrass 🙈
Dr erschti Bitz ufe zu de Zinne hets insech gha ... drum darf natuerli d‘Photos vo u mit de Zinne u ues Zwoei beidne nid faehle 😝 Selfi time 🙈 z‘letschte mau vor oepe 20 Jahr simer beidi (unabhaengig vonenang 😜) nie so noech haerecho. Simer doch denn mit de Toeffe ungerwaegs gsi u i de Toeffchleider geisch nid so go wandere 😜😜😜
Da sie ab Mittag schlaecht Watter vorusgseit hei simer Huet Morge scho frueh us de Faedere gsprunge. Dr Bus fahrt scho am 07.22h hie bi ues vorem Camping. Dr ShuttelBus ufe zum Usgangspunkt fahrt de erscht 8.10h. Da mr aber no chli Proviant wöi fuer ungerwaegs simer aebe chli ender uf um in Toblach no bime Beck go inezluege. Nach guete 50 Minute simer de dobe bir Usgangshuette acho u hei d‘Wanderig rund um die 3 Zinne i Agriff gnoh.
Uesi bevorstehendi Tour womr ues usgsuecht hei fuer Huet. d‘umrundig vo de beruehmte 3 Zinne !

11 June 2018

Nacheme churze Gwitter isch nomau d‘Sunne fuerecho u het ueses Böimli ufem Campingplatz so richtig toll zum luechte bracht. 👍🏼
Uesi huetegi Bikerundi in und um Toblach. Fuer d‘Dolomite sicher eher Pinax.... aber so zum afa mases liede. 🤣
Nach de Bike putze u Choetti schmiere u se ume ufebinge ufe Kompass het Du d‘Hangematte montiere chli z‘lache gaeh 🙈 Het nid bim erschte mau klappet.... aber de bim 2. mau scho 👍🏼
Us Belohnig heimr ues de no es Glaceli goent dunger im Dorf bevors zruegg isch gange ufe Camping.
Nachdaem das mr gwuesst hei dases numeno abe geit heimr no ufem Garmin nach Wanderwaegli gsuecht u ou gfunge. Nochli Singeltrail‘s abfahre muess doch ou si 😜
Nam z‘Morge simer du scho gli uf uesi 1. Biketour gstartet. Mir wöi d‘Route Nr 61 abfahre. Das het ou meh aus guet klapperet... isches doch wuercklech TipTop beschiuderet gsi. Nach ca 2 1/2 Std heimr du hurti mau aghaute u oepis chlises usem Rucksack gframet bire mega giga tolle Usicht.
z‘friede heimr pfueselet u iz bereits ready zum z‘Morge gniesse....

10 June 2018

Nacheme feine z’Nacht im Restaurant vom Camping heimr no hurti doerfe es Himmuspektaku gniesse. Iz am Abe hets ume abkuehlet... Isch e super schoene Tag gsi Huet i daem Schlossgarte. U iz touchemer ab id Nacht.... 😴😴😴
Schwein gha, dr Kompass isch no da gsi ufem Parkplatz womr si zrueggcho 😜
Impressione usem Garte
Im “Touriseum” simer ou no hurti dueregluefe!
z’Meran simer go dr Garte luege vom Schloss Trauttmansdorff. Isch e Besichtigung meh aus waert. Tolli Gartelandschaft mit verschiednige Themeberiche ganz schoen zwaeggmacht.
Ueberau ungerwaegs hets Burge... Schloesser u Ruine z’gseh... fasch uf jedem nosochline Huegu isch sones Teil z’bestuuune 😝
Nachere z’friednige Nacht heimr dr Tag mitere KneippRundi gstartet.... es bitz chaut isch z’Wasser scho gsi 😱

9 June 2018

Mir hei du grad na dr Graenze in Italy es tolls Plaetzli gfunge gha. Leider isch a daem Tag dert es Event gsi. Aber ou das het sis guete. So heimr no eis zwöi Bierli choene gniesse mit Musigungerhautig. Am naechschte Morge simer elleini erwachet um ues ume numene “Guschtis” 😜
Ufem Ofepass z’oberschtobe heimr de es z’Nacht gkoecherlet im Kompass u de gluegt womr choente go naechtige.
Dobe ufem Pass acho isches de schono e chute cheuter gsi. Ou Schnee isch no umeglaege 😜
Witer geits uebere Albulapass. Eine vo de schoenere Paess vor Schwiz. Gibes z’ue, mitem Toeff dochno einiges schoener gsi.... aber ou mitem Kompass faegts. Iz choeimr d’Gaegend gniesse... ufem Toeff heimr meischtens nid viu meh aus z’Strasse gseh 🤣🤣🤣
Hurti im futuristische Migros go poschte fuer z’Nacht. 😜
Es bitzli Wasser uftanke fuer ungerwaegs 😜
Bim Kambly simer natuerli nid dra verbicho... hurti ine go duereschnouse u es Paeckli Braetzeli us Proviant mitgnoh 😜
Hurti am Hene u dr Trudi winke bim duerefahre z’Knofu 😜
Mir si ready u freue ues uf uese KompassTrip id Dolomite. Iz fahre mr grad ab duer z’Aentlibuech