Europe · 11 Days · 47 Moments · February 2018

Geburiueberraschungs-Staedtetrip London


18 February 2018

Schön isches gsi das tolle Überraschigsweekend in London. Merci my Dear ... 😘

11 February 2018

Retourfahrt vo Basel SBB nach Münsige Bärn 🙃 u de simer ume in Heimat
Superfeine Food heimr am Flughafe bim Libanes chöne gniesse. Schad gits die Art vo Food bi üs eher weniger. Augemein simer aber extrem überrascht gsi vom Food Agebot ir Stadt London. Sie hei extrem viu gsunge Food gha. Da si Sie Üs um einiges vorus. Dänkt me doch bi Engländer hauptsächlech a Fish&Chip 😜
No schneu e Abstächer zum "Buckingham Palace".... dä darf doch nid fähle ufem London Trip. Leider isch d‘Sunne vom Morge mit de Wouche vom Nami überdeckt worde. ⛅️ Aber gross Zyt hei mr eh nüm gha... isch doch scho 15h gsi u mir söte Üs ufe Waeg mache richtig Flughafe.
Es paar Idrück vo de Verchoufsgschäft
Cooli Verchousstäng mit tolle live Gurt Isatz 😁
Ehemalige Fabrikhauene wo so richtig schön u Bund gnützt wärde.
Super geniale Markt wo de eifach aus bechunnsch... öps iz bruchsch oder nid... u ou zum ässe chasch dert aues ha. Gseht us wie bi üs ame StreetFoodFestival.... aber bi inne isch das au Tag 👍🏼
Da mr am Morge kei Wecker hei gschteut gha u mr anschienend dr Schlaf brucht hei, simer relativ spät (für Üsi Verhäutnis) ufgschtange. Nacheme wittere feine z‘Morge simer de i dä super schön Prachtstag gstartet bi blauem Himmu u Sunneschiin. ☀️☀️☀️ Mit dr subway gömer use zum „Camden“ Market... dae sigi Sehenswärt u heig a Spitzetage bis zu 500‘000 Bsuecher 😵
Dä Spruch het mr meh aus gfaue....

10 February 2018

Absacker im Pub nachem feine z'Nächtle
Promenade Spaziergang mit churzem Photo Stop...nachem London-Ey Höhetrip
Eis vo de Highlight's vo London heimr im "London-Ey" gnosse höch über London.
Scho ume öpis främsle 👍🏼 so nachem Bier muess dochno öpis Fescht’s i Mage. Weme wot, Gsung‘s 😜 ....muss aber nid 🙃 gäu mi Schatz 😘
Sightseeingtour
Nach soviu Idrück isches mau ume Zyt fürne Break 😜 Break ime Pub verschteitsech. 🍺🍺 & Cider ghört hie 2 - 3 mau im Tag drzue 😜
Nach soviu Kunst u Biuder wöimr Üs am "Piccadili Squear " nochli go angeri inspiration hole u das ou bim schlendere über die wou bekannteschti Ichoufsmeile überhoupt vo London.
Ume chli Kultur ir "National Gallery".... Das Gebäude isch ungloublech...da loufsch dr eine ab vo ein Room i anger u hesch kein Plan wo de iz genau im Gebäude bisch. Ou z'berüehmte Biud vom "Vincent Van Gogh" heimr gseh... d'Blueme i dr Vase... mir hei Üs aber beide das Biud viu chräftiger i de Farbe vorgschteut 😵
Geburifahrt mitem OLD-CAR 😜... soooo genial... heimr doch e uralte Bus verwünscht.
Z‘Morge Zyt im HOTEL 😜 Feins Porrige u Kaffe Latte hets gäh u am grosse Buffet heimr Üs ou no dörfe bediene.

9 February 2018

Nachem feine "chees & win" bruche mr no e Verdouigsspaziergang wo no bis genau zum nächschre Pub het glängt 😜 .... also öpe 20 Meter 😁 U me gloubts ja chum, ABER..... z’grosse Glas rächts im Biud ghört dr Frou unger Üs 😘
Nei, kes Kaffi 😜 es het no es Dessert inemöge 🙃 üse Barboy het üs die Glace no offeriert 😜 Mini isch no speziell gsi... Cramel mit SALZ 😵 Aber garnid sooooo schlächt gsi
Mmmmh fein, i üsem Hotel gits zwüsche füfi u 8ti "Chäs & Wy" ame feine Buffet à discretion 😋 Mir hei grad soviu gässe das mr garnüm use gö go ässe...si scho fei sat worde 🙃
Fahrt mit em Fährschiff uf dr Themse ufwärts richtig „London Ey“ .... rächt e zügigi Aglägeheit. Aber ufe Abe isch de d‘Sunne doch nomau cho füreglüsle. ☀️
Dr Themse entlang isches schön aber ou grüselig chaut. Im Summer isches hie sicher meh aus überlüfe!
Promenade dr Themse entlang.
Tower Brige in the back
Übere "Borough Market" schlendere u e feine „pie“ schlemme u de no bime "Kaffiheini" düre 😜 Öpis warms trinke isch sicher nid fautsch.
Bim schlendere dür d'Stadt ume e typische Süessigkeitsläde vo GB entdeckt. Die si üs scho letscht Juni in Südengland ufgfaue.
Iz nach däm feine u guete z’Morge simer gstercht für uf Üsi erschti Erchundigstour dür London 😍 Näb dr imposante "St. Pauls's Cathedral" düre, über "d' Millennium Bridge" zum Museum "Tate Modern"
Rächt zügig uf dr "Milleniums Brige" aber drfür e tolli Ussicht. U de ersch no dr Blick zurück. Dä sig schins genau usgrichtet uf d' St. Pauls Catherdrale (Han i vom Wikipedia) ...erstaunt mi aber nid nach däm i das Photo Nr. 3 gemacht ha.
Tolli grossi u cooli Cathedrale "St.Pauls" .... heiss de später geschafft se no vo inne z'gseh. Einfach zur Predigszyt inne u de isches GRATIS 😁
Nachere relativ churze Nacht bereits am z‘Morgetisch mit typisch englischem Breakfast mit Blick uf d‘Hektik vo de Londoner am Morge 👍🏼
Es moderns u härzigs Zimmerli het üs mi Schatz z‘mitts in London usgsuecht. 😘
Bevor mr iz aber müed u kabutt vom Tag ungere schlüfe iz Bettli, dörfe mr no es Glas Wy schlürfe uf "kosten des Hauses". Es feins Glas "Malbec" heimr ü la serviere.

8 February 2018

Nacheme churze Spaziergang dür d'Nacht, simer bi üsem Hotel namens "Z“ z‘friede u guet acho.
Mit dr subway geits witer zu üsere Endstation „Temple“ wo mr de no z‘Fuess zum Hotel müesse finde.
De grad subito gones Ticket poschte u siehe da, ou hie si Züg verspätet 😜😜😜
Welcome London Gatwick... schneu isches gange u scho simer Hüt im 3. Land 😜 Aaaaber no lang nid bim Zug für uf London inne. Da müesse mr zersch mau no chli Kilometer abschuehne.
No hurti d'Flügu entiese u de tschüss 🇨🇭
Ok, schwär vo Begriff... has zersch müsse google 😵 LONDON MIIIR CHOEME 😍😍😍
Keni 15 Minute u scho simer z‘Frankrich. U i weis no geng nid wos häregeit uf mim "Geburi-Überraschigsreisli". Bi scho ganz chribelig u gschpannt druf 😜
Bevors iz aber witergeit, wo häre ou immer 😜, liegt no es z‘Naechtli bim Asiat drin 😜
Basel Schweizer Bahnhof
Grad nachem Dienscht geit d'Fahrt iz ungwüsse los. 😁 🚂fahrt vo Bern uf Basu für i mis Geburi-Überraschigsweekend. Bi gschpannt druf wos häregeit.